News & Events

NMC Advice Provided

The Nunavut Marine Council has provided advice to the Government of Canada regarding a ban on the use and carriage of heavy fuel oil as fuel by ships operating in Arctic waters. The letter to the Minister of Transport and the Minister of Fisheries, Oceans and the Canadian Coast Guard is available under the Documents tab.

English

Tuhagakhat Tuhaqtakhaq

7 nit katimavikhangit haffumani Tarjukkut Avatiliqiniq Hapummivikhangit Katimajunita’p Ilaita Katimajunit uvanngat Halumaittunut Hiamittailinahuaqtut unalu Kiuvikhangit katimagaluaqtut uvani Iidjirurvia 17-21, 2020. Nalunaitkutaq kiuviniit katimajunit angmaumajuq uvanngat: https://imo-newsroom.prgloo.com/news/sub-committee-on-pollution-prevention-and-response-ppr-7-17-21-february-2020

Inuinnaqtun

Nutaat Tuhaayaghat

Hilajuartigut Tarjurmiukkut Timiqutingit, qajagivlugit Qalagjuarniq-19, umikhugit katimavikhangit haffumani Qalagjuarniq-19 ihumagivluniuk, ilaliutijangit 75 nit katimajunit haffumani Tarjukkut Avatiliqiniq Hapummivikhangit Katimajunit, katimanahuaraluaqtut uvanngat 30 Qiqailruq uvunga 3 Qitiqautiyuq 2020.Naunaittiarumaguvit haffumani Hilajuartigut Tarjurmiukkut Timiqutingit hulijakhangit qajagivlugit Qalagjuarniq-19 takuinnarialik uvanngat: http://www.imo.org/en/MediaCentre/HotTopics/Pages/Coronavirus.aspx 

Inuinnaqtun

Taiguagakhaq Taigualiurhimayuq

Kanatamiujut Qaujihaqtuliqijit Katimajit haffumani Kanata’p Ukiuqtaqtuq Piliriakhaq, haniraanit parnautigijangit uvanngat kavamait, Nunaqaqaaqhimajut nunaliit, havaktittijut ilinniarvigjuangit, tukhiutijut turaarvikhangit halijakharniit unalu akiharnaqtut aturaaqtakhangit nakiqtumik-akturnaqtut pivallianikhanut Tununnganami, angiklijuummirahuaqhugit inuuhirnaqtumik Tununnganarmiunut.

Inuinnaqtun

Iliharnigut Kiinaujatigut Ikajuutikhangit Hailijakharniq

Piqaqhuni iliharnigut kiinaujatigut ikajuutikhangit hailijakhaqarniq naahimalugit 10 nit nutaangujut hivitujumik havaglutik ilihaqtunut aallatqiingujut hivuningit pilihaaqhimalutik ilinniarvigjuangat ilihautikhat taaktiliqinirnut uvanngat L’institut des sciences de la mer de Rimouski ukiakhami 2020 uvaniluuniit ukiuq 2021 ilinniarvikhamut. Iliharnigut Kiinaujatigut Ikajuutikhangit, naahimalaaqtangit $20,000 aippaagukhamut, naahimalugulu pingahut (3) ukiunganit. Tamatkiqtakhat titiraqtakhaat umigutaa Qiqaiyaluarvia 1, 2020.

Inuinnaqtun

Nutaat Tuhaayaghat

Qanurunaaramik haffumani Qalagjuarniq-19, Kanata Agjaqtuiningit Tarjukkut Hapummivikhangit Upalungaijautigiiktut havaqatigiiktut aimavingnit qaritaujakkuuqhutik tuhaqtittivlutik turaarvigivlutik parnautingit unalu ilauqatigiiktut ikajuqtut pigiaqarniqqat. Ublukhautitigut tatqiqhiutigullu hivuani, Tarjukkut Hapummivikhangit Upalungaijaut ilagiiqatigiiktut katimaviginiaqtangit hivajautikkut uuminngaluuniit qaritaujakkut ikiaqqivikkut, kinguvarumik naammagijaujuq.

Inuinnaqtun

Taiguagakhaq Taigualiurhimayuq

Ukiuqtaqtuq Katimajita’p Havaqatigiiktut haffumani Hapummivikhangit haffumani Ukiuqtaqtuq Tarjukkut Avataita qaangiqtauhimajuq hivulliqpaami Ukiuqtaqtuq Agjaqtuijut Ilitquhiita Unipkaagakhaq ilittupkaigiami qaujimajakhaat avvautigiiglugillu nalunaitkutingit uvanngat Ukiuqtaqtuq agjaqtuiningit hulidjuhiit.Takuinnarialik taiguagakhaq uumani: https://storymaps.arcgis.com/stories/592bfe70251741b48b0a9786b75ff5d0

Inuinnaqtun

Nutaat Tuhaayaghat

Qanurunaaramik haffumani Qalagjuarniq-19, Kanata Agjaqtuiningit Nunalimmaat Tununnganiq Avikturningit unalu Kanatamiunit Nahittaqtit Ukiuqtaqtuq Avikturningit qaangiutijangit nutqaquijangit Upinngaamik Kanatamiunit Tarjukkut Kiuvikhangit Katimajit (CMAC) katimajut upalungaijarvikhangit uvani Qiqaiyaluarvia 26-27, 2020. Nalunaitkutingit hivunikhaat CMAC katimajut ilitturvigiinnarialik uvanngat: https://www.tc.gc.ca/eng/engagement-marine-safety-security-regulations.html

Inuinnaqtun

Tuhagakhat Tuhaqtakhaq

Ikajurahuariami hiamittailigiami Qalagjuarniq-19, Kanata Kavamarjuangit tuhaqtittijut maligiaqaqtangit ilagivluniuk nutqaqtittiquijut qujaginnaq Kanatamiunit pulaaqtaqtut umiarjuat kihaqtailijut, nahittaqtailijut, hanguttailijut iluani Kanatamiunit Ukiuqtaqtuq tarjuit (ilagijangit Nunatsiavut, Nunavik unalu Labrador Hinaa) Tattiarnaqtuq 31, 2020 nguqtinnagu.Hivitujuq tuhaqtittijut tuhagakhaq angmaumajuq uvanngat:

Inuinnaqtun