ᑐᓴᐅᒪᕚᓪᓕᒐᒃᓴᖅ

ᓄᓇᕗᑦ ᓇᓗᓇᐃᖅᑕᐅᓯᒪᓂᖓ ᑕᒪᕐᒥᑲᓵᒃ ᓄᓇᕘᒦᑦᑐᖅ. ᓯᐊᒃᓯᒪᓂᖃᖅᑎᒋᔪᖅ 1.9 ᒥᓕᐊᓐ ᓯᑭᒃᑕᑦ ᑭᓚᒦᑕᓂᒃ ᑕᕆᐅᖅᑕᓖᓪᓗ ᐅᑭᐅᖅᑕᑐᒥ ᕿᑭᖅᑕᐃᑦ ᐃᓚᖃᓯᐅᑎᓗᒋᑦ. ᐊᒻᒪᓗ 12 ᒪᐃᓕᓂᒃ ᑕᕆᐅᖅ ᐊᑭᐊᓃᑦᑐᖅ ᓄᓇᕘᑉ ᑭᒡᓕᓕᖅᑐᒐᐅᒥᒪᓕᖓᓃᕐᓗ. ᐃᓚᒋᐊᒃᑲᓐᓂᕐᓗᒍ, ᐃᒻᒪᖄ 43 ᐳᓯᐊᓐᑎᓪᓗᐊᖑᔪᖅ ᑲᓇᑕᓕᒫᒥ ᑕᕆᐅᑉ ᓯᓂᓂᖏᓐᓃᑦᑐᓂᐅᖓᓂᒃ ᓄᓇᕗᑦ ᓇᓗᓇᐃᖅᑕᐅᓯᒪᓂᖓᓐᓃᑦᑐᑦ - 104,000 ᑭᓚᒦᑕᐅᔪᑦ ᐅᕙᖓᑦ 243,000 ᑭᓚᒦᑕᓂᒃ.

ᐃᓄᐃᑦ ᐊᒥᓱᑦ ᓯᓈᓂᕐᒥᐅᑕᐅᔪᑦ, ᐃᓱᒪᒋᔭᒥᑎᒍᓪᓗ ᐊᕙᑎᒥᐅᑕᓃᑦᑐᓄᑦ ᐃᓚᐅᖃᑕᐅᓪᓚᕆᖕᓂᕋᖅᓯᒪᔪᑦ ᓄᓇᒋᔭᒥᓂ ᐃᓕᖁᓯᒥᑎᑐᑦ ᐱᓕᕆᐊᖃᖅᐸᒃᓱᑎᒃ. ᐆᒪᔪᖅᓯᐅᒐᒃᓴᓂᒡᓗ ᓂᕿᒃᓴᕆᓂᐊᖅᑕᒥᓂᑐᐃᓐᓇᖅ ᐊᖑᓇᓱᒃᐸᒃᓱᑎᒃ. ᓄᓇᕘᒥ ᐊᑦᑕᑎᓯᒪᔪᓂᒃ ᓄᓇᖏᓐᓅᖓᔪᓂᒃ ᐊᖅᑯᑎᖃᙱᓐᓂᖓᓄᑦ ᑲᓇᑕᒥᓗ ᖃᓪᓗᓈᑦ ᓄᓇᖏᓐᓅᖓᔪᖅᑕᖃᕋᓂᓗ, ᐊᕐᕌᒍ ᑕᒫᖅ ᓄᓇᓕᒋᔭᐅᔪᑦ ᐅᒥᐊᕐᔪᐊᒃᑯᑦ ᐅᒥᐊᕐᔪᐊᓪᓗ ᑲᓕᒐᖏᑦᑎᒍᑦ ᐅᖅᓱᒃᓴᓂᒃ, ᓂᕿᓴᓂᒡᓗ ᐊᓯᖏᓐᓂᒡᓗ ᖃᓪᓗᓈᑦ ᓄᓇᖏᓐᓃᖔᖅᑐᓂᒃ ᑎᑭᑦᑕᕐᕕᐅᖃᑦᑕᖅᑐᑦ. ᓄᓇᓖᑦ ᐊᓯᖏᓐᓄᙵᐅᖅᑕᖃᑦᑕᖅᑐᑦ ᐅᒥᐊᒃᑯᑦ ᖃᔭᒃᑯᑦ ᐊᐅᔭᕌᖓᑦ, ᖃᒧᑕᐅᔭᒃᑯᓪᓗ ᕿᒧᒃᓯᒃᑯᓪᓗ ᐅᑭᐅᕌᖓᑦ. ᓄᓇ, ᑕᕆᐅᖅ ᓯᑯᓗ ᓄᓇᕘᒥ ᑲᑎᙵᐅᖅᑐᑦ ᓄᓇᕘᒥᐅᓄᑦ ᖁᕕᐊᒋᔭᐅᕙᒃᑐᖅ, ᐃᓕᖁᓯᓕᕆᕝᕕᐅᖏᓐᓇᐅᔭᕐᓂᐊᖅᓱᓂᓗ, ᐃᓄᓗᖕᓄᓪᓗ ᐱᕙᓪᓕᐊᕕᐅᖏᓐᓇᕐᓂᐊᖅᓱᓂᓗ.

ᓄᓇᕗᑦ ᑕᕆᐅᖁᑎᖏᑦ ᐆᒪᔪᖅᑕᖃᐅᖅᑐᖅ ᐊᔾᔨᒌᖏᑦᑑᑎᓂᒃ, ᐊᕐᕖᑦ ᕿᓇᓗᒐᐃ, ᐊᕐᕖᑦ, ᐃᖃᓗᖕᓂᒃ, ᑎᖕᒥᖓᐊᑦ ᑎᑭᑦᑕᖃᑦᑕᖅᑐᓂᒃ, ᐊᓯᖏᓐᓂᒡᓗ., ᐊᒥᓱᑦ ᑕᒪᒃᑯᐊ ᐆᒪᔪᑦ ᑕᑲᕆᐅᒦᖃᑎᒋᔭᒥᓂᒃ ᓂᕿᖃᕆᐊᖃᖅᐸᒃᑐᑦ ᑕᕆᐅᒥ ᐆᒪᓂᕐᒥᓂᒃ. ᐊᒥᓱᑦ ᐳᐃᔩᑦ ᐃᓄᖕᓄᑦ ᐊᑐᕐᓂᖃᓐᓚᕆᒐᓗᐊᖅᑎᓪᓗᒋᑦ ᐊᖑᓇᓱᐊᖅᑕᐅᕙᖕᓂᖏᑦ; ᐃᖃᓗᖏᐃᓪᓗ ᓂᐅᕕᐊᒃᓴᓕᐊᕆᔭᐅᕙᖕᓂᖏᓪᓗ ᓄᓇᕘᒥ ᖃᓚᕋᓚᖅᓯᐅᖅᐸᒃᑐᑦ, ᑎᒃᑖᓕᖕᓂᒡᓗ, ᐃᖃᓗᒃᐱᖕᓂᒡᓗ ᐅᑭᐅᖅᑕᖅᑑᓪᓗ ᑭᖑᐅᒃᑕᖅᐸᒃᓱᑎᒡᓗ. ᓄᓇᕘᒥ ᓂᐅᕕᐊᒃᓴᐅᓛᖅᑐᓂᒃ ᐃᖃᓗᒃᓯᐅᖅᐸᓪᓕᐊᓕᖅᑐᑦ.

ᓄᓇᕘᒥᐅᑦ ᑕᕆᐅᒥᒃ ᐊᒃᑐᐊᔾᔪᑎᖃᖃᑕᐅᓪᓚᕆᒐᓗᐊᖅ-ᑎᓪᓗᒋᑦ ᓄᓇᕘᑉ ᓯᓂᑯᑖᖓ ᐊᒻᒪᓗ ᑲᓇᑕᐅᓪᓗ ᓴᙱᓂᖃᕐᕕᐅᖕᒥᔪᖅᑕᐅᖅ ᑲᓇᑕᐅᑉ ᓄᓇᖏᓐᓄᑦ ᐊᐅᓚᑦᓯᔨᒋᔭᐅᕝᕕᐅᕕᖃᕆᓪᓗᑎᒃᑕᐅᖅ, ᓄᓇᕘᒥ ᑕᕆᐅᒥ ᓇᑉᐸᖅᑎᑕᐅᓯᒪᔪᖅᑕᖃᐅᓗᐊᖏᑦᑐᖅ ᐊᓯᖏᓐᓂ ᓇᒥᑐᐃᓐᓇᖅ ᑲᓇᑕᐅᑉ ᐊᕕᒃᑐᖅᓯᒪᐅᕐᓂᖃᕐᕕᒋᔭᖏᓐᓂᐅᖓᓂᒃ, ᐊᑕᐅᓯᕐᒥᑦ ᐸᖕᓂᖅᑑᒥ ᑐᓚᒃᑕᕐᕕᓕᐅᒐᓗᐊᖅ. ᑐᓚᒃᑕᕐᕕᐅᖃᒃᑲᓐᓂᖃᒻᒪᕆᒃᑲᓗᐊᖅᑐᖅ ᓄᓇᓖᑦ ᐊᓯᖏᓐᓂ ᓄᓇᕘᒥ ᐃᖃᓗᒃᓯᐅᕐᓂᖅ ᐱᒋᐊᕈᑕᐅᒋᐊᒃᑲᓐᓂᕈᓐᓇᕐᓂᐊᕐᒪᑦ, ᐱᓗᐊᖅᑐᓱᒥ ᐅᒥᐊᓄᑦ ᒥᑭᔫᑕᐅᓂᖅᓴᓄᑦ.

Captions can be added but must be tranlsated