ᑮᓇᐅᔭᖃᖅᑎᑕᐅᕕᖏᑦ

ᐃᓕᓐᓂᐊᕐᕕᐅᔪᑦ ᐃᓄᓕᒫᓄᑦ ᒐᕙᒪᐅᔪᓄᑦ ᐋᖅᑭᒃᓱᖅᓯᒪᔪᓂ ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᓐᓂᑦ (ᓄᓇᕗᑦᒥ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ, ᓄᓇᕗᑦᒥ ᐸᕐᓇᐃᔩᑦ, ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᐊᒻᒪ ᓄᓇᕗᑦ ᐃᒪᓕᕆᔨᑦ ᑲᑎᒪᔨᖏᑦ) ᓯᕗᓪᓕᖅᐹᒥ ᐱᕙᓪᓕᐊᓕᓚᐅᖅᐳᑦ ᒥᑭᑦᑐᒥ ᑐᕌᖓᓂᖃᖅᑐᒥ ᐊᕐᕌᒍᑕᒫᒥ ᑮᓇᐅᔭᖃᖅᑎᑕᐅᓂᖓᓐᓂ 2015-2016-ᒥ ᑮᓇᐅᔭᓕᕆᓂᕐᒧᑦ ᐊᕐᕌᒍᒧᑦ ᖃᓄᐃᓕᐅᕐᓂᐅᔪᓄᑦ ᐱᓕᕆᐊᖑᔪᓂ ᐃᑲᔪᖅᓱᐃᓂᕐᒧᑦ ᐊᑐᓕᖅᑎᑦᑎᓂᕐᒧᑦ ᓄᓇᕘᒥ ᑕᕆᐅᓕᕆᔨᑦ ᑲᑎᒪᔨᖏᑦᑕ (NMC) ᖃᓄᐃᓕᐅᕐᓂᐅᖏᓐᓄᑦ. ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᑕᕆᐅᓕᕆᔨᑦ ᑲᑎᒪᔨᖏᓐᓄᑦ ᑮᓇᐅᔭᖃᖅᑎᑕᐅᓂᐅᔪᑦ ᑐᓂᔭᐅᕙᒃᐳᖅ ᑲᓇᑕᒥ ᒐᕙᒪᒃᑯᓐᓂᑦ ᐊᑐᓕᖅᑎᑕᐅᓂᖓᓄᑦ ᓄᓇᕗᒻᒥ ᓄᓇᑖᕐᓂᒃᑯᑦ ᐊᖏᕈᑎᒥᒃ, ᐊᒻᒪᓗ ᑐᓐᓂᖅᓴᖅᑕᐅᓲᖑᕗᖅ ᓇᓕᒧᑦᑐᓂ ᐊᖏᓂᐅᔪᓂ ᐊᑐᓂᓄᑦ ᓄᓇᕗᑦᒥ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᓐᓄᑦ, ᓄᓇᕗᑦᒥ ᐸᕐᓇᐃᔩᑦ, ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᐊᒻᒪ ᓄᓇᕗᑦ ᐃᒪᓕᕆᔨᑦ ᑲᑎᒪᔨᑦ ᐊᕐᕌᒍᑕᒫᒥ ᐃᑲᔫᓯᐊᓄᑦ ᐊᖏᕈᑕᐅᔪᓄᑦ. ᒫᓐᓇᐅᔪᒥ, ᐅᓇ ᑮᓇᐅᔭᖃᖅᑎᑕᐅᓂᐅᔪᖅ ᑭᒡᓕᖓ ᐋᖅᑭᒃᓯᒪᕗᖅ $25,000-ᒥ ᐊᑐᓂ, ᓇᓗᓇᐃᒃᑯᓯᖅᑕᐅᓯᒪᔪᒥ ᓱᓇᑐᐃᓐᓇᐃᑦ ᐊᑭᑦᑐᖅᐸᓪᓕᐊᓂᖏᓐᓄᑦ.

 

ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᑦ ᑮᓇᐅᔭᖃᕐᑎᑕᐅᓲᖑᕗᖅ, ᐊᓪᓚᕝᕕᓕᕆᔭᐅᓪᓗᓂ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓂᑦ, ᑕᕆᐅᕐᒥ ᓴᐳᔾᔨᓯᒪᓂᕐᒧᑦ ᐱᒋᐊᕐᑎᑕᐅᓯᒪᔪᓂ ᐊᖁᑎᒋᔭᐅᓪᓗᑎᒃ ᐃᖏᕋᓕᕆᔨᑯᑦ ᑲᓇᑕᒥ ᐊᐅᓚᑕᖏᓐᓂ ᓯᕗᕙᕆᐊᕐᓂᕐᒥ ᓄᓇᖃᖅᑳᖅᓯᒪᔪᓄᑦ ᐃᓗᐊᕐᓯᖃᑎᒌᖕᓂᒃᑯᑦ (PAIR) (ᓄᓇᖃᖅᑳᖅᓯᒪᔪᑦ ᓄᓇᓕᖕᓂᓗ ᓄᓇᓖᑦ ᐃᓚᐅᑎᑕᐅᓂᖏᓐᓄᑦ ᐊᐅᓚᑕᐅᔪᒥ). ᐅᓇ ᑮᓇᐅᔭᖃᖅᑎᑕᐅᓂᖓ ᐃᑲᔪᖅᓱᐃᓲᖑᕗᖅ ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᑦᑕ ᐊᑐᐊᒐᓄᑦ ᐅᖃᐅᔾᔨᒋᐊᖅᑎᖓᓄᑦ ᐃᓂᒋᔭᐅᔪᒧᑦ ᐊᑐᓂ ᐃᓚᒋᔭᐅ ᑎᒥᐅᔪᒧᑦ ᐃᖅᑲᓇᐃᔭᖃᑎᒋᕙᒃᓗᓂᒋᑦ ᓄᓇᕗᒻᒥ ᑕᕆᐅᓕᕆᔩᑦ ᑲᑎᒪᔨᓄᑦ ᐃᑲᔪᕐᑐᐃᓗᓂ ᐊᑐᓕᖅᑎᑕᐅᓂᖏᓐᓄᑦ ᐊᐅᓚᓂᖏᓂ ᓄᓇᕗᒻ ᐊᖏᕈᑎᖓᓄᑦ. ᐅᓇ ᑮᓇᐅᔭᖃᖅᑎᑕᐅᓂᐅᔪᖅ ᐃᑲᔪᓲᖑᕗᖅ ᐱᐅᓯᒋᐊᖅᑎᑦᑎᓂᕐᒧᑦ ᐃᓐᓄᒍᓐᓇᕐᓂᖅᓴᐅᓂᖓᓄᑦ ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᓐᓂᑦ ᓂᓪᓕᐊᔪᓇᕐᓗᑎᒃ ᑕᕆᐅᓕᕆᓂᕐᒧᑦ ᓄᓇᕗᒻᒥᐅᓄᑦ ᐊᒻᒪᓗ ᐃᑲᔫᑎᖃᕐᓗᓂ ᐱᕙᓪᓕᐊᑎᑕᐅᓂᖓᓂᒃ ᓄᓇᕗᒻᒥ ᑕᕆᐅᓕᕆᔨᒃᑯᑦ ᑲᑎᒪᔨᖏᑕ 2018-2023 ᐱᓕᕆᔾᔪᑎᓄᑦ ᐸᕐᓇᐅᑎᖓᓐᓂ.

 

ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᑦ ᒫᓐᓇᐅᔪᒥ ᕿᓂᖅᐳᑦ ᐱᕈᒃᓴᖃᕐᓂᐅᔪᓂ ᐊᑐᐃᓐᓇᖃᕐᓂᕐᒥ ᑮᓇᐅᔭᖃᖅᑎᑕᐅᓂᐅᔪᓂ ᐃᑲᔪᖅᓱᐃᓂᐊᖅᑐᒥ ᐱᓕᕆᓂᖃᕐᓂᕐᒧᑦ ᖄᒃᑲᓐᓂᐊᒍᑦ ᐱᒋᐊᕈᑕᐅᔪᓂ.