ᐃᓚᐅᖃᑕᐅᒋᑦ !

ᓄᓇᕘᒥ ᑕᕆᐅᓕᕆᔨᒃᑯᑦ ᑲᑎᒪᔨᖏᑦ ᐃᓄᖕᓂᒃ ᑐᓴᐅᒪᑎᑦᓯᒋᐊᒃᑲᓐᓂᕈᒪᕗᑦ ᑕᕆᐅᓕᕆᓂᕐᒨᖓᔪᓂᒡᓗ. ᐃᓚᐅᖃᑕᐅᓂᐊᕈᕕᑦ ᐊᐱᖅᓱᖃᑦᑕᕐᓂᐊᕈᕕᓪᓗ, ᐅᖃᐅᓯᖃᖃᑦᑕᕐᓂᐊᕈᕕᓪᓗ ᐅᖃᐅᓯᒃᑯᓪᓗ ᐃᑲᔪᑕᐅᕚᓪᓪᓕᕈᑎᒃᓴᓂᒃ ᐅᑯᓄᙶᖓᔪᓄᑦ, ᓴᐳᒻᒥᒃᓰᖃᑕᐅᔪᓐᓇᖅᑐᑎᑦ ᓄᓇᕘᒥᓗ ᑕᕆᐅᖏᓐᓂᒃ ᓴᖅᑭᔮᖅᑎᑦᓯᒋᐊᒃᑲᓐᓂᖃᑕᐅᔪᓐᓇᖅᑐᑎᑦ.

ᖃᐅᔨᒋᐊᕐᕕᒋᔪᓐᓇᕐᒥᔭᑎᑦ ᓄᓇᕘᒥ ᑕᕆᐅᓕᕆᔨᒃᑯᑦ ᑲᑎᒪᔨᖏᑦ ᑐᕋᐃᓐᓇᖅ ᑐᓴᖅᑎᑕᐅᔪᒪᓂᐊᖅᑐᒍᑦ ᐱᓇᓱᐊᒐᕆᔭᐅᓂᐅᕙᓪᓕᐊᔪᓂᒃ ᖃᐅᔨᒪᔭᕆᐊᖃᖅᑕᑦᑎᓐᓂᒃ ᐃᓱᒪᒃᓴᖅᓯᐅᕈᓐᓇᖅᓱᑎᓪᓗ ᐃᓚᐅᖃᑕᐅᔪᒪᖃᑦᑕᕆᐊᕕᑦ ᑐᓴᖃᑦᑕᐅᑎᑦᑎᒍᑦ ᐊᒥᖄᖃᑕᐅᖃᑦᑕᕐᓂᒃᑯᑦ ᑐᓴᒐᒃᓴᐅᑎᒃᓴᓂᒃ.

 

 ᐅᖃᐅᒥᒃᓴᓄᑦ ᐱᕕᒃᓴᖃᕐᓂᖅ ᐊᐃᑉᕆᓕ 14, 2017: ᑲᓇᑕᒥ ᐅᓯᑲᑦᑕᕐᓂᖅ ᒫᓐᓇᐅᔪᒥ ᑐᕌᖅᑎᑦᑎᕗᑦ ᐱᓕᕆᓪᓗᑎᒃ ᑲᑎᙵᓂᐅᔪᓂᑦ ᐅᑭᐅᖅᑕᖅᑐᒥ ᑲᑐᔾᔨᖃᑎᒌᖑᔪᓄᑦ ᐊᒻᒪᓗ ᓴᓇᔭᐅᓯᒪᔪᓄᑦ ᐱᖃᑕᐅᓯᒪᔪᓄᑦ ᐱᓪᓕᐊᑎᑦᑎᓂᕐᒧᑦ “ᑐᙵᕖᑦ ᐊᑐᖅᑕᐅᔭᕆᐊᓕᖕᓂᑦ ᐃᑭᒪᔪᓄᑦ ᐃᒥᐊᕐᔪᐊᕐᓂᑦ ᐊᐅᓚᑕᐅᔪᓂ ᑲᓇᑕᒥ ᐅᑭᐅᖅᑕᖅᑐᖓᓐᓂ”. ᑖᒃᑯᐊ ᑐᙵᕖᑦ ᐊᑐᖅᑕᐅᔭᕆᐊᓕᑦ ᑐᕌᖓᕗᑦ ᐃᑲᔪᖅᓱᐃᓂᕐᒧᑦ ᐅᒥᐊᕐᔪᐊᓂᒃ ᐊᐅᓚᑦᑎᔨᐅᔪᓄᑦ ᐊᒻᒪᓗ ᓇᓗᓇᐃᖅᑕᐅᓯᒪᔪᓄᑦ ᑭᒡᒐᖅᑐᐃᔨᐅᔪᓄᑦ ᑎᑭᐅᑎᓂᕐᒥᑦ ᐱᓕᕆᑦᑎᐊᖅᑐᓄᑦ ᐃᖏᕐᕋᓂᐅᔪᓂ ᐊᒻᒪᓗ ᖁᕝᕙᖅᓴᐃᓂᕐᒧᑦ ᐱᓕᕆᖃᑎᒌᑦᑎᐊᖅᑐᒥ ᓄᓇᕿᖅᑎᓕᒫᖑᔪᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓐᓂ. ᐱᒧᒪᔪᓕᒫᑦ ᑲᑐᔾᔨᖃᑎᒌᖑᔪᑦ ᐊᒻᒪᓗ ᐃᓄᑐᐃᓐᓇᐃᑦ ᖃᐃᖁᔭᐅᕗᑦ ᕿᒥᕐᕈᓂᕐᒧᑦ ᒫᓐᓇᐅᔪᒥ ᑎᑎᕋᖅᑕᐅᒋᐊᕐᖓᕈᒻᒥ ᑐᙵᕖᑦ ᐊᑐᖅᑕᐅᔭᕆᐊᓕᖕᓂᑦ ᐊᒻᒪᓗ ᑐᓂᓯᓗᑎᒃ ᐃᓱᒪᒋᔭᒥᓂᑦ ᐃᓱᒪᒋᔭᐅᒃᓴᐅᑕᐅᓂᐊᖅᑐᓄᑦ ᐊᐃᑉᕆᓕ 14, 2017−ᒧᑦ ᑎᑭᓪᓗᒍ. ᑎᑎᕋᖅᑕᐅᒋᐊᕐᖓᕈᑦ ᑐᙵᕖᑦ ᐊᑐᖅᑕᐅᔭᕆᐊᓕᑦ ᐊᑐᐃᓐᓇᐅᔪᓐᓇᖅᐳᑦ “ᑎᑎᖅᑲᖁᑕᐅᔪᓂ” ᓇᓗᓇᐃᒃᑯᑕᖓᓐᓂ ᐅᕙᓂ ᖃᕋᓴᐅᔭᑎᒍᑦ ᑐᑭᓯᒋᐊᖅᑕᕐᕕᖓᓂ. ᐅᖃᐅᓯᒃᓴᐅᔪᑦ ᑐᕌᖅᑎᑕᐅᔪᓐᓇᖅᐳᑦ ᒥᓯᐅᓪ ᒪᕈᒃᒧᑦ ᐅᕗᖓ ᑲᓇᑕᒥ ᐅᓯᑲᑦᑕᕐᓂᕐᒧᑦ ᖃᕋᓴᐅᔭᑎᒍᑦ ᑎᑎᕋᕐᓂᒃᑯᑦ: michelle.maruk@tc.gc.ca

 

ᖃᐃᖁᔨᓂᖅ ᑐᒃᓯᕋᐅᑎᓂᒃ, ᕕᕈᐊᕆ 17, 2017: ᓯᓚᕐᔪᐊᒥᒃ ᐆᒪᔪᓕᕆᔨᓂᒃ ᑮᓇᐅᔭᖃᒃᑲᐃᔪᑦ ᑲᓇᑕᒥ ᐱᕙᓪᓕᐊᕗᑦ ᑐᒃᓯᕋᐅᑎᓂᒃ ᒪᕐᕈᖓᓄᑦ ᐱᓕᕆᓂᐅᔪᒧᑦ ᐅᑭᐅᖅᑕᖅᑐᒥ ᐆᒪᔪᐃᑦ ᐊᔾᔨᒌᖕᓂᖏᓐᓂ ᐸᐸᑦᑎᑦᑎᐊᕐᓂᕐᒧᑦ ᑮᓇᐅᔭᓄᑦ ᓇᓗᓇᐃᖅᓯᓂᕐᒥᑦ ᐱᓕᕆᖃᑎᒋᓂᐊᖅᑕᒥᓂᑦ ᑲᑐᔾᔨᓂᐊᖅᑐᓂᒃ ᐅᖓᕙᕆᐊᖅᓯᓂᐅᔪᒥᒃ ᑲᑐᔾᔨᖃᑎᒌᖑᔪᑦ ᖃᐅᔨᒪᓂᖏᓐᓂ ᐅᑭᐅᖅᑕᖅᑐᒥ ᐆᒪᔪᐃᑦ ᐊᔾᔨᒌᖕᓂᖏᓐᓂ ᐊᒻᒪᓗ ᑎᑭᐅᑎᓂᕐᒧᑦ ᑐᑭᖃᑦᑎᐊᖅᑐᒥ ᐸᐸᑦᑎᑦᑎᐊᕐᓂᐅᔪᓄᑦ ᖃᓄᐃᓕᖓᓂᐅᔪᓄᑦ. ᐃᓚᒋᔭᐅᔪᑦ ᐃᓄᓕᒫᓄᑦ ᖃᐃᖁᔭᐅᕗᑦ ᑐᓂᓯᓂᕐᒥᑦ ᑎᑎᕋᖅᓯᒪᔪᓂᑐᒃᓯᕋᐅᑎᖏᓐᓂ ᐃᓱᒪᒋᔭᒃᓴᐅᓂᐊᕐᓗᑎᒃ ᐅᕙᓂ ᐅᕝᕙᓘᓐᓃᑦ ᓯᕗᓂᐊᓂ ᕕᕈᐊᕆ 17, 2017-ᒥ. ᑐᒃᓯᕋᐅᑎᑦ ᐊᒻᒪᓗᑦᑕᐅᖅ ᑐᒃᓯᕋᕐᓂᐅᔪᑦ ᖄᒃᑲᓐᓂᐊᒍᑦ ᐅᖃᐅᓯᒃᓴᓂ ᑮᓇᐅᔭᖃᖅᑎᑕᐅᓂᕐᓄᑦ ᐱᕕᒃᓴᖃᕐᓂᐅᔪᓂ ᐊᒻᒪᓗ ᐱᔭᕆᐊᖃᕐᓂᐅᔪᓄᑦ ᐊᒻᒪᓗᑦᑕᐅᖅ 2017−ᒥ ᐆᒪᔪᐃᑦ ᐊᔾᔨᒌᖕᓂᖏᓐᓂ ᐸᐸᑦᑎᑦᑎᐊᕐᓂᕐᒧᑦ ᓯᕗᓪᓕᐅᔾᔭᐅᖁᔭᐅᔪᓂ ᑐᓂᔭᐅᓪᓗᐊᖅᐳᑦ ᐅᕗᖓ

arcticspecies@wwfcanada.org

 

ᖃᐃᖁᔨᓂᖅ ᑐᓂᓯᓂᕐᓄᑦ: ᑲᓇᑕᐅᑉ ᒐᕙᒪᖏᑦ ᐊᖏᖅᓯᒪᕗᑦ ᕿᒥᕐᕈᓂᕐᒧᑦ ᒫᓐᓇᓕᓴᓂᒃ ᐊᓯᔾᔨᕐᓂᐅᔪᓂᑦ ᐃᖏᕐᓂᐅᔪᒥ ᐃᒪᕐᒥ ᓴᐳᔾᔨᓯᒪᓂᕐᒧᑦ ᒪᓕᒐᕐᒥ, ᐅᑎᖅᑎᑦᑎᕆᓗᑎᒃ ᐊᓯᐅᔨᔭᐅᓯᒪᔪᓂ ᓴᐳᔾᔭᐅᓯᒪᓂᐅᔪᓂᑦ ᐊᒻᒪᓗ ᐃᓚᓕᐅᔾᔨᓗᑎᒃ ᒫᓐᓇᓕᓴᐅᔪᓂ ᓴᐳᔾᔨᔪᒃᓴᐅᑕᐅᔪᓂᑦ. ᐅᐸᒡᓗᒍ ᐅᑯᐊ ᖃᕋᓴᐅᔭᑎᒍᑦ ᒪᒃᐱᖅᑐᒐᑦ ᐊᒻᒪᓗ ᓱᓕᔪᓂᒃ ᐸᐃᑉᐹᓂᒃ ᐊᒻᒪᓗ ᖃᐅᔨᓇᓱᐊᕐᓂᕐᒧᑦ ᖃᓄᖅ ᓂᐲᑦ ᑐᓴᖅᑕᐅᔪᓐᓇᕐᓂᖓᓂ ᐅᕙᓂ ᕿᒥᕐᕈᔭᐅᓂᐅᔪᒥᑦ:

www.canada.ca

 

ᑲᓇᑕᒥ ᐃᖏᕐᕋᔪᓕᕆᔨᒃᑯᑦ ᒪᓕᒐᖓ ᖃᐅᔨᓴᕈᑕᐅᓂᖓ: ᕕᕐᕈᐊᕆ 25, 2016, ᐃᖏᕐᕋᔪᓕᕆᔨᒃᑯᑦ ᒥᓂᔅᑕᖓᑦ ᑲᓇᑕᐅᑉ  ᒪᓕᒐᓕᐅᕐᕕᒡᔪᐊᖓᓂ ᑎᑎᕋᖅᓯᒪᔪᒥᑦ ᓴᖅᑭᖅᑎᑦᓯᓚᐅᖅᓯᒪᔪᖅ ᑲᓇᑕᒥ ᐃᖏᕐᕋᒧᓕᕆᓂᕐᒧᑦ ᒪᓕᒐᖅ (CTA) ᖃᐅᔨᓴᖅᑕᐅᓂᕕᓂᖓᓄᑦ ᐅᓂᒃᑳᓕᐊᕕᓂᕐᒥᒃ. ᖃᐅᔨᓴᕈᑕᐅᕙᓪᓕᐊᓂᖃᔪᔪᖅ ᔫᓐ, 2014ᖑᑎᓪᓗᒍ, ᖃᐅᔨᓴᕈᑕᐅᓂᖓ ᑭᒡᓕᓕᓚᐅᖅᓯᒪᔪᖅ ᑏᓯᒻᒥᕆ, 2015 ᓯᕗᒻᒧᑦ ᑕᐅᑐᒐᕆᔭᐅᓪᓗᓂ ᐅᑭᐅᓄᑦ ᐊᕙᑎᓄᑦ  20 ᐊᕙᑎᑦ ᖁᓕᓄᓪᓘᓐᓃᑦ  30 ᓇᓗᓇᐃᖅᓯᓯᓇᓱᐊᕈᑕᐅᓪᓗᓂ ᓯᕗᓪᓕᐅᔾᔭᐅᔭᕆᐊᖃᖅᑐᓂᒃ  ᐱᓕᕆᐊᕆᐅᔭᕆᐊᖃᑐᐃᓐᓇᕆᐊᖃᖅᑐᓂᒡᓗ ᐃᖏᕐᕋᔪᓕᕆᓂᕐᒧᖓᔪᑦ ᑲᓇᑕᐅᑉ ᐱᕙᓪᓕᐊᓂᖓᓄᑦ ᐃᑲᔫᑕᐅᑐᐃᓐᓇᕆᐊᖃᖅᑐᓂᒃ ᓯᕗᓂᒃᓴᑯᑖᒧᑦ. ᐊᒥᓱᓂᒃ ᐅᓂᒃᑳᓕᐊᖅ ᐃᓗᓕᖃᐅᖅᑐᖅ ᐊᑐᓕᖁᔭᐅᔪᓂᒡᓗ. ᒐᕙᒪᒃᑯᓐᓄᑦ ᐅᖃᓕᒫᖅᑕᐅᓕᖅᑐᖅ. ᐅᖃᓕᒫᓚᐅᖅᑐᓂᒡᓗ ᖃᐅᓕᓴᕈᑕᐅᔪᕕᓂᕐᓂᒃ ᑐᓴᕈᒪᓂᐊᖅᑐᑦ; ᐊᐱᖁᑏᑦ ᐅᖃᐅᓯᐅᔪᓪᓗ ᐅᕗᖓ ᐊᐅᓪᓚᖅᑎᑕᐅᔪᓐᓇᖅᑐᑦ tc.ctareport-rapportltc.tc@tc.gc.ca.

ᐅᓂᒃᑳᓕᐊᕕᓂᖅ ᑕᒫᑦ ᐅᖃᓕᒫᖅᑕᐅᔪᓐᓇᒻᖅᑐᖅ ᑲᓇᑕᐅᑉ ᐃᖏᕐᕋᔪᓕᕆᔨᒃᑯᑦ ᖃᕆᑕᐅᔭᖅᑎᒍᕈᓐᓇᐅᑎᖓᑦᑎᒍᑦ.