ᐅᑯᐊᑦᑕᐅᖅ ᐊᖕᒧᑦ ᑎᑎᕋᑦᖅᓯᒪᖕᒥᔪᑦᑕᐅᖅ ᑕᕆᐅᓕᕆᓂᕐᒨᖓᖕᒥᔪᑦ ᐅᖃᐅᓯᐅᓯᒪᖕᒥᔪᑦ ᐱᒻᒪᕆᐅᓂᖏᓐᓂᒃ ᓄᓇᕘᒥ ᑕᕆᐅᓕᕆᔨᒃᑯᑦ ᑲᑎᒪᔨᖏᓐᓄᑦ ᐸᕐᓇᐅᓯᐅᕈᑎᖏᓐᓄᑦ; ᐅᑯᐊ ᐊᑐᖅᑕᐅᔪᓐᓇᖅᑐᑦ ᓯᕗᒻᒧᐊᒍᑎᓯᒋᒋᐊᒃᑲᓐᓂᕈᑎᒋᓂ-ᐊᕐᓗᓂᒋᑦ ᐅᑎᖅᑕᕐᕕᐅᖃᑦᑕᕈᓐᓇᕐᓂᐊᖅᑐᖅ ᐅᓪᓗᒥᒨᓕᖅᑐᖅᑕᐅᖃᑦᑕᕐᓗᓂᓗ ᖃᑯᑎᒃᑯᑦ.

• ᐃᑲᔫᑎᒃᓴᒃᑲᓐᓃᑦ ᐅᒥᐊᕐᔪᐊᓄᑦ (ᓇᐸᕈᑕᐃᑦ, ᑐᓚᒃᑕᕐᕖᑦ, ᐊᓯᖏᓪᓗ.,) ᓄᓇᓖᑦ ᐅᒥᐊᕐᔪᐊᒃᑯᑦ ᓂᐅᕕᐊᒃᓴᓂᒃ ᑎᑭᑦᑕᕐᕕᐅᖃᑦᑕᕈᓐᓇᕐᓂᐊᕐᒪᑕ ᑕᕆᐅᒃᑯᓪᓗ ᐃᖏᕐᕋᕕᐅᖃᑦᑕᕋᔭᖅᑐᓪᓗ ᓄᓇᓖᑦ ᐊᖅᑯᓵᖅᑕᕐᕕᐅᖃᑦᑕᕐᑐᓪᓗ.
   
• ᐆᒪᔪᓕᕆᓂᖅ ᐃᖃᓗᓕᕆᓂᕐᓗ ᓄᓇᓖᑦ ᓯᓈᓂ ᑕᕆᐅᒥᓗ ᐊᐅᓚᑕᐅᓂᖃᑦᓯᐊᕆᐊᖃᖅᑐᑦ ᐱᓗᐊᖅᑕᐃᓕᒪᓂᖃᕆ-ᐊᖃᖅᑐᖅ ᐊᒻᒪᓗ ᐊᖑᓇᓱᒍᓐᓇᕐᓂᒃᑯᑦ ᐊᔪᙱᓐᓂᖃᕐᓂᐅᔪᖅ ᐃᑲᔪᖅᓱᖅᑕᐅᔭᕆᐊᖃᖅᑑᒃ ᓄᓇᕘᒥ ᓄᓇᑖᕐᓂᕐᒧᑦ ᐊᖏᕈᑎᑦ ᒪᓕᒡᓗᒋᑦ;
   
• ᐊᐅᑭᐅᓕᒫᖅ ᓯᑯᓯᐅᑎᑕᖃᖃᑦᑕᑐᐃᓐᓇᕆᐊᖃᖅᑐᖅ ᐆᒪᔪᖅᑕᖃᖃᕐᕕᐅᖃᑦᑕᖅᑐᓄᑦ ᐊᒡᕕᐊᑐᐃᓐᓇᕆᐊᖃᖅᑐᖅ, ᐃᖏᕐᕋᕕᐅᖃᑦᑕᖅᑐᓄᓪᓗ ᐃᓄᖕᓄᑦ, ᓱᓕᐊᖅᑕᕐᕕᐅᖃᑦᑕᖅᑐᓄᓪᓗ ᐊᓯᖏᓐᓄᓪᓗ.,
   
• ᐳᓚᕋᖅᑎᓂᒃ ᐅᒥᐊᕐᔪᐊᑦ ᐅᓯᔪᑦ ᐆᒪᔪᓄᑦ ᐊᑦᑕᓇᕐᓂᖅᓴᐅᖃᑦᑕᓕᖅᑎᓪᓗᒋᑦ ᐊᒃᑐᐃᓂᖃᑲᑯᐃᓐᓇᕆ-ᐊᖃᕐᓂᖓ ᐊᒻᒪᓗ ᐃᓄᐃᑦ ᐃᓕᖁᓯᖏᓐᓅᖓᔪᓂᒡᓗ ᓄᓇᒦᑦᑐᓂᒃ;
   
• ᐊᒃᓱᕈᕐᓇᕆᓇᔭᖅᑕᖓ ᐊᐅᓚᑦᓯᓂᖅ ᓴᐳᒻᒥᒃᓰᓇᓱᐊᕐᓂᕐᓗ ᐆᒪᔪᑦ ᐊᔾᔨᒌᖏᑦᑑᑎᓂᒃ ᓯᓚᓗ ᐊᓯᔾᔨᖅᐸᓪᓕᐊᑎᓪᓗᒍ, ᐱᕙᓪᓕᐊᔪᖅᑕᖃᐅᖅᑎᓪᓗᒍᓗ;
   
• ᓯᑯᓗ ᓯᑯᖃᑦᑕᕐᓂᖓ ᐊᓯᔾᔨᖅᐸᓪᓕᐊᑎᓪᓗᒍ, ᖁᐊᖅᐸᓪᓕᐊᓂᖓᓄ ᐊᓯᔾᔨᖅᐸᓪᓕᐊᖃᑦᑕᓕᕐᓂᖓ ᓯᑯᓯᒪᐅᖅᑑᓪᓗ ᓇᒦᓪᓚᕆᓕᕐᓂᖓᓂᒡᓗ ᐅᑭᐅᖅᑕᖅᑐᒥ;
   
• ᐃᒪᑦᓯᐊᕙᐃᑦ ᑕᕆᐅᖏᓐᓇᐅᓕᑐᐃᓐᓇᕆᐊᖃᕐᓂᖏᓐᓂᒃ ᐊᒻᒪᓗ ᑕᕆᐅᖅ ᐅᓕᕕᒡᔪᐊᑐᐃᓐᓇᕆᐊᖃᕐᓂᖓᓂᒃ ᑕᒪᒃᑯᐊ ᑰᕐ ᐹᖏᓐᓃᑦᑐᑦ, ᑕᕆᐅᖏᓐᓇᕐᓗ ᐃᒪᑦᓯᐊᕙᒃᑕᓕᖕᓄᑦ ᐃᓚᓯᐅᑎᑐᐃᓐᓇᕆᐊᖃᕐᓂᖏᓐᓂᒃ;
   
• ᓄᓇ ᓯᒡᔭᒦᑦᑐᖅ ᑕᕿᐅᒧᑦ ᓯᑐᑐᐃᓐᓇᕆᐊᖃᕐᓂᖓᓄᑦ, ᓯᓚᐅᓪᓗ ᓂᕈᒥᖕᓂᖓ ᐊᓯᔾᔨᖅᐸᓪᓕᐊᓗᓂᓗ, ᓯᑯᓯᒪᓗᓂ ᓄᓇ ᖁᐊᖑᐃᓐᓇᖅᑐᖅᑕᓕᒃ ᓄᓇᓖᒋᔭᐅᔪᑦ ᓱᓴᒃᑯᑖᖁᑕᐅᔪᑦ ᐊᒃᑐᖅᑕᐅᓯᒪᖃᓯᐅᔾᔭᐅᓕᕐᓗᑎᒃ ᓄᓇᓕᖕᓂ ᐊᑐᒐᐅᖃᑦᑕᓲᓪᓗ ᐃᓄᖕᓄᓪᓗ ᓱᓕᕆᓐᓇᐅᑏᓪᓗ;
   
• ᓱᒡᔭ ᑕᕆᐅᕐᓗ ᐊᑐᖅᑕᐅᑦᓯᐊᖃᑦᑕᕆᐊᖃᕐᓂᖓ ᓱᓕᐊᖅᑕᖃᑦᑕᖅᑐᓄᑦ ᐃᖃᓗᒃᓯᐅᕐᕕᐅᖃᑦᑕᖅᑐᓪᓗ;
   
• ᐱᕈᖅᓴᐃᓂᖅ ᓴᓇᐅᒐᒃᓴᓕᕆᓂᕐᓗ ᐃᖅᑲᓇᐃᔮᒃᓴᓕᕆᓂᕐᓗ ᓄᓇᕘᒥᐅᓄᑦ ᑕᕆᐅᓕᕆᓂᖅ ᐱᔾᔪᑎᒋᓪᓗᒍ ᐊᓯᖏᓐᓄᓪᓗ ᑕᒪᑐᒧᙵ ᐊᒃᑐᐊᔾᔪᑎᔪᓄᓪᓗ;
   
• ᓄᓇᓕᖕᓂ ᐱᓕᕆᕝᕕᐅᔪᓂᒡᓗ ᐊᖏᔫᑕᐅᓂᖅᓴᓂᒃ ᐃᒪᕐᓗᐃᑦ ᐊᑐᖅᑕᐅᔭᕇᖅᓯᒪᔪᑦ ᑯᕕᐅᕋᖅᑕᐅᓂᑯᕕᓃᑦ, ᑕᕆᐅᒥᑦ ᑕᕆᐅᒦᑦᑐᓂᒡᓗ ᐊᒃᑐᐃᔪᓐᓇᕐᓂᖏᑦ;
   
• ᐳᔪᕐᓗᖃᐅᓕᑐᐃᓐᓇᕆᐊᖃᕐᓂᖓᓂᒃ ᐊᔾᔨᐅᖏᑦᑑᑎᓂᒡᓗ ᖁᑉᐱᕐᕈᐊᕐᔪᖕᓂᒃ ᐃᒃᑕᑯᑎᓃᖔᕐᓂᑯᕕᓂᕐᓂᒃ ᓄᓇᕘᑉ ᑕᕆᐅᖁᑎᖏᓐᓄᑦ ᐃᓚᖃᓯᐅᑎᓗᑎᒃ;
   
• ᑕᕆᐅᖅ ᓯᑯᓯᒪᓕᖅᑎᓪᓗᒍ ᐅᖅᓱᕐᔪᐊᒥᑦ ᒪᓴᒃᑎᕈᑎᖃᕆᐊᖃᖅᑐᑦ;
   
• ᑎᑎᕋᖅᑕᐅᔭᕆᐊᓖᑦ ᐊᑐᓕᖅᑎᑕᐅᔭᕿᐊᓖᓪᓗ ᒪᓕᒐᒃᓴᑦ ᐅᒥᐊᕐᔪᐊᓂᒃ ᐊᖅᑯᑎᒋᓂᐊᖅᑐᓄᑦ ᑕᕆᐅᖅ ᓯᑯᓯᒪᓕᖅᑳᖅᑎᓪᓗᒍ; ᐃᓕᓐᓂᐊᖅᓯᒪᑦᓯᐊᕆᐊᖃᖅᓱᑎᒡᓗ ᐅᒥᐊᕐᔪᐊᓂᒃ ᐊᖁᒍᓐᓇᕐᓂᕐᒥᑦ ᓄᓇᕗᑦ ᐃᒪᖁᑎᖏᑦᑎᒍᑦ ᐃᖏᕐᕋᒪᔭᖃᑦᑕᕐᓂᐊᖅᑐᑦ;
   
• ᐊᑐᐊᒐᒃᓴᖅᑕᖃᐅᑦᓯᐊᖏᓐᓂᖓᓂᒃ ᓯᑯᒃᑯᑦ ᐊᑐᕆᐊᓄᑦ, ᐅᑭᐅᒃᑯᑦ ᐃᖏᕐᕋᕕᐅᖃᑦᑕᕐᓂᐊᖅᑐᓄᑦ ᐊᖅᑯᑎᓄᓪᓗ; ᐅᖅᓱᒃᓴᓂᒃ ᐊᒡᔭᖅᑑᑎᓄᑦ, ᓯᑲᐅᑦ ᐅᒥᐊᕐᔪᐊᑦ ᑲᓕᒐᖏᓐᓂᒃ ᓯᓂᒃᑕᕐᕕᓕᐅᖅᐸᒃᑐᓄᑦ ᑕᕆᐅᑉ ᓯᓈᓃᑦᑐᓄᑦ;
   
• ᑕᕆᐅᖅ ᓯᑯᓯᒪᑎᓪᓗᒍ ᖄᖅᑎᑕᐃᓂᖅ ᖃᐅᔨᓴᖃᑦᑕᕐᓂᖅ ᑕᕆᐅᒥ ᖃᐅᔨᓴᖅᑏᑦ;
   
• ᓇᓗᓇᐃᖅᓯᓂᖅ ᓯᕗᓪᓕᐅᔾᔭᐅᔭᕆᐊᓖᑦ ᖃᐅᔨᓴᒐᐅᔪᒪᖃᑦᑕᕐᓂᐊᖅᑐᓂᒃ, ᐊᒻᒪᓗ ᐃᓕᓴᐅᑎᖃᕐᓗᓂᓗ ᐃᓄᐃᑦ ᖃᐅᔨᒪᔭᑐᖃᖏᓐᓂᒃᑲᐃᑲᔪᖅᓱᒐᐅᕚᓪᓕᕈᑕᐅᒋᐊᒃᑲᓐᓂᕈᓐᓇᕋᔭᖅᑐᓂᒃ ᐊᒻᒪᓗ ᖃᐅᔨᓴᒐᐅᔪᕕᓂᕐᓂᒡᓗ ᑐᓴᐅᒪᔾᔪᑎᒃᓴᓄᑦ; ᐊᒻᒪ
   
• ᒪᓕᒐᖅᑕᖃᐅᑦᓯᐊᐱᐊᖃᕐᓂᖓᓂᒃ ᑲᓇᑕᐅᑉ ᐅᑭᐅᖅᑕᑐᒥ ᐊᕙᑎᒋᔭᖓ ᓴᐳᒻᒥ.ᔭᐅᓂᖃᑦᓯᐊᕈᓐᓇᕐᓂᐊᕐᒪᑦ.