ᐅᒥᐊᕐᔪᐊᒃᑯᑦ ᐳᓚᕋᖅᑐᓕᕆᓂᖅ

ᐅᒥᐊᕐᔪᐊᒃᑯᑦ ᐳᓚᕋᖅᑐᓕᕆᓂᖅ ᑲᓇᑕᐅᑉ ᐅᑭᐅᖅᑕᖅᑐᖓᓄᙵᐅᕙᓪᓕᐊᖃᑦᑕᖅᑐᑦ ᐱᕈᖅᐸᓪᓕᐊᔪᖅ, ᐃᓄᒋᐊᙱᓐᓂᖅᓴᐅᓪᓗᑎᒃ ᒫᓐᓇᕋᑖᖑᓂᖅᓴᐅᓕᖅᑐᕐᓗ ᐃᓚᖏᑦ 1400ᑎᒋᔪᓂᒃ ᐃᓄᒋᐊᖕᓂᖃᖅᑎᒋᔪᒥᑦ ᐅᓯᒍᓐᓇᖅᓱᑎᒃ. ᐅᒥᐊᕐᔪᐊᒃᑯᑦ ᐅᓯᖃᑦᑕᐅᑎᓕᕆᓂᖅ ᐊᐅᓚᑕᐅᓂᖃᖅᑐᖅ ᑲᓇᑕᐅᑉ ᐅᑭᐅᖅᑕᖅᑐᖓᓂ ᒪᓕᒐᕐᓄᑦ ᐊᒻᒪᓗ ᐊᑐᐊᒐᒃᓴᓄᓪᓗ, ᓄᓇᕘᒥ ᑕᕆᓕᕆᔨᒃᑯᑦ ᑲᑎᒪᔨᖏᑦ ᑕᒪᓐᓇ ᐅᒥᐊᕐᔪᐊᒃᑯᑦ ᐃᖕᓄᓂᒃ ᐳᓚᕋᖅᑐᓕᕆᓂᖅ ᐊᑦᑕᓇᕈᑕᐅᓕᕈᑕᐅᑐᐃᓐᓇᕆᐊᑐᖅᑕᖃᖅᒥᔪᖅᑕᐅᖅ ᐊᒻᒪᓗ ᐊᒃᑐᐃᓂᖃᑐᐃᓐᓇᕆᐊᖃᕐᓂᖓᓂᒡᓗ ᐅᒥᐊᕐᔪᐊᕐᒥ ᐃᑭᒪᐅᖅᑐᖅᑕᐅᖃᐅᕐᓂᐊᕐᓂᖓᓐᓄᑦ ᑕᕆᐅᒥᓗ ᐊᕙᑎᒥᓗ ᓱᓇᑐᐃᓐᓇᐃᑦ ᐊᒃᑐᖅᑕᐅᑦᓴᐅᑎᒋᔪᓐᓇᖅ-ᑐᖅᑕᖃᐅᕐᓂᖓᓄᓪᓗ ᐆᒪᔪᖅᑕᓖᑦ. 

 

 ᐳᓚᕋᕐᓂᕐᒧᑦ ᐅᓯᑲᑦᑕᕐᓂᐅᔪᒧᑦ ᐊᕐᕌᒎᑉ ᐃᓚᖓᓐᓂ 2020

 

ᐃᑲᔪᕈᓐᓇᕐᓂᕐᒧᑦ ᑭᒡᓕᖃᖅᑎᑦᑎᓂᖓᓂ ᐊᐃᑦᑐᐃᓂᐅᔪᒥ ᓄᕙᒡᔪᐊᕐᓇᖅ-19−ᒥ, ᑲᓇᑕᐅᑉ ᒐᕙᒪᖏᑦ ᐅᖃᐅᓯᖃᓚᐅᖅᐳᑦ ᓄᑖᖑᔪᒥ ᐋᖅᑭᒃᓱᖅᓯᒪᔪᓂᑦ ᒥᑭᓐᓂᖅᓴᓄᑦ ᐅᒥᐊᕐᔪᐊᓄᑦ ᐊᒻᒪ ᓂᐅᕕᖅᑕᐅᕙᒃᑐᓂ ᐃᑭᒪᔪᓄᑦ ᐅᒥᐊᕐᔪᐊᓄᑦ ᐊᒡᔭᖅᓯᔪᓐᓇᖅᑐᓂ ᐅᓄᕐᓂᖅᓴᐅᔪᓂ 12−ᓂ ᐃᑲᒪᔪᓄᑦ. ᐋᖅᑭᒃᓱᖅᓯᒪᔪᑦ ᐅᖃᐅᓯᐅᓚᐅᖅᐳᑦ ᐊᐃᑉᕆᓕ 5, 2020−ᒥ ᓄᖅᑲᖅᑎᑦᑎᓯᒪᔪᒥ ᑲᓇᑕᒥ ᐳᓚᕋᖅᐸᒃᑐᓂ ᐅᒥᐊᕐᔪᐊᓂ ᑭᓴᖅᓯᒪᓂᖏᓐᓂ, ᐃᖏᕐᕋᔭᖕᓂᕐᒧᑦ, ᐅᕝᕙᓘᓐᓃᑦ ᓅᓐᓂᐅᔪᒥ ᑲᓇᑕᐅᑉ ᐅᑭᐅᖅᑕᖅᑐᒥ ᐃᒪᖓᓐᓂ ᐅᒃᑐᐱᕆ 31, 2020−ᖑᕋᓱᖕᓂᖓᓄᑦ. https://www.canada.ca/en/transport-canada/news/2020/04/the-government-of-canada-announces-new-measures-for-ferries-and-commercial-passenger-vessels-capable-of-carrying-more-than-12-passengers.html

 

ᐊᑐᐊᒐᒃᓴᐃᑦ ᐅᒥᐊᕐᔪᐊᓄᑦ ᐃᓄᖕᓂᒃ ᐅᓯᖃᑦᑕᐅᑎᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᑦᑎᒍᕈᖃᑦᑕᖅᑐᓄᑦ

ᑲᓇᑕᐅᑉ ᐃᖏᕐᕋᔪᓕᕆᔨᒃᑯᖏᑦ ᐱᓕᕆᐊᖃᑎᑦᓯᔪᔪᑦ ᐅᑭᐅᖅᑕᖅᑐᒥ ᑲᑐᔾᔨᖃᑎᒋᒃᑐᓂᒃ ᐳᓚᕋᖅᑐᓕᕆᔨᓂᒡᓗᓂᒡᓗ ᐋᖅᑭᒃᓱᐃᖃᑎᒌᒃᑎᑕᐅᓪᓗᑎᒃ “ᐊᑐᐊᒐᒃᓴᐃᑦ ᐅᒥᐊᕐᔪᐊᓄᑦ ᐃᓄᖕᓂᒃ ᐅᓯᖃᑦᑕᐅᑎᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᑦᑎᒍᕈᖃᑦᑕᖅᑐᓄᑦ ”. ᑖᒃᑯᐊ ᐊᑐᐊᒐᐃᑦ ᐋᖅᑭᒃᓱᖅᑕᐅᓯᒪᔪᑦ ᐅᒥᐊᕐᔪᐊᓂᒃ ᐊᖅᖁᖃᑦᑕᖅᑐᓄᑦ ᐃᑲᔫᑕᐅᔪᓐᓇᖁᓪᓗᒋᑦ ᐊᒻᒪᓗ ᓇᓗᓇᐃᖅᑕᐅᓯᒪᔪᓄᓪᓗ ᑭᒡᒐᖅᑐᐃᔨᒋᔭᐅᔪᓄᑦ ᐅᒥᐊᕐᐊᒃᑯᑦ ᐅᓯᖃᑦᑕᐅᑏᑦ ᐃᓄᖕᓂᒃ ᐳᓚᕋᕆᐊᖅᑐᖅᓯᒪᔪᓂᒃ ᐃᖏᕐᕋᓂᖃᑦᓯᐊᖃᑦᑕᕈᓐᓇᖁᓪᓗᒋᑦ ᓴᖅᑭᔮᖅᑎᑦᓯᔪᓐᓇᖁᓪᓗᒋᓪᓗ ᐃᓅᖃᑎᒌᑦᓯᐊᕐᓂᒃᑯᑦ ᐱᓕᕆᐊᖃᑎᒌᑦᑎᓯᐊᕈᓐᓇᕐᓂᕐᒥᒃ ᐃᓄᓕᒫᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ. ᐃᓚᖃᕐᒥᔪᑦ ᓄᓇᕗᒥ ᑕᕆᐅᓕᕆᓂᕐᒨᖓᔪᓂᒃ ᐆᒪ ᑎᑎᕋᖅᓯᒪᔫᑉ ᐃᓱᐊᓂ. https://www.tc.gc.ca/media/documents/marinesafety/TP13670E.PDF