Tamna Nunavunmi Uumajulirijirjuat Katimajingit (NWMB) hanalrutilluanguyuq huradjanik munariniqmut unalu munarilluarutigiyaa piinarialaqilugu huradjanut uumani Nunavunmi Nunangannut. NWMB-kut piqaqtuqlu ihivriuqtakhanganik pitqutigiquplugu tariuqmut munariniqmut piyuq uumani Nayugangani I uumanilu II qanittunullu tariuqmi. Nayugangani I piyuq tahapkununga imamut tununngani 61 degrees-mik nunauyami napayut piyuq Kaanataup nunanganut tariuqmut ukunannga tariumut kiklingaganut, ilaungittut ukunannga NSA aadlanikluuniit nunataarutinut nunagiyanganut. Nayugangani II piyuq imanganut Siqinirmiut, Kangirsualuup Iluani uumanilu Qikiqtaaluup Kupailu Tarrangata Ikirasanga ilaungittut ukunannga NSA aadlanikluuniit nunataarutinut nunagiyanganut. NWMB-kut ihumaliurutingit nungulaipkailugit huradjat uuktuutinikkut ukunanik Inuit Qaujimajatuqangit unalu Naunaiyainiqmut ilihimaniq.

Tamna Nunavut Parnainirmut Katimayiingit (NPC) piqaqtuq akhuurutauyumik pitquyangit titiraqhimayumi Nunavunmi Nunataarutit Angirutinginnit upalungaiyariami iliurairiami nunannga aturninnga ihumaliurut naunaiqtitaa pipkaiplugulut tutquumavinganik aturninnga pivallianinnganiklu. NPC-kut uqaqatigiyut kavamatkunnut, Inuit timiqutigiyauyut amigaittutlu aadlat timiqutigiyauyut kihimi NPC-kut munariyakhaa piliuriami kingulliqpaamik ihumaliurutingit qanuqtut nunannga aturninnga ihumaliurut piliuqtauniaqtut qanuqtutlu ihumaliurut munariniaqtaa nunannga Nunavunmi

Nunavut Aviktulikyiit Katimayiit (NIRB) Nunavuutim avatiliriniqmut ihivriuqniqmut timiqutigiyaa, munariniqaqhuni ihivriuriami ayurhautiginiaruknaqhiyaa havauhikhamut pitinnagu ihariagiyauyut laisinik, angirutinik tuniyaunginnarialik. NIRB-kut naunaiqtaillu munariniqmut pinahuarutit angiyunut pivallianiq havauhikhat angiqtauyut pigiamikni, munariniqmut havauhikhamut qanuriliurutingit anrirutautikhamullu NIRB-kut Havauhikhaq Naunaitkutaliriniq aturninnganut ukunannga pivallianiq. NIRB-kut tikinnahuarutinga hapummigiami atuliqtitaugiamilu nakurudjutingit ukunannga Avatinga unalu Nunavummiut ukunuuna ayurhautigiyuq naunaiyainiqmut havaaq.

Nunavut Imaligiyit Katimayit (NWB) inmikkut Timiqutigiyauyuq Maligaliurvinga aulapkaiyuq angiqatigiiktut aadlanit timiqutigiyauyut ihariagiyauyuqlu Nunavut Imangat unalu Nunavut Qaanganut Pilaarutingit Katimayiit Maligaq pitquyaugiami, munarigiami munarilugulu nunami imangit Nunavunmi ukunuuna tuniyauniq laisinik. NWB-kut pitquyangit tunigiamiukununnga nunguttailininnga aturninngalu imanganik Nunavunmi – kihimi ukunaungittumi kaanatami pulaarviinginni – taimaa tuniniaqtuq nakuutqiaq ikayuutikhat inuknut Nunavunmi ukunalluaqmullu Kaanatamiutanut tamainnut. NWB-kut ihariagiyauyut, piyakhat laisiliqtiniqmut piyunnautingit, ihumagiami qayangnaqtut pipkaidjutingit ukunannga aturninnga imaqmik kuviniqluuniit iqqakunik imaqmut atuqtut pihimalunilu, ihuaqqat, katimapkainiq. NWB-kut havaanga tammaqtailiyakhaa, munarilugu piyakhangalu kuukamit uumani Nunavut ilaliutilugu Inuit Qaujimajatuqangit unalu Naunaiyainiqmut ilihimaniq ihumaliuqniqmik.