ᒪᓕᒐᓕᕆᓂᖅ ᐊᑐᐊᒐᐃᓪᓗ

ᑕᕆᐅᓕᕆᔨᒃᑯᓐᓄᑦ ᑕᐅᑐᒐᐅᓪᓚᕆᒃᑐᖅ ᐅᖃᓕᒫᕆᐊᖃᕐᓂᖏᓐᓂᒃ ᐊᑐᐊᒐᖅᑎᒎᖓᔪᓂᒃ, ᐱᖁᔭᖅᑎᒎᖓᔪᓂᒡᓗ. ᐸᕐᓇᐅᓯᐅᖃᑎᒌᖕᓂᖅ ᐊᒃᑐᐊᔾᔪᑎᓯᒪᓂᐊᖅᑐᓂᒃ, ᓯᕗᓂᒃᓴᒧᓪᓘᓐᓃᑦ ᐊᒃᑐᐊᔾᔪᑎᖃᑐᐃᓐᓇᕆᐊᖃᖅᑐᓂᒡᓘᓐᓃᑦ, ᑕᕆᐅᒦᑦᑐᓂᒃ-ᐱᐅᓂᖅᓴᓂᒡᓗ ᐱᑕᖃᕆᐊᖃᕐᓂᖓᓂᒃ. ᐱᑕᖃᕆᐊᖃᓕᕌᖓᑦ. ᒪᓕᒐᖅᑎᒎᖓᔪᓂᒃ ᐊᑐᐊᒐᕐᓂᒡᓗ ᓄᓇᕘᑉ ᑕᕆᐅᖓᓐᓅᖓᔪᓂᒃ ᐱᑕᖃᖅᑐᖅ ᓄᓇᕘᒥᐅᓄᑦ ᑐᓴᒐᒃᓴᖏᓐᓂᒃ.

 

ᐅᑭᐅᖅᑕᖅᑐᒥ ᐃᒪᖅᑕᓖᑦ ᐳᔪᕐᓗᖕᓂᒃ ᐊᒃᑕᑰᓂᒡᓗ ᓈᕕᕋᕐᕕᐅᑦᑕᐃᓕᒪᔭᕆᐊᖃᕐᓂᖓᓄᑦ ᒪᓕᒐᖅ (1985):
ᐅᑭᐅᖅᑕᖅᑐᒨᖓᔪᖅ ᒪᓕᒐᐃᑦ ᐃᓚᖓ ᐊᑐᕐᓂᖃᓪᓚᕆᒃᐹᖑᖃᑕᐅᔪᖅ,  ᐅᑭᐅᖅᑕᖅᑐᒥ ᐃᒪᖅᑕᓖᑦ ᐳᔪᕐᓗᖕᓂᒃ ᐊᒃᑕᑰᓂᒡᓗ ᓈᕕᕋᕐᕕᐅᑦᑕᐃᓕᒪᔭᕆᐊᖃᕐ-ᓂᖓᓄᑦ ᒪᓕᒐᖅ ᐱᕕᒃᓴᖃᖅᑎᖏᑦᑐᖅ ᑭᓇᑐᐃᓐᓇᖅ ᐅᒥᐊᕐᔪᐊᕐᒥᒡᓘᓐᓃᑦ ᐃᓕᐅᖃᐃᔭᕆᐊᖃᓪᓚᕆᙱᑦᑐᖅ ᐅᖃᐅᔾᔨᔭᕆᐊᖃᕋᓂᓗ ᐊᒃᑕᖅᑎᑦᓯᖁᔨᔭᕆᐊᖃᕋᓂᓗ ᖃᓄᐃᑦᑐᑐᐃᓐᓇᕐᓂᒃ ᐊᒃᑕᑰᓂᒃ ᓇᒧᑐᐃᓐᓇᕐᓘᓐᓃᑦ ᓄᓇᒧᑦ ᑲᓇᑕᐅᑉ ᐅᑭᐅᖅᑕᖅᑐᒥ ᕿᑭᖅᑕᖁᑎᖏᓐᓄᓪᓗ ᐅᑭᐅᖅᑕᖅᑑᑉ ᑕᕆᐅᖏᓐᓄᑦ ᐃᓚᖃᓯᐅᑎᑐᐃᓐᓇᕆᐊᖃᖅᑐᓂᒃ. ᐅᓇ ᒪᓕᒐᖅ ᑲᓇᑕᐅᑉ ᐃᖏᕐᕋᔪᓕᕆᔨᒃᑯᖏᓐᓄᑦ ᐊᐅᓚᑕᐅᔪᖅ, ᐃᓄᓕᕆᔨᑐᖃᒃᑯᓐᓄᓪᓗ, ᓄᓇᒥᐅᑕᓕᕆᔨᒃᑯᖏᓐᓄᓪᓗ.  
http://laws-lois.justice.gc.ca/eng/acts/A-12/

 

ᐅᒥᐊᕐᔪᐊᑦ ᐃᒃᑕᖅᑯᑎᖏᓐᓂᒃ ᐊᐅᓚᑦᓯᔾᔪᑕᐅᔪᖅ ᐱᖁᔭᖅ  (2011): 
ᐱᖁᔭᐃᑦ ᑲᓇᑕᒥ ᐊᒡᔭᖅᑐᐃᓂᐅᑉ ᒪᓕᒐᖓᖅᑕ ᐊᑖᓂ. ᐅᒥᐊᕐᔪᐊᑉ ᐃᒃᑕᖅᖁᑎᒃᓴᖓᓐᓂᒃ ᐃᒻᒥᖅᑐᖅᑕᐅᔪᖅᑕᖃᕈᓂ ᑲᓇᑕᐅᑉ ᐃᒪᖁᑎᒋᙱᑕᖓᓐᓂᒃ ᐊᐅᓚᑕᐅᓕᖃᕆᐊᖃᖅᑐᖅ ᐅᑯᐊ ᐱᔾᔪᑎᒋᓪᓗᒋᑦ (ᐃ) ᐃᒪᕐᒥᐅᑕᓛᑦ ᖁᐱᕐᕈᐃᖅ ᐃᓚᓯᐅᑎᓇᔭᙳᐊᖅᑐᑦ ᐃᒃᑕᖁᑎᒧᑦ ᐃᓚᓯᐅᑎᓯᒪᔪᑦ ᑲᓇᑕᐅᑉ ᐃᒪᖁᑎᖏᓐᓄᑦ ᐃᓚᓯᐅᑎᑕᐅᑦᑕᐃᓕᒪᔭᕆᐊᖃᖅᑐᑦ; (ᐅ) ᓄᖑᑎᖅᑕᖑᐅᔭᕆᐊᖃᖅᑐᑦ ᓱᐊᕈᓰᑦ ᖁᐱᕐᕈᐃᑦ  ᐅᒥᐊᕐᔪᐊᑉ ᐃᒃᑕᖅᖁᑎᒃᓴᖓᓐᓃᑦᑐᑦ.  
http://laws-lois.justice.gc.ca/eng/regulations/SOR-2011-237/FullText.html

 

ᑲᓇᑕᐅᑉ ᑕᕆᐅᒥ ᓴᐳᔾᔨᕕᐅᓯᒪᕕᖏᓐᓄᑦ ᒪᓕᒐᖅ (2002): 
ᑲᓇᑕᐅᑉ ᑕᕆᐅᒥ ᓴᐳᔾᔨᕕᐅᓯᒪᕕᖏᓐᓄᑦ ᑲᓇᑕᐅᑉ ᒥᙳᐃᖅᓯᕐᕕᓕᕆᔨᒃᑯᖏᓐᓄᑦ ᐊᐅᓚᑕᐅᓯᒪᔪᖅ ᐅᓪᓗᒥᒧᑦ ᓯᕗᓂᒃᓴᒧᓪᓗ ᐊᑐᓗᐊᖅᑕᐃᓕᒪᓂᖅ ᐃᓱᒪᒋᔭᐅᓪᓗᓂ. ᒪᓕᒐᖅᑎᒍᑦ ᐃᓚᖃᓯᐅᔾᔭᐅᓯᒪᔪᑦ ᑕᕆᐅᑉ ᓄᓇ, ᓇᑎᖓ,  ᐃᒪᕐᓗ ᐆᒪᔪᓪᓗ ᒪᓴᕈᔪᐃᑦ, ᑰᑉ ᐹᖓᓂ ᐃᒪᐃᑦ ᐃᓚᓯᐅᑎᕙᓪᓕᐊᔪᑦ ᑕᕆᐅᒧᑦ, ᕿᑭᖅᑕᐃᑦ ᐊᓯᖏᓪᓗ ᓄᓇᐃᑦ ᓯᓛᓃᑦᑐᓪᓗ. ᐃᓄᐃᑦ ᓱᓕᐊᖅᑕᕐᓂᖏᑦ, ᐃᖃᓗᒃᓯᐅᕐᓂᖅ ᓂᐅᕕᐊᒃᓴᐅᓂᐊᖅᑐᓂᒃ, ᑕᕆᐅᒃᑯᓪᓗ ᐃᖏᕐᕋᔾᑏᑦ ᐊᓯᖏᓪᓗᐳᓚᕋᖅᑐᓕᕆᓂᖅ ᐆᒃᑑᑎᒋᓗᒍ ᑲᓇᑕᐅᑉ ᑕᕆᐅᖏᓐᓃᑦᑐᑦ, ᐃᓱᒪᒋᓗᐊᕐᓗᒍ ᐊᑐᑦᓯᐊᕐᓂᖅ. ᒫᓐᓇ, ᑲᓇᑕᐅᑉ ᑕᕆᐅᒥ ᓴᐳᔾᔨᕕᐅᓯᒪᕕᒃᓴᓕᐅᕈᒪᔪᑦ ᑕᓪᓗᕈᑎᐅᑉ ᐃᒪᖓᓐᓂ ᐃᓱᒪᒃᓴᖅᓯᐅᕈᑕᐅᕙᓪᓕᐊᔪᖅ. 
http://laws-lois.justice.gc.ca/eng/acts/c-7.3/index.html

 

ᑲᓇᑕᒥ ᐊᒡᔭᖅᑐᐃᓂᕐᒥᑦ ᒪᓕᒐᖅ  (2001):
ᑲᓇᑕᒥ ᐊᒡᔭᖅᑐᐃᓂᕐᒥᑦ ᒪᓕᒐᓕᐊᖑᓯᒪᔪᖅ ᑲᓇᑕᐅᑉ ᐅᓯᐊᕐᔪᐊᒃᑯᑦ ᐊᒡᔭᖅᑐᐃᓂᐊᕐᓂᖅ ᓇᒧᑐᐃᓐᓇᖅ ᐊᒻᒪᓗ ᑕᕆᐅᑉ ᐊᑭᐊᓃᖔᖅᑐᓂᒡᓗ. ᐊᑎᓕᐅᖅᓯᒪᔭᕆᐊᖃᖅᑐᑦ, ᐋᓐᓂᖅᑕᐃᓕᒪᔾᔪᑎᖃᕆᐊᖃᖅᑐᑦ ᐊᒃᑕᑰᓕᕆᓂᕐᒥᒡᓗ ᐳᔪᕐᓗᖕᓂᒡᓗ ᐊᒃᑕᖅᑕᐃᓕᒪᔭᕆᐊᖃᕐᓂᖏᓐᓂᒃ ᐊᓯᖏᓐᓂᒡᓗ. ᐅᓇ ᒪᓕᒐᖅ ᐊᐅᓚᑕᐅᔪᖅ ᑲᓇᑕᐅᑉ ᐃᖏᕐᕋᔪᓕᕆᔨᒃᑯᖏᓐᓄᑦ ᐃᒪᕐᒥᐅᑕᓕᕆᔨᒃᑯᖏᓐᓄᓪᓗ. 
http://laws-lois.justice.gc.ca/eng/acts/C-10.15/

 

ᑲᓇᑕᐅᑉ ᐊᕙᑎᖓᑦᑕ ᓴᐳᒻᒥᔭᐅᓯᒪᔭᕆᐊᖃᕐᓂᖓᓂᒃ ᒪᓕᒐᖅ (1999): 
ᑲᓇᑕᐅᑉ ᐊᕙᑎᖓᑦᑕ ᓴᐳᒻᒥᔭᐅᓯᒪᔭᕆᐊᖃᕐᓂᖓᓂᒃ ᒪᓕᒐᖅ ᐊᒃᑐᑰᑦ ᐳᔪᕐᓗᐃᓪᓗ ᓯᐊᒪᒃᑎᑕᐅᔭᕆᐊᖃᙱᓐᓂᖏᓐᓄᑦ ᐊᒃᑕᖅᑕᐅᔭᕆᐊᖃᙱᓐᓂᖏᓐᓄᓪᓗ ᐊᒻᒪᓗ ᐊᕙᑎᐅᑉ ᐃᓄᐃᓪᓗ ᓴᐳᒻᒥᔭᐅᓯᒪᓂᖃᖃᑦᑕᕈᓐᓇᖁᓪᓗᒋᑦ ᐃᔫᑕᐅᔪᓐᓇᖁᓪᓗᒍᓗ ᐱᕙᓪᓕᐊᑎᑦᓯᓂᖅ. ᑲᒪᒋᔭᐅᔪᖅ ᐊᐅᓚᐅᑕᐅᔪᖅ ᑲᓇᑕᐅᑉ ᐊᕙᑎᓕᕆᔨᒃᑯᖏᓐᓄᑦ ᓯᓚᐅᑉ ᐊᓯᔾᔨᖅᐸᓪᓕᐊᔪᓕᕆᔨᒃᑯᖏᓐᓄᓪᓗ ᑲᓇᑕᒥ.
http://laws-lois.justice.gc.ca/eng/acts/c-15.31/

 

ᐃᖃᓗᓕᕆᓂᖅᒧᑦ ᒪᓕᒐᖅ (1985):
ᐃᖃᓗᓕᕆᓂᕐᒥᑦ ᒪᓕᒐᖅ ᑲᓇᑕᐅᑉ ᒪᓕᒐᖁᑎᒋᔭᖓ ᐃᖃᓗᓕᕆᓂᖅ ᐱᔾᔪᑎᒋᓪᓗᒍ. ᑲᒪᒋᔭᐅᔪᖅ ᐊᐅᓚᐅᑕᐅᔪᖅ ᑲᓇᑕᐅᑉ ᐃᖃᓗᓕᕆᔨᒃᑯᑦ ᑕᕆᐅᓕᕆᔨᒃᑯᓪᓗ ᐊᒻᒪᓗ ᐊᕙᑎᓕᕆᔨᒃᑯᖏᓐᓄᑦ ᓯᓚᐅᑉ ᐊᓯᔾᔨᖅᐸᓪᓕᐊᔪᓕᕆᔨᒃᑯᖏᓐᓄᓪᓗ ᑲᓇᑕᒥ. ᐊᐅᓚᑕᐅᓂᖃᑦᓯᐊᖃᕈᓐᓇᖁᓪᓗᒍ ᐃᖃᓗᓕᕆᓂᖅ, ᓴᐳᒻᒥᔭᐅᒥᓂᖃᕈᓐᓇᖁᓪᓗᒋᓪᓗ  ᐊᑐᖅᑕᐅᑦᓯᐊᕈᓐᓇᖁᓪᓗᒋᓪᓗ ᓄᖑᑎᖅᑕᐅᑦᑕᐃᓕᒪᓗᑎᒃ ᐃᖃᓗᐃᑦ ᐃᖃᓗᒃᑕᓖᓪᓗ ᐊᒃᑕᑰᓪᓗ ᐳᔪᕐᓗᐃᓪᓗ ᓴᕿᐊᑎᑕᐅᑦᑕᐃᓕᒪᔭᕆᐊᖃᕐᓂᖏᓐᓂᒃ. 
http://laws-lois.justice.gc.ca/eng/acts/F-14/

 

ᑕᕆᐅᒥ ᐳᐃᔩᑦ ᒪᓕᒐᐅᑉ ᐃᓚᖏᑦ:
ᑕᕆᐅᒥ ᐳᐃᔩᑦ ᒪᓕᒐᐅᑉ ᐃᓚᖓᓐᓃᑦᑐᑦ ᐃᖃᓗᓕᕆᓂᕐᒥᑦ ᒪᓕᒐᖅᑎᒍᑦ ᐋᖅᑭᒃᑕᐅᓯᒪᔪᑦ ᐊᐅᓚᑦᓯᓂᕐᒥᑦ ᑕᐃᐅᓯ ᐳᐃᔨᓂᒃ ᑲᓇᑕᒥᓗ ᐃᓚᖏᓐᓂᒃ ᐱᓕᕆᐊᕆᔭᐅᕙᒃᑐᓄᓪᓗ. 
http://laws-lois.justice.gc.ca/eng/regulations/SOR-93-56/index.html

 

ᐃᖏᕐᕋᕕᐅᖃᑦᑕᖅᑐᑦ ᓴᐳᔾᔭᐅᓯᒪᔭᕆᐊᖃᕐᓂᖏᓐᓂᒃ ᒪᓕᒐᖅ (1985):
ᓴᓇᕕᐅᔭᕆᐊᖃᙱᑦᑐᑦ, ᐃᓕᐅᕋᐃᕕᐅᔭᕆᐊᖃᕋᑎᒡᓗ, ᐊᓯᔾᔨᖅᑐᐃᕕᐅᔭᕆᐊᖃᕋᑎᒡᓗ, ᓴᓇᒋᐊᕐᕕᐅᒋᐊᒃᑲᓐᓂᕆᐊᖃᕋᓂᓗ, ᓄᑕᐅᒋᐊᖃᕋᑎᒡᓗ ᐃᑐᑦᑎᕐᕕᐅᔭᕆᐊᖃᕋᑎᒡᓗ ᐱᓕᕆᐊᕆᔭᐅᔪᑦ ᐃᓗᐊᓂ, ᖄᖓᓂ, ᖁᓛᒍᑦ, ᐊᑖᒍᑦ ᐃᓗᐊᒍᑦ ᐊᑭᓂᓘᓐᓃᑦᑕ ᐃᖏᕐᕋᕕᐅᖃᑦᑕᖅᑐᑦ ᐃᒪᖅᑕᓖᑦ ᒪᓕᒐᐅᑉ ᐃᓗᐊᓂ ᑎᑎᕋᖅᓯᒪᔪᓂ, ᑭᓯᐊᓂ ᒪᓕᒡᓗᒍ ᐅᓇ ᒪᓕᒐᖅ ᑲᓇᑕᐅᑉ ᐊᓯᖏᓐᓃᑦᑐᓂᒃ ᒪᓕᒐᖏᓐᓃᑦᑐᑦ. ᐅᑭᐅᖅᑕᖅᑑᑉ ᑕᕆᐅᕐᔪᐊᖓ ᐊᒻᒪᓗ ᖃᒪᓂᑦᑐᐊᑉ ᑕᓯᖓᓗ ᐃᓚᖃᓯᐅᔾᔭᐅᓯᒪᔫᒃ ᑕᒡᕙᓂ ᐃᖏᕐᕋᕕᐅᖃᑦᑕᖅᑐᑦ ᓴᐳᔾᔭᐅᓯᒪᔭᕆᐊᖃᕐᓂᖏᓐᓂᒃ ᒪᓕᒐᕐᒥ. ᑲᓇᑕᐅᑉ ᐃᖏᕐᕋᔪᓕᕆᔨᖏᑦᑎᒍᑦ ᐊᐅᓚᑕᐅᔪᖅ ᒪᓕᒐᖅ. 
http://laws-lois.justice.gc.ca/eng/acts/N-22/

 

ᑕᕆᐅᑦ ᒪᓕᒐᖅ (1996):
ᑕᕆᐅᑦ ᒪᓕᒐᖅ ᐊᑐᖅᑐᖅ ᑲᓇᑕᐅᑉ ᑕᕆᐅᖏᓐᓄᑦ ᑕᕆᐅᖃᕐᕕᐅᔪᓪᓗ ᑲᓇᑕᒥᐅᓄᓪᓗ ᑕᕆᐅᑉ ᐊᐅᓚᑕᐅᓂᖏᑦ ᐱᓕᕆᐊᕆᔭᐅᔭᕆᐊᖃᖅᑐᖅ ᐋᖅᑭᒃᑕᐅᓂᖓ ᐊᑐᓕᖅᑎᑕᐅᓂᖓᓄᓪᓗ ᐃᖃᓗᓕᕆᔨᒃᑯᑦᑎᒎᓇ ᐃᒪᕐᒥᐅᑕᓕᕆᔨᒃᑯᑎᒎᓇᓗ ᐊᓯᖏᓐᓄᑦ ᑎᒥᒋᔭᐅᔪᑦ ᐃᑲᔪᖃᑎᒌᒡᓗᑎᒃ. 
http://laws-lois.justice.gc.ca/eng/acts/O-2.4/

 

ᐅᑭᐅᖅᑕᖅᑑᖕᓄᑦ ᐊᑐᐊᒐᖅ:
ᐅᑭᐅᖅᑕᕐᑑᖕᓄᑦ ᒪᓕᒐᖅ ᓄᓇᕐᔪᐊᕐᒥᐅᖃᑎᒌᒃᑐᓄᑦ ᒪᓕᒐᒃᓴᓕᐊᖑᓯᒪᔪᖅ ᑖᒃᑯᐊ ᐅᑭᐅᖅᑕᖅᑐᖅᑕᓖᒃ ᓴᐳᒻᒥᔭᐅᓯᒪᓂᖃᕈᓐᓇᖁᓪᓗᒃ- ᐅᑭᐅᖅᑕᖅᑐᖅ ᐅᐊᖕᓇᖓᓃᑦᑐᖅ ᐅᑭᐅᖅᑕᖅᑐᕐᓗ ᓂᒋᐊᓃᑦᑐᖅ —ᑕᕆᐅᒦᑦᑐᑦ ᐊᑦᑕᓇᖅᕈᑕᐅᓕ-ᐃᓐᓇᕆᐊᖃᕐᑐᓄᑦ.  ᑖᓐᓇ ᒪᓕᒐᖅ ᓴᓇᔭᐅᓯᒪᓂᖓᑕ ᑎᑎᖅᑐᒐᒃᑯᑦ, ᓴᓇᔭᐅᓂᖓ, ᐱᖁᑏᑦ ᐊᖏᔫᑏᑦ, ᐊᐅᓚᑦᓯᔾᔪᑏᑦ, ᐃᓕᓐᓂᐊᒐᒃᓴᓄᑦ, ᐸᖅᓴᐃᓂᖅ ᐊᒻᒪᓗ ᐊᕙᑎᐅᑉ ᓴᐳᒻᒥᔭᐅᓯᒪᔭᕆᐊᖃᕐᓂᖓᓄᑦ ᐅᒥᐊᕐᔪᐊᓄᑦ ᐃᖏᕐᕋᕕᐅᖃᑦᑕᖅᑐᑦ ᐃᒪᒃᑯᑦ ᑕᒪᒃᑮᖕᓂ ᑲᔾᔨᖏᑦᑎᒍᑦ. ᒪᓕᒐᖅᑎᒍᑦ, ᐅᒥᐊᕐᔪᐊᑦ ᐅᑭᐅᖅᑕᖅᑐᒃᑰᖃᑦᑕᕐᓂᐊᖅᑐᑦ ᐅᑭᐅᖅᑕᖅᑐᒃᑰᕐᓂᖅ ᐅᖃᓕᒫᒐᕐᒥᑦ ᐱᓯᒪᐃᓐᓇᕆᐊᖃᖅ-ᑐᑦ ᑐᓴᒐᒃᓴᐅᑎᒃᓴᖃᐅᑦᓯᐊᖅᑐᖅ ᐅᒥᐊᕐᔪᐊᓂᒃ ᐊᖁᑎᓄᑦ  ᐊᒻᒪᓗ ᐱᓕᕆᐊᕆᔭᐅᔪᓐᓇᔾᔮᖏᑦᑐᓂᒡᓗ ᐃᓱᒪᒃᓴᖅᓯᐅᕈᑎᖃᕆᐊᖃᕐᓂᕈᑎᒃ. ᐅᖃᐅᓯᐅᑦᓯᐊᖅᑐᑦ ᑐᕌᕐᕕᐅᔭᕆᐊᓖᑦ, ᐊᓯᖏᓐᓂᒡᓗ.
http://www.imo.org/en/MediaCentre/HotTopics/polar/Documents/POLAR%20CODE%20TEXT%20AS%20ADOPTED.pdf

 

ᐊᒡᔭᖅᑐᐃᓂᖅ ᐊᑦᑕᓇᖅᑐᖅᑕᖃᖅᑐᓂᒃ ᒪᓕᒐ (1992):
ᑖᓐᓇ ᒪᓕᒐᓕᐊᖑᓯᒪᔪᖅ ᐊᑦᑕᓇᖅᑐᖅᑕᓕᖕᓂᒃ ᐊᒡᔭᖅᑐᐃᓂᐊᕐᓂᕐᒥᑦ ᑕᐃᒫᑦᓯᐊᖅ ᑎᑎᕋᖅᓯᒪᔪᖅ, ᐋᓐᓂᖅᑕᐃᓕᒪᔭᕆᐊᖃᕐᓂᒃᑯᑦ ᑲᒪᓱᑦᓯᐊᕐᓂᕐᒥᒡᓗ ᐊᒡᔭᖅᑐᐃᔪᖅᑕᖃᕆᐊᖃᕐᓂᕈᓂ ᐊᑦᑕᓇᖅᑐᖅᑕᖃᖅᑐᓂᒃ ᐊᕙᑎᒧᐊᖃᖅᑐᖃᑐᐃᓐᓇᕆᐊᖃᕐᓂᖓᓂᒡᓗ. ᐃᖏᕐᕋᔪᓕᕆᔨᒃᑯᓐᓄᑦ ᐊᐅᓚᑕᐅᔪᖅ ᒪᓕᒐᖅ, ᐊᑦᑕᓇᕈᑕᐅᓕᑐᐃᓐᓇᕆᐅᖃᖅᑐᑦ, ᐋᓐᓂᖅᑕᐃᓕᒪᑎᑦᓯᔭᕿᐊᖃᕐᓂᕐᒥᒡᓗ ᐊᑐᐊᒐᖅᑕᖃᐅᖅᑐᖅ, ᖃᐅᔨᒪᔭᐅᑦᓯᐊᕆᐊᖃᖅᑐᓪᓗ ᖃᐅᔨᒪᔨᓪᓗ ᐅᖃᖅᓯᒪᔪᑦ (ᑲᓇᑕᐅᑉ ᐃᖏᕐᕋᔪᓕᕆᔨᒃᑯᑦ ᑐᐊᕕᕐᓇᖅᑐᓕᕆᔨᒃᑯᖏᑦᑎᒍᑦ) ᐅᓗᕆᐊᓇᖅᑐᖅᑕᓖᑦ ᐱᑲᒻᒪᒍᑕᐅᔪᖅᑕᖃᕐᓂᕈᓂ ᐃᓄᐃᑦ ᐋᓐᓂᖅᑕᐃᓕᒪᔭᕆᐊᖃᒋᓐᓂᖏᓐᓄᑦ ᓴᖅᑭᔮᖅᑎᑕᐅᒋᐊᒃᑲᓐᓂᕆᐊᖃᕐᓂᖏᓐᓂᒃ ᓇᒥᑐᐃᓐᓇᖅ ᑲᓇᑕᒥ. 
http://laws-lois.justice.gc.ca/eng/acts/T-19.01/