ᑭᓲᕙ ᓄᓇᕘᒥ ᑕᕆᐅᓕᕆᔨᒃᑯᑦ ᑲᑎᒪᔨᖏᑦ ?

ᓄᓇᕘᒥ ᑕᕆᐅᓕᕆᔨᑦ ᑲᑎᒪᔨᖏᑦ (NMC) ᐃᓕᒃᑰᖓᙱᑦᑐᖅ, ᑭᓯᐊᓂᓕ ᖃᐅᔨᒪᔭᐅᔪᑦ ᓄᓇᕘᒥ  ᐃᓄᖕᓄᑦ ᒐᕙᒪᒋᐅᔪᓄᑦ ᐊᐅᓚᑕᐅᔪᖅ ᑕᕆᐅᓕᕆᓂᕐᒨᖓᔪᑦ ᐅᖃᐅᓯᐅᖃᑦᑕᕈᓐᓇᖁᓪᓗᒋᑦ ᓯᐊᒃᓯᒪᓂᖅᓴᐅᓪᓗᑎᒃ ᐊᑕᐅᓯᑐᐃᓐᓇᐅᑉ ᐱᓇᓱᐊᒐᒃᓴᖏᑦ ᑲᑐᔾᔨᖃᑎᒌᒡᕕᐅᔫᑉ ᐱᓕᕆᐊᕆᔭᖏᓐᓂᐅᖓᓂᒃ. ᐃᓚᒋᔭᖓ ᐊᑦᑕᑎᓯᒪᐅᖅᑐᑦ ᐱᓕᕆᔾᔪᑕᐅᓂᐊᖅᑐᓂᒃ ᐊᐅᓚᑦᓯᔾᔪᑏᑦ ᐋᖅᑭᒃᑕᐅᓯᒪᔪᑦ ᓄᓇᕗᒥ ᓄᓇᑖᕐᓂᕐᒧᑦ ᐊᖏᕈᑎᑦ, ᑕᕆᐅᓕᕆᔨᑦ ᐱᓇᓱᐊᒐᕆᔭᖏᑦ ᓯᕗᒻᒧᐊᒃᓯᒪᕙᕇᖅᑐᑦ ᐱᓕᕆᐊᖃᑎᒌᖕᓂᒃᑯᑦ ᐱᓕᕆᐊᖃᑎᒌᑦᓯᐊᕐᓂᒃᑯᓪᓗ ᑲᑐᔾᔨᖃᑎᒌᒋᔭᐅᔪᓄᑦ ᐃᖅᑲᓇᐃᔭᖅᑎᖏᓐᓄᓪᓗ ᓄᓇᕘᒥ ᐆᒪᔪᓕᕆᔨᕐᔪᐊᒃᑯᓐᓄᑦ, ᓄᓇᕘᒥ ᐸᕐᓇᐃᔩᒃᑯᑎᒎᓇᓗ, ᓄᓇᕘᒥ ᐊᕙᑎᓕᕆᔨᒃᑯᑎᒎᓇᓗ ᐊᒻᒪᓗ ᓄᓇᕘᒥ ᐃᒪᓕᕆᔨᒃᑯᑎᒎᓇᓗ. 

 

ᐱᓇᓱᐊᒐᕆᔪᒪᔭᖅ
ᐋᖅᑭᒃᑕᐅᓯᒪᔪᑦ ᓄᓇᕗᒥ ᓄᓇᑖᕐᓂᕐᒧᑦ ᐊᖏᕈᑎᒃᑯᑦ, ᓄᓇᕘᒥ ᑕᕆᐅᓕᕆᔨᑦ ᑲᑎᒪᔨᖏᑦ ᐃᒪᐃᑦᑑᕗᖅ ᓄᓇᕘᒥ ᐆᒪᔪᓕᕆᔨᕐᔪᐊᒃᑯᑦ, ᓄᓇᕘᒥ ᐸᕐᓇᐃᔩᒃᑯᑦ, ᓄᓇᕘᒥ ᐊᕙᑎᓕᕆᔨᒃᑯᓪᓗ ᐊᒻᒪᓗ ᓄᓇᕘᒥ ᐃᒪᓕᕆᔨᒃᑯᓪᓗ ᐅᖃᐅᓯᒃᑯᑦ ᐅᖃᖃᑦᑕᕈᓐᓇᖁᓪᓗᒋᑦ ᐊᑐᓕᖁᔭᒥᓂᒡᓗ ᓴᖅᑭᐊᑎᒋᖃᑦᑕᕈᓐᓇᖁᓪᓗᒋᓪᓗ ᐊᓯᖏᓐᓄᑦ ᒐᕙᒪᒋᔭᐅᔪᓄᑦ ᑕᕆᐅᓕᕆᓂᕐᒥᑦ ᐱᔾᔪᑎᖃᖅᑐᓂᒃ ᓇᓗᓇᐃᖅᑕᐅᓯᒪ-ᓂᖏᓐᓃᑦᑐᓂᒃ ᓄᓇᕗᒥ.  ᐃᓱᒪᒃᓴᖅᓯᐅᕈᑕᐅᓯᒪᔪᓂᒃ  ᐅᖃᐅᓯᒃᑯᑦ ᐅᖃᖃᑦᑕᕈᓐᓇᖁᓪᓗᒋᑦ ᐊᑐᓕᖁᔭᓂᒡᓗ ᐃᓱᒪᒃᓴᖅᓯᐅᕈᑎᖃᕆᐊᖃᓕᕋᐃᒍᒥᒃ ᑕᕆᐅᒧᑦ ᐱᔾᔪᑎᖃᖅᑐᓂᒃ.

 

ᐋᖅᑭᒃᓱᖅᓯᒪᓂᖓ
ᒪᐃ 2010-ᖑᑎᓪᓗᒍ ᑕᕆᐅᓕᕆᔨᒃᑯᑦ ᑲᑎᒪᔨᖏᑦ ᐊᑎᓕᐅᖃᑎᒌᔪᔪᑦ ᐱᓇᓱᐊᖃᑎᒌᖕᓂᕐᒥᑦ ᑐᑭᓯᐅᒪᖃᑎᒌᖕᓂᕐᒧᑦ ᐊᖏᕈᒻᒥᒃ ᑐᑭᒧᐊᒍᑎᒋᓂᐊᖅᑕᖓᓐᓂᒃ ᓄᓇᕘᒥ ᑕᕆᐅᓕᕆᔨᑦ ᑲᑎᒪᔨᖏᑦ ᐊᓯᖏᓐᓄᑦ ᒐᕙᒪᒋᔭᐅᔪᑦ ᐃᓱᒪᒃᓴᖅᓯᐅᕈᑕᐅᓯᒪᔪᓂᒃ  ᐅᖃᐅᓯᒃᑯᑦ ᐅᖃᖃᑦᑕᕈᓐᓇᖁᓪᓗᒋᑦ ᐊᑐᓕᖁᔭᓂᒡᓗ ᐃᓱᒪᒃᓴᖅᓯᐅᕈᑎᖃᕆᐊᖃᓕᕋᐃᒍᒥᒃ ᑕᕆᐅᒧᑦ ᐱᔾᔪᑎᖃᖅᑐᓂᒃ”. ᐅᓇ ᑎᑎᕋᖅᓯᒪᔪᖅ ᑕᒪᕐᒥᓕᒫᑦ ᐅᖃᐅᓯᒃᑯᑦ ᐃᑲᔫᑎᒃᓴᑦ ᐊᑐᓕᖁᔭᐅᓯᒪᔪᓕᐊᖑᓯᒪᔪᓪᓗ ᐊᓯᖏᓐᓄᑦ ᒐᕙᒪᒋᔭᐅᔪᓄᑦ ᐅᖃᐅᓯᐅᖃᑦᑕᕐᓂᐊᖅᑐᑦ ᐊᖏᖃᑎᒌᒍᑕᐅᓗᑎᒃ  ᑖᒃᑯᓄᙵ ᐃᓄᖕᓄᑦ ᒐᕙᒪᒋᔭᐅᔪᓄᑦ. ᐊᖏᖃᑎᒌᒍᓐᓇᖏᓐᓂᕈᑎᒃ, ᐊᑐᓂ ᑲᑎᒪᔨᐅᖃᑕᐅᔪᑦ ᐅᖃᐅᓯᒃᑯᑦ ᐃᑲᔫᑕᐅᔪᒥᓇᖅᑐᓂᒃ ᐊᑐᓕᖁᔭᐅᔪᒥᓇᖅᑐᓂᒡᓘᓐᓃᑦ ᐅᖃᐅᓯᖃᕈᓐᓇᖅᑐᑦ ᑕᐃᒪᐃᒋᐊᖃᕐᓂᕋᐃᒍᑎᒃ ᑭᓯᐊᓂ.  

 

ᑕᐅᑦᑐᒐᖅ
ᒫᓐᓇᔭᐅᔪᖅ, ᓄᓇᕘᒥ ᑕᕆᐅᓕᕆᔨᑦ ᐅᑯᓂᙵᓗᐊᖅ ᑕᐅᑐᒐᖃᕈᒪᕗᑦ:

  • ᐃᓄᐃᑦ ᑐᓴᐅᒪᑎᓪᓗᒋᑦ ᓄᓇᕘᒥ ᑕᕆᐅᖁᑎᖏᐃᓐᓂᒃ ᖃᐅᔨᒪᔭᐅᔭᕆᐊᖃᖅᑐᓂᒃ ᐊᒃᑐᖅᑕᐅᓯᒪᖃᓯᐅᔾᔭᐅᑐᐃᓐᓇᕆᐊᖃᕐᓂᖏᓐᓂᒡᓗ;
     
  • ᐅᖃᖃᑎᖃᖃᑦᑕᕐᓗᑎᒃ ᓄᓇᕘᒥᐅᓂᒃ ᑕᕆᐅᓕᕆᓂᕐᒨᖓᔪᓂᒃ ᐅᖃᐅᓯᐅᔭᕆᐊᖃᖅᑐᓂᒃ ᐃᓱᒫᓗᑎᒋᓗᐊᖅᑕᐃᓂᒃ;
     
  • ᖃᐅᔨᒋᐊᖃᑦᑕᕐᓂᖅ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ, ᑭᒡᓕᓯᓂᐊᕈᑎᓂᒃ, ᐅᖃᓕᒫᒐᒃᓴᓕᐊᖑᓯᒪᔪᓂᒃ, ᒐᕙᒪᒃᑯᓐᓄᑦ, ᑐᓴᒐᒃᓴᐅᑕᐅᖃᑦᑕᖅᑐᑎᒍᑦ ᐊᒻᒪᓗ ᐱᕙᓪᓕᐊᑎᑦᓯᕙᓪᓕᐊᔪᓄᓪᓗ ᐅᓂᒃᑳᓕᐊᖑᖃᑦᑕᖅᑐᓂᒃᐃᓱᒫᓗᑕᐅᕙᒃᑐᓂᒡᓗ ᑕᕆᐅᓕᕆᓂᕐᒨᖓᔪᓂᒃ; ᐊᒻᒪ
     
  • ᖃᐅᔨᓴᖃᑦᑕᕐᓂᖅ ᐊᑐᐊᒐᒃᑦᓴᓕᐊᖑᓯᒪᔪᓂᒃ ᐊᑐᐊᒐᒃᓴᓕᐊᖑᔪᒻᒦᖅᑐᓂᒡᓘᓐᓃᑦ,ᐱᖁᔭᒃᓴᓂᒡᓗ, ᖃᐅᔨᓴᒐᕐᓂᒡᓗ, ᐱᕙᓪᓕᐊᑎᑦᓯᓂᐊᕈᒪᓛᕐᓂᕐᒥᑦ ᐊᐅᓚᑦᓯᓛᕈᒪᓛᕐᓂᕐᒥᒡᓘᓐᓃᑦ ᐸᕐᓇᐅᓯᐅᕐᕈᑎᓂᒃ ᐊᒃᑐᐃᓂᖃᕋᔭᖅᑐᓂᒃ ᐊᒃᑐᐃᓂᖃᑐᐃᓐᓇᕆᐊᖃᖅᑐᓂᒡᓘᓐᓃᑦ, ᑕᕆᐅᒦᑦᑐᓂᒃ ‐ ᑐᒃᓯᖅᑑᑎᖃᖃᑦᑕᕐᓂᕐᓗ ᐱᐅᓂᖅᓴᓂᒃ ᐱᑕᖃᖃᑦᑕᕆᐊᖃᕐᓂᖓᓂᒡᓗ, ᑕᐃᒪᐃᒋᐊᖃᕐᓂᕋᐃᒍᒥᒃ.