ᓄᓇᕘᒥ ᑕᕆᐅᓕᕆᔨᑦ ᑲᑎᒪᔨᖏᑦ
ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᑦ (NMC) ᐅᖓᕙᕆᐊᕐᓂᐅᕗᖅ ᑲᑐᔾᔭᐅᔪᒥ ᒪᓕᒐᐅᔪᓂᒃ ᐱᓕᕆᓂᐅᔪᒥ ᓴᖅᑭᑎᑕᐅᓯᒪᔪᒥ ᐅᕘᓇ ᓄᓇᕗᒻᒥ ᐊᖏᕈᑕᐅᔪᒥ, ᐱᔪᓐᓇᖅᑎᑦᑎᓯᒪᕗᖅ ᓄᓇᕗᒻᒥ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᓐᓂᒃ (NWMB), ᓄᓇᕗᒻᒥ ᐸᕐᓇᐃᔨᓂᒃ (NPC), ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓂᒃ (NIRB) ᐊᒻᒪ ᓄᓇᕗᒻᒥ ᐃᒪᓕᕆᔨᑦ ᑲᑎᒪᔨᖏᓐᓂᒃ (NWB) ᐊᐅᓚᑦᑎᓂᖃᕐᓂᕐᒧᑦ ᐊᑲᐅᙱᓕᐅᕈᑕᐅᔪᓂᑦ ᐊᒃᑐᐃᕙᒃᑐᓄᑦ ᑕᕆᐅᕐᒥ ᐃᓂᐅᔪᓄᑦ ᓄᓇᕗᒻᒥ ᐊᖏᖃᑎᒌᒍᑎᑖᒧᑦ ᓄᓇᖁᑎᒋᔭᐅᔪᓄᑦ. ᐃᓕᖕᓂᑦ ᐅᐸᖁᔨᓇᔭᖅᐳᒍᑦ ᖃᕋᓴᐅᔭᑎᒍᑦ ᑐᑭᓯᒋᐊᖅᑕᕐᕕᖓᓂ ᐊᑐᓂ ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᑦᑕ ᐃᓚᒋᔭᐅᔪᓄᑦ ᖃᐅᔨᒋᐊᒃᑲᓐᓂᕐᓂᕐᒧᑦ ᑕᐃᒃᑯᓇᙵᑦ ᐊᑐᓂ ᐱᓕᕆᐊᒃᓴᕆᔭᑦᑎᓐᓂ, ᐱᔪᓐᓇᕐᓂᕆᔭᖏᓐᓂ ᐊᒻᒪ ᐃᖏᕐᕋᐃᓐᓇᖅᑐᒥ ᐱᓕᕆᓂᐅᔪᒥ.
ᓄᓇᕘᒥ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ

ᓄᓇᕘᒥ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᐆᒪᔪᓕᕆᓂᕐᒥᑦ ᑲᒪᔨᐅᓪᓚᕆᒃᑐᑦ ᐊᒻᒪᓗ ᐅᐊᑦᓯᔨᓪᓚᕆᐅᓪᓗᑎᓪᓗ ᐆᒪᔪᖅᑕᖃᖅᑐᓄᙵᐅᔪᒪᔾᔪᑎᓄᑦ ᓄᓇᕗᑦ ᓇᓗᓇᐃᖅᑕᐅᓯᒪᓂᖓᓃᑦᑐᓂᒃ. ᓄᓇᕘᒥ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᐅᖃᐅᓯᒃᑯᑦ ᐃᑲᔪᖃᑕᐅᔪᓐᓇᕐᕕ-ᖃᖅᑎᑕᐅᓯᒪᖕᒥᔪᑦ ᑕᕆᐅᓕᕆᓂᕐᒨᖓᔪᓄᑦ ᔪᓐ I ᐊᒻᒪᓗ ᔪᓐ II-ᒥᓗ ᐊᑭᐊᓃᑦᑐᓂᒡᓗ ᑕᕆᐅᒥ. ᔪᓐ I-ᒥᑦᑐᑦ 61 ᑕᒍᒋᔅ ᐅᐊᖕᓇᖓᓐᓂ ᑲᓇᑕᐅᑉ ᑕᕆᐅᖁᑕᐃᓃᑦᑐᑦ ᓄᓇᕗᒥ ᑕᕆᐅᑉ ᑭᒡᓕᓕᖅᑐᕐᕕᐅᓂᖓᓃᖏᑦᑐᑦ, ᐊᓯᖏᓐᓄᓪᓘᓐᓃᑦ ᓄᓇᑖᕐᕕᐅᓯᒪᔪᓅᓪᓘᓐᓃᑦ ᔪᓐ II-ᒦᑦᑐᑦ ᔭᐃᒻᒥᔅ ᐸᐃᒦᑦᑐᑦ, ᑕᓯᐅᔭᕐᔪᐊᕐᒦᑦᑐᓪᓗ ᐊᒻᒪᓗ ᓄᓇᕕᐅᑉ ᕿᑭᖅᑖᓘᓪᓗ ᐃᑭᖓ ᓄᓇᕗᑦ ᓇᓗᓇᐃᖅᑕᐅᓯᒪᓂᖓᓃᖏᑦᑑᒃ ᐊᓯᖏᓐᓄᓪᓘᓐᓃᑦ ᓄᓇᑖᕐᕕᐅᓯᒪᔪᓅᓪᓘᓐᓃᑦ. ᑕᐅᑦᑐᒐᖃᖅᑐᑦ ᐆᒪᔪᓗᐊᖅᑕᐃᓕᒪᔭᕆᐊᖃᕐᓂᕐᒥᑦ ᐃᓄᐃᑦ ᖃᐅᔨᒪᔭᑐᖃᖓᑦᑎᒍᑦ ᑭᓱᑐᐃᓐᓇᐃᓪᓗ ᖃᐅᔨᓴᖅᑕᐅᖃᑦᑕᕐᓂᖏᑦᑎᒍᓪᓗ.

 

www.nwmb.com
ᓄᓇᕘᒥ ᐸᕐᓇᐃᔩᑦ

ᓄᓇᕘᒥ ᐸᕐᓇᐃᔩᑦ ᐱᒻᒪᕆᐅᔪᒥᑦ ᐱᓇᓱᐊᒐᖃᖅᑎᑕᐅᓯᒪᕗᑦ ᓄᓇᕗᒥ ᓄᓇᑖᕐᓂᕐᒧᑦ ᐊᖏᕈᑎᒃᑯᑦ ᐸᕐᓇᐅᓯᐅᕆᐊᓖᑦ ᐊᑐᓕᖅᑎᑦᓯᔭᕆᐊᖃᖅᓱᑎᒡᓗ ᓄᓇᐅᑉ ᐊᑐᖅᑕᐅᓂᖓᓐᓄᑦ ᕐᓇᐅᑎᓃᑦᑐᓂᒃ ᑐᑭᒧᐊᒍᑎᓂᒃ ᓄᓇᒥᐅᑕᐃᑦ ᐊᑐᖅᑕᐅᓂᐊᕐᓂᖓᓄᑦ ᐱᕙᓪᓕᐊᕕᐅᓂᐊᕐᓂᖓᓄᓪᓗ. ᓄᓇᕘᒥ ᐸᕐᓇᐃᔩᑦ ᒐᕙᒪᓂᒃ ᐃᓄᐃᓪᓗ ᑲᑐᔾᔨᖃᑎᒌᖏᓐᓂᒡᓗ ᐊᓯᖏᓐᓂᒡᓗ ᑐᓴᐅᒪᑎᑦᓯᒃᑲᐃᖃᑦᑕᖅᑐᓪᓗ ᑭᖑᓪᓕᖅᐹᖑᓪᓗᑎᒃ ᐃᓱᒪᒃᓴᖅᓯᐅᖅᑎᐅᖑᔪᑦ ᓄᓇᐅᑉ ᐱᓕᕆᐊᕆᕝᕕᐅᓂᐊᕐᓂᖓᓂᒃ ᖃᓄᕐᓗ ᐊᐅᓚᑕᐅᓂᐊᕐᓂᖏᓐᓂᒡᓗ ᓄᓇᒥ ᐸᕐᓇᐅᑏᑦ.

 

 

 

 

 

www.nunavut.ca
ᓄᓇᕘᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ

ᓄᓇᕘᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᓄᓇᕘᒥ ᐊᕙᑎᒥᐅᑕᓃᑦᑐᓂᒃ ᓇᓗᓇᐃᔭᐃᔩᑦ ᖃᐅᔨᓴᖅᑎᒋᔭᐅᔪᑦ, ᐊᒃᑐᖅᑕᐅᓯᒪᖃᓯᐅᔾᔭᐅᑐᐃᓐᓇᕆᐊᖃᖅᑐᓂᒃ ᑐᒃᓯᖅᑑᑎᒃᑯᑦ ᐱᓕᕆᐊᕆᔭᐅᔪᒪᔪᖅᑕᖃᖅᑎᓪᓗᒍ ᐱᔪᖕᓇᐅᑎᑖᖅᑎᑕᐅᓂᐊᓵᖅᑎᓪᓗᒋᑦ, ᓚᐃᓴᓐᓯᑖᖅᑎᑕᐅᓂᐊᓵᖅᑎᓪᓗᒋᑦ ᐊᖏᖅᑕᐅᓂᐊᓵᖅᑎᓪᓗᒋᓪᓗ. ᐃᑦᓯᖅᑐᐃᖃᑦᑕᕐᒃᒥᔪᑦ ᐱᓕᕆᐊᕆᔭᐅᔪᓂᒃ, ᐊ>ᕙᑎᓕᕆᔨᒃᑯᑦ ᒪᓕᒃᑕᐅᔪᕐᒃᓴᓂᐊᕕᓂᖏᓐᓂᒃ ᒪᓕᒋᐊᖃᕋᔭᖅᑐᑦ ᐱᓕᕆᐊᖃᖅᑐᑦ ᓇᓗᓇᐃᒃᑯᑕᖅᑖᕈᑎᕕᓂᖏᓐᓂᑦᑐᓂᒃ. ᓴᐳᒻᒥᒃᓰᔭᕆᐊᖃᕐᐸᖕᒥᔪᑦ ᐊᕙᑎᒥᐅᑕᐃᓪᓗ ᓄᓇᕘᒥᐅᓪᓗ ᐃᓅᓯᖃᑦᓯᐊᕈᓐᓇᖁᓪᓗᒋᑦ ᐊᕙᑎᒥᐅᑕᓃᑦᑐᑦ ᐊᒃᑐᖅᑕᐅᓯᒪᖃᓯᐅᔾᔭᐅᓂᐊᓵᖅᑎᓪᓗᒍ ᓇᓗᓇᐃᖅᑐᐃᓂᒃᑯᑦ.

 

 

 

 

www.nirb.ca

 

 

 

 

 

 

 


ᓄᓇᕘᒥ ᐃᒪᓕᕆᔨᑦ ᑲᑎᒪᔨᖏᑦ

ᓄᓇᕘᒥ ᐃᒪᓕᕆᔨᒃᑯᑦ ᐃᓕᒃᑰᖓᔪᖅ ᐃᓄᖕᓄᑦ ᒐᕙᒪᖃᕐᕕᐅᒋᓪᓗᓂ ᐊᓯᖏᓐᓂᒃ ᐃᓄᖕᓄᑦ ᒐᕙᒪᖃᕐᕕᒋᔭᐅᔪᓂᒃ ᐊᐅᓚᑦᓯᖃᑕᐅᖃᑦᑕᖅᑐᑦ ᐊᓯᖏᓐᓂᒃ ᑐᓴᐅᒪᑎᑦᓯᒃᑲᐃᖏᓐᓇᖅᓱᑎᒃ ᐊᒻᒪᓗ ᓄᓇᕗᙵ ᐃᒪᐃᑦ ᐊᒻᒪᓗ ᓄᓇᒧᑦ ᐱᔪᓐᓇᐅᑎᓕᕆᔩᓪᓗ ᒪᓕᒐᖓᑦᑎᒍᑦ ᐱᖁᔭᓕᕆᓂᐊᕐᓂᖅᒥᑦ, ᐊᐅᓚᑦᓯᓂᐊᕐᓂᕐᒥᑦ ᐊᒻᒪᓗ ᖃᐅᔨᒋᐊᖃᑦᑕᕆᐊᖃᖅᓱᑎᒡᓗ ᐃᒪᐃᑦ ᓄᓇᒦᑦᑐᓂᒃ ᓄᓇᕘᒥ ᑐᓂᔭᐅᔪᖅᑕᖃᕌᖓᑦ ᓚᐃᓴᓐᔅᓯᑖᕈᑎᒃᓴᓂᒃ. ᐃᒪᓕᕆᔨᒃᑯᑦ ᐱᓇᓱᐊᒐᕆᔭᖓᑦ ᐊᑐᓗᐊᑦᑕᐃᓕᒪᑎᑦᓯᓂᕐᒥᑦ ᐊᑐᑦᓯᐊᕐᓂᕐᒥᒡᓗ ᓄᓇᕘᒥ ᐃᒪᕐᒥᒃ - ᑭᓯᐊᓂ ᑲᓇᑕᐅᑉ ᒥᙳᐃᖅᓯᕐᕕᖁᑎᖏᓐᓃᑦᑐᓂᒃ - ᐃᑲᔫᑕᐅᑦᓯᐊᕈᓐᓇᖁᓪᓗᒋᑦ ᓄᓇᕘᒥᐅᓄᑦ ᐱᓗᐊᖅᑐᒥᒃ -ᐃᓱᒪᒋᓪᓗᒋᑦ ᑲᓇᑕᒥᐅᑕᐃᑦ. ᐃᒪᓕᕆᔨᒃᑯᑦᑕᐅᖅ ᐃᒪᐃᒋᐊᖃᖅᐳᑦ, ᓚᐃᓴᓐᓯᑖᖅᑎᑦᓯᒐᐃᒍᒥᒃ, ᐃᓱᒪᒋᖃᓯᐅᔾᔨᖃᑦᑕᖁᔨᕗᑦ ᐊᒃᑐᖅᑕᐅᓯᒪᖃᓯᐅᔾᔭᐅᓕᑐᐃᓐᓇᕆᐊᖃᕐᓂᖏᓐᓂᒃ ᐱᐅᙱᑦᑐᓪᓚᕆᖕᓄᑦ ᐊᑐᖅᑕᐅᑐᐃᓐᓴᕆᐊᖃᕐᓂᖏᓐᓂᒃ ᐃᒪᐃᑦ ᐅᕝᕙᓘᓐᓃᑦ ᐃᓚᔭᐅᑐᐃᓐᓇᕆᐊᖃᕐᓂᖏᓐᒡᓘᓐᓃᑦ ᐊᒃᑕᑰᖏᓐᓇᕐᓂᒃ ᐊᓯᖏᓐᓄᑦ ᐊᑐᖃᑦᑕᕐᓂᐊᖅᑐᓂᒃ ᐃᒪᕐᒥᑦ ᐃᓄᐃᓪᓗ ᑲᑎᒪᑎᑕᐅᓇᔭᖅᑐᑦ. ᓴᐳᒻᒥᒃᓰᔭᕆᐊᖃᖅᑐᑦ, ᐊᐅᓚᑦᓯᔭᕆᐊᖃᖅᓱᑎᒡᓗ ᐃᒪᑦᓯᐊᕙᖁᑎᖏᓐᓂᒃ ᓄᓇᕘᑉ. ᐃᓄᐃᑦ ᖃᐅᔨᒪᔭᑐᖃᖏᑦ ᓱᓇᑐᐃᓐᓇᐃᓪᓗ ᖃᐅᔨᓴᖅᑎᓄᑦ ᖃᐅᔨᒪᔭᐅᔪᑦ ᐃᓱᒪᒃᓴᖅᓯᐅᕈᑎᒋᓂᐊᖅᑕᒥᓄᑦ ᐃᓚᖃᓯᐅᑎᖃᑦᑕᕆᐊᖃᖅᑕᖏᑦ.

 






 

www.nwb-oen.ca