Ihumaalutigiyauyut Akhuurutauyunit

Hapkuat titiraqhimayut tariuqmi-piyut ihumaalutigiyauyut qangannuaq ilitariyauyut ittut uuminnga ihuaqtumik akhuurutauyuq ukununnga Nunavunmi Tariunganut Piyut Katimayiingit ihumaliuqhimayuq havaakhaq; una titiraqhimayuq naunaiqhimmaaqniaqtaa NMC-kut hivumuuqtuq pulaaqtauffaaqniaqtuq nutaanguqtitaulunilu qakunnguraikpat:
 

  • Aulapkaitjutikhanik pivallianiq (ukunatitut hukkuuriamikni naunaitkutaq, tuluktarvingit, hunavalukluuniit) ikayuriami nunallaanut hunavaluknik agyariamikni unalu tariuqmi ingilraqvikhaq nunallaanut;
     
  • Huradjat unalu iqalukhiurniq munariniqmut hinaami unalu tariuqmi, taimaa naunairiami nunguttailininnga ikayurlugulu angunahuaqniqmut pilaarutingit titiraqhimayumi NLCA;
     
  • Piniaruknaqhiyut ukiuq tamaat hiku ahiruqtiqtuq ulapiqutiyuq huradjanut nayugangit, aquiniq, angunahuaqniqmut, hunavalukluuniit;
     
  • Angikliyuumiqhimayuq aktikkulaangit umiakkuuqtumik pulaarniq pilluaqtait qayagiyauninnga huradjat unalu qangaraaluknitamik akhuurutauyuq nayugangit;
     
  • Akhuurninnga munariniq hapummininngalu aadlatqiingit amihuninngillu huradjat aadlangurniqmi hila, uumani angikliyuumiqtumi havakvikmi pivallianiq;
     
  • Aadlangurniq uumani aktikkulaanga tariup hikunga, unalu uumani angikliyuumiqninngani ukunani piliurninnga unalu tuniqhaininnga uumani Ukiuqtaqtumi;
     
  • Piniaruknaqhiyut ukununnga tariumit halumaiqniq imaqmit piyut unalu ayurhautigiyuq immaliqtuq tariuq aktikkulaanga tariumit piyuq kuukani, qayangnaqninnga tariunginnaq imaq kuviyuq imaqtiqtumut;
     
  • Angikliyuumiqhimayuq aktikkulaangit hinaa ahiruqtiriuq immaktittiniqmit tariuq aktikkulaangit, aadlanguqtiqtumik hilaup uunaqninnga, hikulik unalu qiqiniq nuna qanuritaakhait pipkaidjutiyuqlu ukununnga ayurhautingit nunallaanut tunngavinganik, nunallaanut aturninnga unalu inuknut hulilukaarutingit hapkuatluat;
     
  • Ihumaliurniq taimaa naunairiami ihuaqtumik aturninnga hinaanit unalu tariuqmi ukununnga qangaraaluknitat hulilukaarutingit unalu nutaaq maniliurutauyuq-havakviup hulilukaarutingit;
     
  • Pivallianiq aktikkulaanganit unalu havaakhat pivikhaqautingit ukununnga Nunavummiut tariuqmi unalu aadlat piyut hulilukaarutingit;
     
  • Haamlangat unalu havakviup uarutigiyauyut anaqvikmilu imangit anaqtautikhaq, unalu ayurhautingit tariuqmi avatinga;
     
  • Piniaruknaqhiyut naunaipkainiq halumailrunik unalu aadlatqiinguyut uumayut ukunuuna uqumaittunik imaqmik himmautinga Nunavunmi imangat;
     
  • Aturninnga urhuqyuamik kuviyuq halummaqtiriniq hikumi imangat;
     
  • Pivallianiq unalu pipkaidjutiyuq ihuaqtumik malirutingit umianut aullaaqtut hikumi imangat, ukuatlu ayuirhaqhimayuq aquttut ayuittunik Nunavunmi;
     
  • Piqalluanginmat maligat ukununnga hikup apqutaani, ukiuqmi apqutaani, urhuqyuanik agyaqtut unalu ukiuq tamaat tulaktut agyarutit umiat tariuqmi;
     
  • Aturninnga qaraqtautinik uuktuutiniq piyut hikumi imangat;
     
  • Ilitarninnga hivulliutigiyakhangit ukununnga naunaiyainiq, unalu ukununnga pinahuarutit ikayuriami piinarialaqilugu Inuit Qaujimajatuqangit unalu naunaiyainiq qanuritaakhainnik; unalu
     
  • Ihariagininnga taimaa naunairiami angiqtauhimayunik tammaqtailiniq ukunannga Ukiuqtaqtumi avatinga.
  •