Nampangit

Pihimmaaqtuq tariuqmi ihumaliurutingit talvani nampangit unalu aadlat naunaitkutat piyut uumunnga Nunavuutim tariuqmi piinarialaqihimayut ilaliutihimayuq hapkuninnga:

 

Iqalukhiurniqmut Tariungillu Kaanatami: Iqalukhiurniqmut Tariungillu Kaanataup Imarmiutat Huradjat Nungutpallialiqtut Nunauyangit takunnaqtut ilaliutiyuq tuniqhaiyakhat akhuurutauyullu nayugangit imarmiutanut titiraqhimayut uumani Nungutpallialiqtut Maligat. Piliqtuq imarmiutat Nungutpallialiqtut nunauyangit tunigiami havauhikhat ihivriuqniq titiraqhimayumi Iqalukhiurniqmut Maligat unalu Nungutpallialiqtut Maligat atuqtaunginnarialik Kaanatamiutanut ihumagigiami taimaa Nungutpallialiqtut akhuurutauyulluuniit nayugangit takunnaqtut talvani. Tamna Imarmiutat Nungutpallialiqtut Nunauyangit ihivriuqtaaqtat uumani www.dfo-mpo.gc.ca

 

Iqaluktuutiaq Nunallaanut Igluqpak: 2012mi, tamna Iliharvikyuanga Victoria-mi (UVic) Tariuqmi Havaqatigiikniq Kaanata (ONC) iliuraqtuq mikkaqmik, alruyalik tariuq natinganut igluqpak Iqaluktuutiami, Nunavut havalihaaqniaqtuq taimaa tallimanik ukiunik. Una nunallaanut-ittuq igluqpak, mikhilaaqhimayuq UVic-kut tariup natingani havaqatigiikniq, tamna hivulliqpaanga Kaanatap Ukiuqtaqtumi ukununnga ukiuq tamaat, tariup ataani munariniqmut ukunannga ukiuqtaqtup avatinga. Tunigiami nalunaqtunik naunaiyainiq-ittuq ikayuut ukununnga angitqiaq kangirhiniq unalu hapummilugit ahiruqtaaqtuq ukiuqtaqtumi tariuqmi avatinga. Nampangit piyut ukunannga tamna hanalrutingit ikayuut hivulliqpaami naunaiyainiq ilihainiqlu unalu nunallaanut pipkaidjutiyut. www.oceannetworks.ca/installations.observatories/arctic/cambridge-bay

 

Kaanatami Hikungani Havaangit: Avikturhimayuq ukunannga Hilamik Havaangit Kaanatap, tamna Kaanatami Hikungani Havaangit tamna hivuliqtiqtuq piyunnautingit naunaitkutamut hikumut Kaanatami imangat. CIS tuniyuq talvunga piinarialaqilugu hikumut unalu piqaluyakmik naunaitkutat, unalu qaritauyakkut pulaarvinga piqaqtuq angiyumik naunaitkutaq hikumik unalu piqaluyat qanuritaakhait, hikut naunaitkutingit, unalu piinarialaqilugu tamna qaritauyakkut. www.ec.gc.ca/glaces-ice

 

Kaanatap Tariumi Naunaitkutat Itiqvinganut: Una itiqvinganut aulapkaiyuq ukunannga Kaanatami Hikuirutiuyuq Umiaq tuniyuq tariuqmi piinarialaqilugu tamainnut ilitariyauyut alruyaqtuqtut nampangit unalu havaangit ihariaagiyauyuq ihumaliuriami aullaarutikhamik Kaanatami, ukuatlu tariuqmi hila, malinga, qayangnaqninnga, naunaitkutingit, hiku, qanuritaakhait, naunaitkutat unalu umiakkuurvikhangit. www.marinfo.gc.ca

 

Kaanata Ingilraqvikhaq Maligaq Ihivriuqniq: Fipyuali 25, 2016mi, tamna Ministauyut Agyarniqmut iliuraqtuq katimadjutikhamut Aatuvami Maligaliurvikyuanganut tamna Kaanata Ingilraqvikhaq Maligaq (CTA) Ihivriuqniq Taiguagakhaq. Tamna Ihivriuqniq angmaqtuq June, 2014, unalu ilaliutiyuqlu Tisaipa, 2015 unalu hivumuuqtuq 20nik 30mut ukiunik ilitarigiami hivulliutigiyakhat unalu piniaruknaqhiyut qanuriliurutingit ingilraqvikhaq ikayuqniaqtuq Kaanatap akuniraalukmut maniliurutimut nakurudjutinga. Tamna Taiguagakhaq naunaiqtaa amihut tatqirhiutit ihuaqtunik havaat, akhuurutauyuq inuknut uqaqatigiikniq unalu ilaliutiyuq qaffiuyut piyakhangit. Pilugu iluittuq taiguagakhaq qaritauyakkut ukunannga Ingilraliriyiitkut Kaanataup qaritauyakkut pulaarvinga.

 

Fish-WIKS (Iqaluk-WIKS): Iqaluk-WIKS naunaiyainiq qungiaqtaa kangirhiniq uataanga unalu Nunaqaqqaarhimayut ilihimaniq qanuriliurutingit unalu qinirhiayuq qanuqtut tamna aadlatqiit havaktuq kitunik ilihimaniq ihariagiyauyuq, tuniqhaiyuq unalu aturninnga iliuraqtaaqtuq ihuarhigiami Kaanatami iqalukhiurniq maligaq. Manikhaqtauyut ukunannga Nunaliqiniqmut Nalunaqtunik naunaiyainiq unalu Inuit Naunaiyainiq Katimayiit (SSHRC), tamna naunaiyainiq pinahuaqtuq ilitarigiami tamna angirutingit aadlatqiinganiklu ukunani Nunaqaqqaarhimayut ilihimaniq qanuriliurutingit tamainni Pacific-mut, Ukiuqtaqtumi, Maniqqami unalu Atlantic-mut avikturhimayuni unalu hitamauyuni aadlatqiit hinaa nunallaangit Kaanatami (Tla-o-qui-aht, British Columbia; Nauyaat, Nunavut; Nipissing, Ontario; unalu Eskasoni, Nova Scotia). Tamna havauhikhaq qiniqtuqlu kangirhigiami qanuqtut Nunaqaqqaarhimayut unalu uataani ilihimaniq qanuriliurutingit atuqtauqtaaqtut ihuarhigiami nungulaigiami Kaanatami iqalukhiurniq. Titiqqat, naittut unalu aadlat tutquumavingit piinarialaqihimayut ukunuuna Iqaluk-WIKS qaritauyakkut pulaarvinga. www.fishwiks.ca

 

Tariumi Ilihimaniq Katimavik (MKC): Pigiyaa tamna nunaryuaptikni havaaq Nunaryuami Katimayiit Qanuriliurutingit Taiguarviit, tamna Tariumi Ilihimaniq Katimavik (MKC) aadlanut piyut ayuitaminik, nakuutqiaq piyangit, tutquumavingit unalu atayunik havaangit. Tamna MKC havaqatigiuq inuknut, nunaryuaptiknut, ilihainiq unalu naunaiyainiq taiguarviit taimaa naunairiami piinarialaqilugu ihuaqtumut tariumi naunaitkutat. Ihuarhaqhimayuq katitiqniq piqaqtuq tamna katitiqhimayunik ilitariyauyunik titiqqat unalu Nunaryuaptikni Tariumi Timiqutigiyauyuq makpiraaliuqniq. Tamna MKC katitiqtuqlu tutquumavingit piyuq uumunga tariumi piyanginnik, agyaqniq unalu aadlat havaat ihuaqtumut havaamut ukunannga IMO. www.imo.org/en/knowledgecentre

 

Nunavut Hilaup aadlangurninnga Katimavia: Nunavut Hilaup aadlangurninnga Katimavia piyuq ikayuriami Nunavummiut ayuirhariami uuminnga Ukiuqtaqtumi hilaup aadlangurninnga, unalu qanuqtut ilaliutigiami hungiutigiamilu. Tamna Katimavia qaritauyakkut pulaarvinga tuniyuq naittumik hilaup aadlangurninnga uumani Kaanatami Ukiuqtaqtumi, pivikhaqautingit ilaliutigiami unalu qiniqhiagiami tamna nutaatqiaq naunaiyainiq unalu naunaitkutat qangaraaluknitat unalu inuit ilihimaniq hilaup aadlangurninnganik. www.climatechangenunavut.ca

 

Nunavut Urhuqyuat unalu Kaasilitigut Katimaniq: Tamna kingulliqpaanga taiguagakhaq ukunannga tamna 2015 Nunavut Urhuqyuat unalu Kaasilitigut Katimaniq piliurhimayuq katimapkaiyiuyumit Peter Croal takuinnarialik qaritauyakkut Qablunaatitut, Uiviititut, Inuktitut, Inuinnaqtutlu. Katimakmata January 2015, tamna pingahunik ublunik katimaniq atauttikkut pipkaiyuq 75nik inuknik pipkaidjutigiyuqing havakvinga, munaqtiuyut, kaanatap kavamatkut, kavamaungittut Timiqutigiyauyut, Kavamanga Nunavut unalu Nunavut nunallaangit, inuulrammiit unalu Timiqutigiyauyut uqariami tamna apirhuut: “Nunavut upalungaiyaqqa ukununnga urhuqyuat unalu kaasilitigut pivallianiq?” Tamna taiguagakhaq pihimayuq pigiami tamna akhuurutauyut tuhaqtakhangit, qanuriliurutingit unalu hunavaluit ihariagiyut aadlanik ihivriuqniqmik uqaqtakhangillu piyut ukunannga tamna Katimaniq, unalu naunaipkariami uqaqhimmaaqniq aadlatqiini katimalutik, unalu piyukhaq tunngavikhamik hivuniqmi qanuriliurutigiyauyut piyut Nunavuutim upalungaiyarninnga ukununnga piniaruknaqhiyut urhuqyuat unalu kaasilitigut pivallianiq.

 

Kangirhiniq Puisiutinik Halumaiqhimayuq Tariuqmi: Ilanga ilihainiqmut titiqqat piliurhimayut uumannga Cedre (France) havaqatigiikniq ukunannga Ingilraniqmut Kaanata, pilluaqhimayut ukununnga 12mit 18mut ukiuqaqtunut sikuuqtittiinginullu inuknullu. www.chemical-pollutiom.com