ᑐᓴᒐᒃᓴᑦ ᑲᑎᖅᓱᒐᐅᓂᑯᐃᑦ

ᑕᕆᐅᓕᕆᓂᕐᒥᑦ ᐱᓇᓱᐊᒐᔭᐅᔪᒪᔪᑦ ᓄᓇᕘᒥ ᑕᕆᐅᓕᕆᓂᕐᒨᖓᔪᓂᒃ ᑐᓴᒐᒃᓴᐅᑎᓂᒃ ᐅᑯᓇᓂ ᐅᖃᓕᒫᖅᑕᐅᔪᓐᓇᖅᑐᑦ:

 

ᐃᖃᓗᓕᕆᔨᒃᑯᑦ ᐊᒻᒪ ᐃᒪᓕᕆᔨᒃᑯᑦ ᑲᓇᑕᒥ: ᐃᖃᓗᓕᕆᔨᒃᑯᑦ ᐊᒻᒪ ᐃᒪᓕᕆᔨᒃᑯᑦ ᑲᓇᑕᒥ ᑲᓇᑕᐅᑉ ᐃᒪᕐᒥᐅᑕᓄᑦ ᐆᒪᔪᑦ ᐅᓗᕆᐊᓇᖅᑐᒦᑦᑐᓂᑦ ᓄᓇᙳᐊᑦ ᑲᑎᑕᐅᓯᒪᔪᓂᒃ ᑐᓐᓂᖅᓴᖅᑕᐅᓂᖓᓂ ᐊᒻᒪᓗ ᐱᒻᒪᕆᐅᔪᓂᒃ ᓇᔪᖅᑕᐅᔪᓂ ᐆᒪᔪᓂᑦ ᐃᒪᕐᒥᐅᑕᓄᑦ ᐆᒪᔪᐃᑦ ᐊᔾᔨᒌᖕᓂᖏᓐᓂ ᑎᑎᕋᖅᑕᐅᓯᒪᔪᓂᒃ ᐅᕘᓇ ᐆᒪᔪᑦ ᐅᓗᕆᐊᓇᖅᑐᒦᑦᑐᓄᑦ ᒪᓕᒐᕐᒥᒃ. ᐱᔾᔪᑎᖓ ᐃᒪᕐᒥᐅᑕᓄᑦ ᐆᒪᔪᑦ ᐅᓗᕆᐊᓇᖅᑐᒦᑦᑐᓄᑦ ᓄᓇᙳᐊᖑᔪᑦ ᐊᑐᖅᑎᑦᑎᓂᕐᒧᑦ ᐱᓕᕆᐊᒃᓴᒧᑦ ᖃᐅᔨᓇᓱᐊᖅᓯᓂᐅᔪᓂᑦ ᐅᕘᓇ ᐃᖃᓗᓕᕆᓂᕐᒧᑦ ᒪᓕᒐᕐᒥ ᐊᒻᒪᓗ ᐆᒪᔪᑦ ᐅᓗᕆᐊᓇᖅᑐᒦᑦᑐᓄᑦ ᒪᓕᒐᕐᒥᒃ ᐊᑐᖅᑕᐅᔪᓐᓇᕆᕗᑦ ᑲᓇᑕᒥᐅᑕᓂᒃ ᓇᓗᓇᐃᖅᓯᓂᕐᒧᑦ ᐆᒪᔪᑦ ᐅᓗᕆᐊᓇᖅᑐᒦᑦᑐᓂᑦ ᐅᕝᕙᓘᓐᓃᑦ ᐱᒻᒪᕆᐅᔪᓂᒃ ᓇᔪᖅᑕᐅᔪᓂ ᓇᓂᔭᐅᓯᒪᓂᖏᓐᓂ ᓇᒥᑐᐃᓐᓇᖅ ᐃᓂᐅᔪᓂᒃ. ᐃᒪᕐᒥᐅᑕᓄᑦ ᐆᒪᔪᑦ ᐅᓗᕆᐊᓇᖅᑐᒦᑦᑐᓄᑦ ᓄᓇᙳᐊᖏᑦ ᐊᑐᐃᓐᓇᕈᖅᑎᑕᐅᔪᓐᓇᖅᐳᑦ ᐅᕙᓂ www.dfo-mpo.gc.ca

 

ᐃᖃᓗᒃᑑᑦᓯᐊᕐᒥ ᐅᒥᐊᕐᒥ ᓇᑖᓂ ᐃᒐᓛᓕᒃᑯᑦ ᕿᒥᕐᕈᐊᕕᒃ ᐃᒪᕐᒥᐅᑕᓃᑦᑐᓂᒃ:
2012-ᒥ, ᕕᒃᑐᐊᕆᐊᐅᑉ ᓯᓚᑦᑐᖅᓴᕐᕕᒡᔪᐊᖓ (UVic) ᐆᓴᓐ ᓂᐊᑦᕗᒃᔅ ᑲᓇᑕᒃᑯᑦ (ONC) ᒥᑭᔪᐊᐃᖕᒥᒃ ᐃᓕᓯᓚᐅᖅᓯᒪᔪᑦ, ᐊᑦᓱᖏᐅᑎᓕᖕᒥᒃ ᐃᖃᓗᒃᑑᑦᓯᐊᕐᒥ ᐅᒥᐊᕐᒥ ᓇᑖᓂ ᐃᒐᓛᓕᒃᑯᑦ ᕿᒥᕐᕈᐊᕕᒃ ᐃᒪᕐᒥᐅᑕᓃᑦᑐᓂᒃ, ᓄᓇᕘᒥ ᑕᒡᕙᓃᑎᑕᐅᓛᖅᑐᖅ ᐅᑭᐅᓂᒃ ᑕᓪᓕᒪᓂᒃ. ᑖᓐᓇ ᑕᑯᔭᖅᑐᕐᕕᒃ ᐃᒪᕐᒥᐅᑕᓃᑦᑐᓂᒃ-ᐃᖃᓗᒃᑑᑦᓯᐊᕐᒥ, ᒥᑭᓂᖅᓴᐅᓂᖅᓴᒻᒪᕆᐅᔪᖅ -ᒥ, ᕕᒃᑐᐊᕆᐊᐅᑉ ᓯᓚᑦᑐᖅᓴᕐᕕᒡᔪᐊᖓᓃᑦᑐᒥᐅᖓᓂᒃ, ᑲᓇᑕᐅᑉ ᐅᑭᐅᖅᑕᖅᑐᖓᓂ ᑖᓐᓇ ᓯᕗᓪᓕᖅᐹᖑᔪᖅ ᑕᑯᒋᐊᖅᑐᒃᕕᒃ ᐃᖅᑳᓂᕐᒥᐅᑕᓂᒃ ᖃᖓᑐᐃᓐᓇᖅ ᐊᕐᕌᒍᓕᒫᖅ, ᖃᐅᔨᒋᐊᖅᑕᐅᖏᓐᓇᖃᑦᑕᕐᓂᐊᖅᑐᑦ ᐃᖅᑳᓂᕐᒥᐅᑕᑦ. ᓱᓇᑐᐃᓐᓇᐃᑦ ᖃᐅᔨᓴᖅᑕᐅᖃᑦᑕᖅᑐᑦ -ᐃᑲᔫᑕᐅᒋᐊᒃᑲᓐᓂᖁᓪᓗᒍ ᐃᓕᔭᐅᓯᒪᔪᖅ ᑐᑭᓯᐅᒪᕚᓪᓕᖅᑕᐅᔪᓐᓇᖁᓪᓗᒋᓪᓗ ᐅᑭᐅᖅᑕᖅᑑᑉ ᑕᕆᐅᖓᓃᑦᑐᑦ ᐊᑦᑕᓇᖅᑐᖅᑕᖃᐅᕐᓂᖓ ᓴᐳᒻᒥᔭᐅᓂᖃᕈᓐᓇᖁᓪᓗᒋᓪᓗ ᐃᖅᑳᓂᕐᒥᐅᑕᐃᑦ. ᐊᔾᔨᒌᖏᑦᑑᑏᑦ ᓯᕗᓪᓕᖅᐹᒥ ᖃᐅᔨᓴᒐᐅᕙᓪᓕᐊᔪᑦ ᑕᒡᕙᓂᐃᓕᔨᓴᐅᑕᐅᕙᓪᓕᐊᓪᓗᑎᒃ ᐃᖃᓗᒃᑑᑦᓯᐊᕐᒥᐅᓄᓪᓗ ᐊᑐᒐᐅᔪᓐᓇᖁᓪᓗᒍᓗ. www.oceannetworks.ca/installations.observatories/cambridge-bay

 

ᑲᓇᑕᒥ ᓯᑯᓕᕆᔨᓄᑦ ᐱᔨᑦᓯᕋᐅᑏᑦ:
ᑲᓇᑕᒥ ᓯᓚᓐᓂᐊᖅᑎᒃᑯᑦ ᑕᒪᓐᓇ ᐱᓕᕆᐊᕆᖃᑦᑕᖅᑕᖏᓐᓄᑦ ᐃᓚᒋᔭᖓ,  ᑲᓇᑕᒥ ᓯᑯᓕᕆᔨᓄᑦ ᐱᔨᑦᓯᕋᐅᑏᑦ ᑲᓇᑕᐅᑉ ᐃᒪᖁᑎᖏᓐᓃᑦᑐᓂᒃ  ᖃᐅᔨᒪᓛᖑᓪᓗᑎᒃ ᓯᑯᓕᕆᓂᕐᒥᑦ ᓯᕗᓕᖅᑎᐅᔪᑦ. ᓯᑯᓕᕆᓂᕐᒥᑦ ᐱᖃᓗᔭᓕᕆᓂᕐᒥᒡᓗ ᑐᓴᐅᒪᑎᑕᐅᔪᒪᔪᑦ ᑐᓴᐅᒪᑎᑦᓱᓐᓇᖅᑕᖏᑦ, ᖃᕆᑕᐅᔭᒃᑰᕈᓐᓇᐅᑎᖓᓗ ᓯᑯᓕᕆᓂᕐᒨᖓᔪᓂᒃ ᐱᖃᓗᔭᓕᕆᓂᕐᒨᖓᔪᓂᒡᓗ ᐱᑕᖃᐅᖅᑐᖅ ᑐᓴᒐᒃᓴᐅᑎᓂᒃ. www.ec.gc.ca/glaces-ice

 

ᑲᓇᑕᐅᑉ ᑕᕆᐅᓕᕆᔨᒃᑯᖏᑦ ᑐᓴᒐᒃᓴᐅᑎᒃᓴᖃᐅᑎᖃᕐᕕᖓ:
ᑖᓐᓇ  ᑲᓇᑕᐅᑉ ᓯᑯᓯᐅᓯᕆᔨᒃᑯᖏᓐᓄᑦ ᑲᒪᒋᔭᐅᔪᖅ ᐅᒥᐊᖅᑐᖅᑐᓄᑦ ᖃᕆᑕᐅᔭᖅᑎᒎᕈᓐᓇᐅᑎᖁᑎᖃᖅᑐᓄᑦ ᑐᓴᕆᐊᕐᕕᐅᔪᓐᓇᖅᑐᖅ ᓯᕕᑐᔪᒃᑯᑦ ᑕᕆᐅᒃᑯᑦ ᐃᖏᕐᕋᔪᖃᕐᓂᐊᕐᓂᕈᓂ, ᓯᓚᓐᓂᐊᕐᓂᖅ,ᐅᓕᓐᓂᐊᖅᑐᖅ,ᐃᖏᕐᕋᓂᖏᑦ ᐃᒪᐃᑦ, ᐊᑦᑕᓇᕈᔪᖕᓂᐊᖅᑐᑦ, ᑐᓴᐅᒪᔭᐅᔭᕆᐊᓖᑦ, ᓯᑯᓕᕆᓂᖅ, ᓄᓇᙳᐊᑦ ᐅᒥᐊᖅᑐᒃᓇᐅᓂᐊᕐᒪᖔᕐᓗ. www.marinfo.gc.ca

 

ᑲᓇᑕᒥ ᐃᖏᕐᕋᔪᓕᕆᔨᒃᑯᑦ ᒪᓕᒐᖓ ᖃᐅᔨᓴᕈᑕᐅᓂᖓ:
ᕕᕐᕈᐊᕆ 25, 2016, ᐃᖏᕐᕋᔪᓕᕆᔨᒃᑯᑦ ᒥᓂᔅᑕᖓᑦ ᑲᓇᑕᐅᑉ  ᒪᓕᒐᓕᐅᕐᕕᒡᔪᐊᖓᓂ ᑎᑎᕋᖅᓯᒪᔪᒥᑦ ᓴᖅᑭᖅᑎᑦᓯᓚᐅᖅᓯᒪᔪᖅ ᑲᓇᑕᒥ ᐃᖏᕐᕋᒧᓕᕆᓂᕐᒧᑦ ᒪᓕᒐᖅ (CTA) ᖃᐅᔨᓴᖅᑕᐅᓂᕕᓂᖓᓄᑦ ᐅᓂᒃᑳᓕᐊᕕᓂᕐᒥᒃ. ᖃᐅᔨᓴᕈᑕᐅᕙᓪᓕᐊᓂᖃᔪᔪᖅ ᔫᓐ, 2014ᖑᑎᓪᓗᒍ, ᖃᐅᔨᓴᕈᑕᐅᓂᖓ ᑭᒡᓕᓕᓚᐅᖅᓯᒪᔪᖅ ᑏᓯᒻᒥᕆ, 2015 ᓯᕗᒻᒧᑦ ᑕᐅᑐᒐᕆᔭᐅᓪᓗᓂ ᐅᑭᐅᓄᑦ ᐊᕙᑎᓄᑦ  20 ᐊᕙᑎᑦ ᖁᓕᓄᓪᓘᓐᓃᑦ  30 ᓇᓗᓇᐃᖅᓯᓯᓇᓱᐊᕈᑕᐅᓪᓗᓂ ᓯᕗᓪᓕᐅᔾᔭᐅᔭᕆᐊᖃᖅᑐᓂᒃ  ᐱᓕᕆᐊᕆᐅᔭᕆᐊᖃᑐᐃᓐᓇᕆᐊᖃᖅᑐᓂᒡᓗ ᐃᖏᕐᕋᔪᓕᕆᓂᕐᒧᖓᔪᑦ ᑲᓇᑕᐅᑉ ᐱᕙᓪᓕᐊᓂᖓᓄᑦ ᐃᑲᔫᑕᐅᑐᐃᓐᓇᕆᐊᖃᖅᑐᓂᒃ ᓯᕗᓂᒃᓴᑯᑖᒧᑦ. ᐊᒥᓱᓂᒃ ᐅᓂᒃᑳᓕᐊᖅ ᐃᓗᓕᖃᐅᖅᑐᖅ ᐊᑐᓕᖁᔭᐅᔪᓂᒡᓗ. ᑐᓴᒐᒃᓴᐅᑎᒃᓴᓕᐊᖅ ᑲᓇᑕᐅᑉ ᐃᖏᕐᕋᔪᓕᕆᔨᕐᔪᐊᒃᑯᑦ ᖃᕆᑕᐅᔭᖅᑎᒎᕈᓐᓇᐅᑎᖓᑦᑎᒍᑦ ᖃᕆᑕᐅᔭᒃᑯᑦ ᐅᖃᓕᒫᖅᑕᐅᔪᓐᓇᖅᓯᔪᖅ.

 

Fish-WIKS:
Fish-WIKS ᖃᐅᔨᓴᕐᓂᒃᑯᑦ ᖃᓪᓗᓈᑦ ᓄᓇᖃᖅᑳᖅᑐᓪᓗ ᖃᐅᔨᒪᔭᖏᓐᓂᒃ ᖃᓄᖅ ᐊᔾᔨᒌᖏᑦᑑᑎᒃᑯᑦ ᖃᐅᔨᒪᓕᖃᑦᑕᓲᖑᔪᑦ,  ᖃᐅᔨᒪᔭᐅᓕᖅᑐᕐᓗ  ᐊᓯᖏᓐᓄᑦ ᑐᓴᐅᒪᔭᐅᖃᑦᑕᓕᓲᕐᓗ ᐊᑐᖅᑕᐅᕙᒋᐊᖏᓐᓂᒡᓗ ᑲᓇᑕᒥ ᐃᖃᓗᓕᕆᔨᒃᑯᓐᓄᑦ ᐊᑐᖅᑕᐅᔪᓐᓇᕋᔭᕆᐊᖏᓐᓂᒃ ᖃᐅᔨᓴᕈᑕᐅᔪᖅ. ᑮᓇᐅᔭᖃᖅᑎᑕᐅᔪᑦ ᐃᓄᓕᕆᓂᕐᒥᑦ ᑭᓱᑐᐃᓐᓇᐃᑦ ᖃᐅᔨᓴᒐᐅᖃᑦᑕᖅᓂᖏᑦᑎᒍᑦ ᐃᓄᒐᓴᒡᔪᐊᓕᕆᓂᒃᑯᑎᒍᓪᓄ ᑲᑎᒪᔨᒃᑯᖏᑦᑎᒍᑦ, ᐊᔾᔨᒌᖕᓂᖏᑦ ᐊᔾᔨᒌᖏᓐᓂᖏᓐᓂᒡᓗ ᓇᒥᑐᐃᓐᓇᖅ ᐃᓄᖕᓄᑦ ᖃᐅᔨᒪᓂᖃᕐᓂᐅᔪᑦ ᖃᓪᓗᓈᓄᓪᓗ ᓇᒥᑐᐃᓐᓇᖅ ᑕᕆᐅᓖᑦ ᓯᓈᓂᕐᒥᐅᑦᑕᓄᑦ ᓄᓇᓕᒋᔭᐅᔪᓄᓪᓗ ᓄᓇᕕᖕᒦᑦᑐᓄᓪᓗ ᑲᓇᑕᒥ. ᕗᑎᔅ ᑲᓚᒻᐱᐊᒥᐅᑦ, ᓇᐅᔮᓂ, ᓂᐱᓯᖕᒥ, ᐃᐊᔅᑲᓲᓂᒥᓗ. ᐃᑲᔫᑕᐅᕚᓪᓕᕈᑕᐅᔪᓐᓇᖁᓪᓗᒍ ᐃᖃᓗ;ᓕᕆᓂᖅ ᐃᖃᓗᒃᓯᐅᕐᓂᕐᓗ ᓂᐅᕕᐊᒃᓴᐅᔪᓐᓇᕋᔭᖅᑐᓂᒃ. ᖃᕆᑕᐅᔭᖅᑎᒎᕈᓐᓇᐅᑎᖓᑦᑎᒍᑦ ᐅᖃᓕᒫᖅᑕᐅᔪᓐᓇᖅᑐᑦ ᑎᑎᕋᒪᔭᐅᓂᑯᐃᑦ. www.fishwiks.ca

 

ᑕᕆᐅᖅᐱᓯᖕᒥᐅᑕᓄᑦ ᖃᐅᔨᒪᔭᖃᕐᕕᒃ: 
ᓯᓚᕐᔪᐊᕐᒥᐅᓕᒫᓄᑦ ᐅᖃᓕᒫᒐᖃᕐᕕᒡᔪᐊᖓᓐᓄᑦ ᐱᒋᔭᐅᔪᖅ, ᑕᕆᐅᖅᐱᓯᖕᒥᐅᑕᓄᑦ ᖃᐅᔨᒪᔭᖃᕐᕕᒃ ᖃᐅᔨᒪᔭᒥᓂᒃ ᐊᒥᖅᑳᖃᑦᑕᖅᑐᑦ, ᐊᐅᓚᑦᓯᑦᓯᐊᕐᓂᖅ, ᐅᖃᓕᒫᒐᒃᓴᓂᒃ ᐊᒥᖅᑳᖅᑕᐅᔪᓄᓪᓗ ᐱᔨᑦᓯᕋᐅᑎᓂᒡᓗ. Tᐃᒪᕐᒥᐅᑕᓕᕆᓂᖅ ᑕᕿᐅᒥᐅᑕᓕᕆᓂᕐᒨᖓᔪᓂᒃ ᖃᓄᐃᑦᑐᑐᐃᓐᓇᑦᓯᐊᓂᒃ ᐃᑲᔫᑕᐅᕚᓪᓕᕈᑎᒃᓴᓂᒃ ᐊᒥᖅᑳᖃᑕᐅᖃᑦᑕᓲᑦ. ᑎᑎᕋᖅᑕᐅᓯᒪᔪᑐᖃᐃᑦᑕᐅᖅ ᑐᖅᖁᐃᕕᖓᓐᓃᑦᑐᖅᑕᖃᐅᕐᒥᔪᖅ ᐊᒻᒪᓗ ᓯᓚᕐᔪᐊᕐᒥᐅᖃᑎᒌᓄᑦ ᑕᕆᐅᓕᕆᔩᑦ ᑲᑎᒪᔨᖏᓐᓄᑦ ᐱᓕᕆᐊᕆᔭᐅᖃᑦᑕᖅᑐᓂᒃ ᐃᓚᖃᕆᓪᓗᓂᓗ. www.imo.org/en/knowedgecentre/pages/default.aspx

 

ᓄᓇᕘᒥ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐅᐸᒃᑕᕐᕕᒃ:
ᑖᓐᓇ ᓄᓇᕘᒥ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐅᐸᒃᑕᕐᕕᒃ ᓄᓇᕘᒥᐅᓄᑦ ᐃᑲᔫᑕᐅᕚᓪᓕᕈᑕᐅᔪᓐᓇᖁᓪᓗᒍ ᐅᑭᐅᖅᑕᖅᑐᒥ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂᒃ ᐃᓕᓴᕈᑕᐅᔪᓐᓇᖁᓪᓗᒍ, ᖃᓄᕐᓗ ᐃᓚᐅᖃᑕᐅᔪᓐᓇᕋᔭᕆᐊᖏᓐᓂᒃ ᐊᒻᒪᓗ ᐊᓯᔾᔨᖅᐸᓪᓕᐊᓂᖓᓄᑦ ᓱᖏᐅᑎᖃᑕᐅᔪᓐᓇᕋᔭᕆᐊᖏᓐᓂᒡᓗ. www.climatechangenunavut.ca

 

ᓄᓇᕘᒥ ᐅᖅᓱᕐᔪᐊᓕᕆᓂᕐᒥᑦ ᑲᑎᒪᔾᔪᑕᐅᓂᖓ:
ᑭᖑᓪᓖᑦᑐᖅ 2015ᒥ ᐅᓂᒃᑳᓕᐊᖅᕕᓂᖅ ᓄᓇᕘᒥ ᐅᖅᓱᕐᔪᐊᓕᕆᓂᕐᒥᑦ ᑲᑎᒪᔾᔪᑕᐅᓂᖓ ᑕᒪᓐᓇ ᐋᖅᑭᒃᓱᖅᑕᐅᓯᒪᔪᔪᖅ ᐲᑕ ᑯᕐᓪᒧᑦ ᖃᓪᓗᓈᑎᑐᑦ ᐅᐃᕕᑎᑐᓪᓗ ᐃᓄᒃᑎᑐᓪᓗ ᐃᓄᐃᓐᓇᖅᑐᑑᓕᖓᔪᓂᒡᓗ ᖃᕆᑕᐅᔭᖅᑎᒍᑦ ᐅᖃᓕᒪᒻᖅᑕᐅᔪᓐᓴᖅᑐᖅ. ᐅᓪᓗᓂᒃ ᐱᖓᓱᓂᒃ ᑲᑎᒪᔾᔪᑕᐅᓚᐅᖅᓯᒪᔪᖅ ᔮᓐᓄᐊᕆ2015ᖑᑎᓪᓗᖑ, ᐃᓄᒋᐊᖕᓂᖃᔪᔪᖅ 75 ᐊᖏᔫᑕᐅᓂᖅ-ᓴᓄᑦ ᐱᓕᕆᕝ(ᕕᖏᓐᓃᖔᖅᑐᓂᒃ, ᐱᔪᖕᓇᐅᑎᑖᖅᑎᑦ-ᓯᔨᓂᒡᓗ, ᑲᓇᑕᐅᑉ ᒐᕙᒪᒃᑯᖏᓐᓃᖔᖅᑐᓂᒡᓗ, ᒐᕙᒪᐅᖏᑦᑐᓃᖔᖅᑐᓂᒡᓗ, ᓄᓇᕗᑦ ᒐᕙᒪᑯᖏᓪᓗ, ᓄᓇᕘᒥᓗ ᓄᓇᓕᒋᔭᐅᓂᖔᖅᑐᓂᒡᓗ, ᒪᒃᑯᒃᑐᐃᓪᓗ ᐱᓕᕆᕝᕕᒋᔭᐅᔪᓪᓗ ᐊᐱᖅᑯᑕᐅᓯᒪᔪᒧᑦ ᑭᐅᒋᐊᖅᑐᖅᓯᒪᓪᓗᑎᒃ: “ᓄᓇᕗᑦ ᐅᖅᓱᕐᔪᐊᖅᑕᕐᓂᕐᒧᑦ ᒐᓴᓖᖅᑕᕐᓂᕐᒧᓪᓗ ᐸᕐᓇᓯᒪᕚ?” ᐅᖃᐅᓯᐅᒋᐊᖏᓐᓇᖃᑦᑕᖁᓪᓗᒍ ᑕᒪᓐᓇ ᐋᖅᑭᒃᑕᐅᓯᒪᔪᖅ, ᐅᖅᓱᕐᔪᐊᖅᑕᕐᓂᕐᒧᑦ ᐸᕐᓇᐅᑕᐅᓯᒪᔪᓐᓇᖁᓪᓗᒍ ᐅᖅᓱᕐᔪᐊᖅᑕᓕᕐᓂᖅᐸᑕ ᓄᓇᕘᒥ.

 

ᑐᑭᓯᐅᒪᓂᖅ ᐃᓚᐅᖅᓱᖅᓯᒪᔪᓂᒃ ᑕᕆᐅᒥ:
ᐃᓕᓴᐅᑏᑦ ᑎᑎᕋᖅᓯᒪᔪᑦ ᓯᑐᕆᐊᒧᑦ ᑎᑎᕋᖅᑕᕕᓃᑦ (ᐅᐃᕖᑦ ᓄᓈᕐᒥᐅᑦ) ᑲᓇᑕᐅᑉ ᐃᖏᕐᕋᔪᓕᕆᔨᕐᔪᐊᒃᑯᓄᓪᓗ, ᐅᑭᐅᓕᖕᓄᑦ 12 -ᓂᒃ 18 -ᒧᑦ ᐃᓕᓐᓂᐊᖅᑎᖏᓐᓄᓪᓗ ᐃᓄᖕᓄᓪᓗ ᑭᒃᑯᑐᐃᓐᓇᕐᓄᑦ ᑐᕌᖓᔪᖅ. www.chemical-polution.com