Attatingit

Piyut aadlanut timiqutigiyangit piqaqtuq tariuqmi- unaluuniit ukiuqtaqtumi-ihumagilluaqtait pitquyangit piyut ihumaliurutingit unaluuniit aadlat havagumayunut NMC-kut unalu tuniyuq piinarialaqilugu akhurutauqpiaqtumik tariuqmi tutquumavingit:

 

  • Inuit Tapiriit Kanatami (ITK) :  hilaryuanguyuq kivgaqtiuyut timingat hapummivaktut hivunigivagaallu piyunnautingit piyumayangillu Inuinnainut Kanatami. https://itk.ca/

 

  • Kaanatami Ihivriurut Katimayiingit Kaanata – Ukiuqtaqtumi Pinahuarut: Tamna Kaanatami Ihivriurut Katimayiingit (NRC) Kaanatap Kavamaup hivuliqtinga ihivriurut timiqutigiyangit ikayuqtuq havakviup nutaangurtirniq, hivumuuqninnga ilihimaniq ayuitaminiklu, iniqtiqtangillu kavamaup pitquyanginnik. NRC-kut Ukiuqtaqtumi Pinahuarutinga piliuqtuq ayuitamiknik naunairiami nungulaittuq mikiumiklu pilaqutiuyuq pivallianiq Ukiuqtaqtumi angikliyuumiqtiqtillugu qanurittaahaanik inuuhiqmut Ukiuqtaqtuqmiuyunut amihuutigut pittaaqtumik ihuaqtuqlu napadjutikhat. www.nrc-cnrc.gc.ca

 

  • Clear Seas Katimavia Munariyut Tariuqmik Umiakkuurniq: Tamna Clear Seas Katimavia Munariyut Tariuqmik Umiakkuurniq inmikkuuqtut ihivriurvingit pipkaidjutiyuq qayangnaittumik nungulaittumiklu tariuqmi Umiakkuurniq Kaanatamia. http://clearseas.org/

 

  • Katimayiit Ukiuqtaqtumi Umiakkuurvikhaa Umiaqmik Aquttut (AECO): Nalvaaqtauyuq 2003mi, AECO pipkaidjutigiyuq tamna ihumaalutigiyauyut unalu qanuqtutlu ihumagiyangit ukiuqtaqtumi umiakkuurniq umiaqmik aquttut. AECO akhuuqtut munarigiami munarilugit, avatinganut nakuuyuq qayangnaittuqlu pulaarniq uumani Ukiuqtaqtumi unalu akhuuqtut piliuriami tamna quulitqiamik aulapkaidjutimut maligat. Piinarialaqilugu tamna AECO qaritauyakkut pulaarvinga ihivriuriami maliktakhat ukununnga pulaaqtut talvunga Ukiuqtaqtumi, unalu aadlatqiinut uumayut maliktakhangit, huradjat maliktakhangit, unalu aulapkaidjutihimayuq maliktakhangit ukununnga tamna umiakkuuqniq umiaq havakvinga. www.aeco.no  

 

  • Kangirsualuup Iluani Katimayiit: Tamna Kangirsualuup Iluani Maniqqami Tariuq Havauhikhaq (HBISI) havaqatigiikhutik Nunavut Kangirsualuup Iluani Iluani-Timiqutigiyangit Havaqatigiiktut (NTK) unalu Ukiuqtaqtumi Mitiit Katimaniq (SEA~AES) hivuliqtut tamna munariyuq ukununnga amihuuqniq ilauninnga kavamatkunnit, ilaliutilugit tigumiaqatigiiktut piliurluni iluani nunangani Katimayiit ukununnga naunaiyainiq unalu avatiliriniqmut munariniq uumani Kangirsualuup Iluani, ukunatitut tamna Kangirsualuup Iluani Katimayiit (HBC). www.hudsonbayconsortium.com/  

 

  • Nunavut Iqalukhiurniq Ayuirhainiq Katimayiit (NFTC): Maniliurutingittumik timiqutigiyauyuq piliurhimayuq 2005mi tunigiami ayuirhainiq pivikhaqautingit Nunavunmut nunataarutigiyut ilauyumayut havaaqaliriamikni uumani iqalukhiurniq havakvinga. www.nftconsortium.org    

 

  • Nunavut Imanganik Munariniqmut Pinahuarut (N-CAMP): Aulapkaiyuq titiraqhimayumi Iqalukhiurniq unalu Nattiqhiuqniq Havakvinga ukunannga Kavamanga Nunavuutim Avatiliriyiitkut, Nunavut Nunallaanut Imaqmi Munariniqmut Pinahurutingit (N-CAMP) tadja piliuliqhimayuq ayuirhariami Nunavummiut ayurnaittunik iqalukhiurniq unalu imaqmi munariniqmut qanuriliurutingit. Tamna naunaitkutaqtittut ayuirhainiq ayuirhagakhat ittut aadlani Kaanatami imaqmi munariniqmut maliktakhat, kihimi ihuarhaqhimayut ukununnga Ukiuqtaqtumi qanuritaakhait, unalu ilaliutiyuq Inuit Qaujimajatuqangit ilumuurutingit iluanilu ittut unalu tunidjutingit. www.ncamp.ca    

 

  • Nunavut Naunaiyainiq Timiqutigiyangit (NRI): Itirvigiyakhat Naunaiyainiqmut naunaiyainiq Nunavunmi, Nunavut Naunaiyainiq Timiqutigiyangit (NRI) laisingit unalu munariniq Naunaiyainiqmut naunaiyainiq uumani aaniaqtailininnganut, aadlangurhimaittuq, unalu inuknut naunaiyainiq pidjutinginnut, ihariagiyaukpata titiraqhimayumi Nunavuutim Naunaiyaiyiuyut Maligaq. NRI piyuq kiinauyaliqinirmut naunaitkutamut uumunnga naunaiyainiq Nunavunmi, tuniyuq ikayuutikhamut, naunaiyainiqmut, ikayurlugillu naunaiyaiyiuyut havaktut tamainni nunavunmi. NRI naunaiqtaa Nunavummiut uqaqtauyut ilauyullu uumani naunaiyainiq ikayuqtillugu havaktinga naunaiyainiq havaqatigiiktut uqaqtakhaq ihariagininnga unalu ihumaalutigiyauyut Nunavunmiutanut. Pulaarlugu NRI qaritauyakkut piinarialaqilugu ukiumi katitiqniit laisiqaqtunik naunaiyainiq piyuq Nunavunmi taimaa nunavungurmat 1996mi. www.nri.nu.ca  

 

  • Nunavut Pulaarniq aquiyunut: Maniliungittumik Ilauniq katimayiit, Nunavut Pulaarniq aquiyunut akhuurutigiyait pulaarniq aquiyunut pivallianiq tuniluni ilitariyauyunik ilihimaniq unalu ayuittiaqniq tallimani akhuurutauyunit: niuvvaaniq, naunaiyainiq, havakvinga, unalu pulaarlugu unaluuniit havaangit. Nunavut Pulaarniq aquiyunut qaritauyakkut pulaarvinga tuniyuq havaqatigiikniqmik nunauyaq unalu qauyimadjutinga naunaitkutat piyuq uumunnga pulaarniq aquiyunut hulilukaarutingit piinarialik Nunavuutim tariuqmi. www.nunavuttourism.com  

 

  • Tariuqmi Ukiuqtaqtumi Kaanata: Pipkaihimayut ukunannga Pew-mik Aittuqtut Tutquumavingit havaqatigiikhutik ukununnga Ducks Unlimited-kut Kaanatami, Tariuqmi Ukiuqtaqtumi Kaanata atuliqtitait nalunaqtunik naunaiyainiq- unalu nunallaanut-ittuq nunguttailininnga Kaanataup Ukiuqtaqtumi Tariuqmi unalu pipkaidjutiyuq nakurudjutinga nunaqaqqaarhimayut Ukiuqtaqtumi ingungit ihariagiyut inmiknik piyumik amihuuninnginnik. Pulaarlugu tamna Tariuqmi Ukiuqtaqtumi Kaanata qaritauyakkut pulaarvinga ayuiryuumiriami havaanginnik ukununnga Ukiuqtaqtumi inungit Kaanatami ikayuriami nalunaqtunik naunaiyainiq-ittuq maligat ihuaqtut uumunnga nunaqaqqaarhimayut nunataarutingit unalu qangaraaluknitat piyangit ukununnga nunguttailiniqmik maniliurutauyuq iqalukhiurniq, avatingaally munarilugit hinaani urhualukhaq pivallianiq unalu urhuqyuat kuvipkainiqmut maligaq, unalu ihuaqtuq Ukiuqtaqtumi agyaqniq qayangnaittumik maligat. www.pewtrusts.org/en/projects/oceans-north-canada  

 

  • Ukiuqtaqtumi Ilihimaniq Kaanata (UKIUQTAQTUMI): Ukiuqtaqtumi Ilihimaniq Kaanata (UKIUQTAQTUMI) ittuq hivumuuqtuq Ukiuqtaqtumi ihumaalutigiyauyut unalu hakugiktittiyuq Kaanatap qanuriliurninnga nunaryuaptikni hivuliqtiupluni uumani Ukiuqtaqtumi nalunaqtunik naunaiyainiq unalu ayuittiaqninnga. UKIUQTAQTUMI atuliqtitait tamna pivallianiq unalu tuniqhaininnga ilihimaniq aadlanut hilaryuami, ukuatlu Antukiuqtaqtumia. Tuniniaqtuq nakuuqpiaqtumik naunaitkutiliriniq ukununnga nalunaqtunik naunaiyainiq unalu ayuittiaqninnga naunaiyainiq Iqaluktuutiaqmi, Nunavut taiyauyuq tamna Kaanatami Quttikturmiut Naunaiyaivinga (CHARS). Naunairyuumiqlutit CHARS-mik unalu piinarialaqilugu taiguagakhat qanurittaakhaanik Ukiuqtaqtumi Ilihimaniq Kaanatami unalu qanurittaakhaa avatiliriniqmut munariniqmut Ukiuqtaqtumi Kaanata pulaaqlugu tamna UKIUQTAQTUMI qaritauyakkut pulaarvinga. www.canada.ca/en/polar-knowledge.html  

 

  • Hapummilugit ukunannga Ukiuqtaqtumi Tariuqmi Avatinga (PAME): Angikliyuumiqhimayuq maniliurutimut hulilukaarut unalu akhuurutauyuq aadlangurniq pikmat hilaup aadlangurninnga pipkaidjutigiyuq angikliyuumiqhimayuq aturninnga, pivikhaqautingit unalu qayangnarutaiuyuq ukununnga Ukiuqtaqtumi tariuqmi unalu hinaa avatinganut. Hapkuat itqurnarutauyut aadlangurniq ihariagiyuq amihunik atayut qanuriliurutingit uqariami tamarmik ittut piyullu akhuurutiuyunik ukunannga Ukiuqtaqtumi tariuqmi unalu hinaa avatinganut. Piliurhimayut havaqatigiiktumik ukunannga Ukiuqtaqtumi Katimayiuyut, PAME-kut pitquyangit uqariami maligaq unalu qilamiuqtuqangittumik halumaittailiniq unalu munariniqmut pidjutauyut piyut hapummilugit ukunannga Ukiuqtaqtumi tariuqmi avatinga ukunannga tamarmik nunannga unalu Tariuq-ittuq hulilukaarutingit. Hapkuat ilaliutihimayuq ihuaqhaqhimayumik piyuq pinahuarutingit unalu maliktakhangit ilaliutiyuq ittunik maligaliriniqmut ihuarhainiq. www.pame.is