Umiakkuuqtumik pulaarniq

Kaanatami Ukiuqtaqtumi mihigiyut angikliyuumiqtut aktikkulaangit umiakkuuqtumik pulaarniq, mikkaqnit pulaaqtut umiaryuakkut qayalgit pihimayut malruuknik hannanik uhittiqtunik, tadjalu angitqianik pulaaqtut umiat piqaqtut 1400nik uhittiqtunik. Taimaa agyaqniq uumani Kaanatami Ukiuqtaqtumi munariyauyuq qaffiuyunik akhuurutauyut maligat qanuriliurutikhallu, Nunavunmi Tariunganut Piyut Katimayiingit ilitariyait umiakkuuqtumik pulaarniq pihimayuq ihuaqtumik qayangnaqninngit nakuunginnaqniaqtuqluuniit qanuriliurutingit akiliqtukhaq amigaitpallaaqtunut uhittiqtunut, unalu pilluaqniaqtuq qayaginnaqtunut unalu huradjat nayugangit pulaaqtunut.

 

Umiarjuaq Pulaaqtaqtut Hilaqutitigut 2020

Maligahuaqhugit naiglinahuariami hiamittailinahuariami Qalagjuarniq-19, Kanata Kavamarjuangit tuhaqtittijangit nutaamik maligautikhangit agjaqtuijunut umiaqtuqtunullu inulingnit umiat agjaqhilaaqtut 12 nit avatquttumik inulingnit. Maliktakhangit tuhaqtittijut uvani Qitiqautiyuq 5, 2020 nutqaquijangit qujaginnaq Kanatamiunit umiaqtuqtut qujaginnaq Kanatamiunit pulaaqtaqtut umiarjuat kihaqtailijut, nahittaqtailijut, hanguttailijut iluani Kanatamiunit Ukiuqtaqtuq tarjuit uvani Tattiarnaqtuq 31, 2020. https://www.canada.ca/en/transport-canada/news/2020/04/the-government-of-canada-announces-new-measures-for-ferries-and-commercial-passenger-vessels-capable-of-carrying-more-than-12-passengers.html


 Maliktaghat Inulgiaqtunik Umiaqtuqtunit Ikaaqtaqtut Kanatam Ukiuqtaqtuanit

Ingilrayuliqiyitkut Kanatami hivuliqtuivaktut havaktunik katimayunik ukiuqtaqtum timiqutainit hannavingnilu nanminilingnik titiraqtuiplutik “Maliktaghat Inulgiaqtunik Umiaqtuqtunit Ikaaqtaqtut Kanatam Ukiuqtaqtuanit”. Hapkuat maliktakhat piliurhimayuq ikayuriami umiaqmi ulapkaiyiuyut piliurhimayullu umiaqmi havaktingit pigiami nakuuyumik aullaarniq atuliqtitaugiamilu nakuuyumik piqutingit tamainnut inungnut Kaanatap Ukiuqtaqtungani. Ahiit Nunavunmi taryumi pivighat iliqahiutiyauyut kinguani hamna titiraq. https://www.tc.gc.ca/media/documents/marinesafety/TP13670E.PDF