ᐊᑦᑕᑎᖏᑦ

ᐊᓯᖏᓐᓄᑦ ᖃᕆᑕᐅᔭᖅᑎᒍᑦ ᐊᑦᑕᑎᓯᒪᐅᖅᑐᑦ ᑕᕆᐅᓕᕆᓂᕐᒨᖓᔪᑦ ᐅᑭᐅᖅᑕᖅᑐᒨᖓᓐᕝᓪᓘᓐᓃᑦ ᐱᓇᓱᐊᒐᕆᔭᐅᔪᒪᔪᑦ ᑐᓴᕈᒥᓇᖅᑐᖅᑕᖃᐅᖅᑐᖅ ᓄᓇᕘᒥ ᑕᕆᐅᓕᕆᔩᑦ ᑲᑎᒪᔩᓄᑦ ᑕᑯᒋᐊᖅᑕᐅᔪᓐᓇᖅᑐᑦ:

 

  • ᐃᓄᐃᑦ ᑕᐱᕇᑦ ᑲᓇᑕᒥ (ITK) :ᑭᒡᒐᖅᑐᐃᔨᐅᕗᑦ ᑲᑐᔾᔨᖃᑎᒌᑦ ᓴᐳᔾᔨᓯᒪᓂᕐᒥᒃ ᐊᒻᒪ ᓯᕗᒧᑦ ᐱᒋᐊᖅᑎᑦᑎᓇᓱᒃᓂᕐᒥᑦ ᐱᔪᓐᓇᐅᑎᖏᓐᓂᒃ ᐊᒻᒪ ᐱᔪᒪᔭᖏᓐᓂᒃ ᐃᓄᐃᑦ ᑲᓇᒦᑦᑐᓂᒃ. https://itk.ca/

 

  • ᑲᓇᑕᒥ ᖃᐅᔨᓴᖅᑐᓕᕆᔨᒃᑯᑦ ᑲᑎᒪᔨᖏᑦ – ᐅᑭᐅᖅᑕᖅᑐᒥ ᐱᓕᕆᐊᖑᔪᖅ: ᑲᓇᑕᒥ ᖃᐅᔨᓴᖅᑐᓕᕆᔨᒃᑯᑦ ᑲᑎᒪᔨᖏᑦ (NRC) ᑲᓇᑕᐅᑉ ᒐᕙᒪᖓᑕ ᖃᐅᔨᓴᖅᑎᕐᔪᐊᖁᑎᒋᔭᖏᑦ ᐃᑲᔪᖅᓱᖅᑐᑦ ᓴᓇᔪᓕᕆᓂᕐᒨᖓᔪᓂᒃ ᓄᑖᙳᖅᑎᕆᓂᕐᒥᑦ, ᐊᓪᓕᕆᐊᓂᕐᒥᑦ ᖃᐅᔨᒪᓂᖃᕐᓂᕐᒥᑦ ᖃᕆᑕᐅᔭᓕᕆᔾᔪᑎᓂᓪᓗ, ᑲᔪᓯᑎᑦᓯᓂᕐᒥᓪᓗ ᒐᕙᒪᐅᑉ ᐱᓇᓱᐊᖅᑕᒥᓂᒃ. ᑲᓇᑕᒥ ᖃᐅᔨᓴᖅᑐᓕᕆᔨᒃᑯᑦ ᑲᑎᒪᔨᖏᑦ ᐅᑭᐅᖅᑕᖅᑐᒥ ᐱᓕᕆᐊᖑᔪᖅ ᐋᖅᑭᒃᓱᐃᕗᖅ ᖃᕆᑕᐅᔭᓕᕆᔾᔪᑎᓂᒃ ᐱᑕᖃᖅᑎᑦᓰᓐᓇᓂᕐᒧᑦ ᐊᒃᑐᐊᓗᐊᖅᑕᐃᓕᑎᑦᓯᓂᕐᒥᓪᓗ ᐅᑭᐅᖅᑕᖅᑑᑉ ᐱᕙᓪᓕᐊᓂᕆᔭᖓᓂ ᐊᒻᒪᓗ ᐃᓅᓯᕆᔭᐅᔪᑦ ᐅᑭᐅᖅᑕᖅᑐᒥ ᐱᐅᓯᕚᓪᓕᖅᑎᑕᐅᓗᑎ ᐃᑲᔫᑎᖃᑦᓯᐊᖅᑐᓂ ᑐᕌᖓᑦᓯᐊᖅᑐᓂᓪᓗ ᒪᑭᒪᔾᔪᑎᑦᓴᒃᑯᑦ. www.nrc-cnrc.gc.ca

 

  • ᑭᓕᐅᕐ ᓰᔅ ᑐᑦᑕᕐᕕᖓ ᑲᒪᒋᔭᖃᑦᓯᐊᕐᓂᒃᑯᑦ ᐅᒥᐊᕐᔪᐊᒃᑯᑦ ᐅᓯᑲᖅᑕᖅᑐᓕᕆᓂᕐᒥᑦ: ᑭᓕᐅᕐ ᓰᔅ ᑐᑦᑕᕐᕕᖓ ᑲᒪᒋᔭᖃᑦᓯᐊᕐᓂᒃᑯᑦ ᐅᒥᐊᕐᔪᐊᒃᑯᑦ ᐅᓯᑲᖅᑕᖅᑐᓕᕆᓂᕐᒥᑦ ᐃᒻᒥᒃᑰᖓᔪᑦ ᖃᐅᔨᓴᕐᕕᐅᓪᓗᓂ ᓴᖅᑭᔮᖅᑎᑦᓯᓇᓱᐊᖅᑐᑦ ᐊᑦᑕᕐᓇᙱᑦᑐᒥᑦ ᐱᑕᖃᐃᓐᓇᕈᓐᓇᖅᑐᒥᓪᓗ ᐅᒥᐊᕐᔪᐊᒃᑯᑦ ᐅᓯᑲᖅᑕᖅᑐᓕᕆᓂᕐᒥᑦ ᑲᓇᑕᒥ. http://clearseas.org/

 

  • ᐅᑭᐅᖅᑕᖅᑐᒃᑯᑦ ᐅᒥᐊᕐᔪᐊᒃᑯᑦ ᐳᓚᕋᖅᑎᓂᒃ ᐅᓯᖃᑦᑕᖅᑐᑦ: 2003ᒥ ᐱᒋᐊᕐᓂᖃᔪᔪᑦ, AECO ᐅᑭᐅᖅᑕᖅᑐᒥ ᐅᒥᐊᕐᔪᐊᓂᒃ ᐊᖁᑎᒋᔭᐅᖃᑦᑕᖅᑐᓄᑦ ᐃᓱᒫᓗᑕᐅᖃᑦᑕᖅᑐᑦ ᐃᓱᒪᒋᔭᐅᖃᑦᑕᖅᑐᓪᓗ ᑭᒡᒐᖅᑐᐃᔨᒋᔭᐅᔪᑦ. AECO-ᑯᑦ ᑕᐃᒫᑦᓯᐊᖅ ᐊᐅᓚᑦᓯᔪᒪᔪᑦ, ᐊᕙᑎᒥᐅᑕᕐᓃᑦᑐᑦ ᐃᓱᒪᒋᖃᓯᐅᑎᖃᑦᑕᕐᓗᒋᓪᓗ ᐳᓚᕋᖅᑐᓕᕆᓂᕐᓗ ᐋᓐᓂᐊᖅᑕᐃᓕᒪᑎᑦᓯᓂᒃᑯᓪᓗ ᐅᑭᐅᖅᑕᖅᑐᒥ ᐊᑲᐅᓂᖅᐹᒃᑯᑦ ᐃᓱᐊᕐᓂᖅᐹᒃᑯᓐᓄ ᐃᓱᒪᒋᖃᓯᐅᑎᖕᒥᓗᒋᑦ. AECO ᖃᕆᑕᐅᔭᖅᑎᒎᕈᓐᓇᐅᑎᖓᑦᑎᒍᑦ ᐅᖃᓕᒫᖅᑕᐅᔪᓐᓇᖅᑐᖅ ᐳᓚᕋᖅᑎᓄᑦ ᒪᓕᒐᐅᔪᓐᓇᖅᑐᑦ, ᐅᒥᐊᕐᔪᐊᓕᕆᔨᓄᓪᓗ ᐊᐅᓚᑦᓯᔾᔪᑎᓄᑦ ᐱᑕᖃᕆᓪᓗᓂᓗ. www.aeco.no   

 

  • ᑕᓯᐅᔭᐅᑉ ᑲᑐᔾᔨᖃᑎᒌᖏᑦ: ᑕᓯᐅᔭᐅᑉ ᓄᓇᕕᖕᒥ ᑕᕆᐅᓕᕆᓂᕐᒥᑦ ᐱᓇᓱᐊᒐᖅ ᐃᑲᔪᖅᑎᒌᖃᑎᖃᖅᖢᑎᒃ ᓄᓇᕘᑦ ᑕᓯᐅᔭᐅᑉ ᑲᑐᔾᔨᖃᑎᒌᒋᔭᐅᔪᓂᒡᓗ ᐊᒻᒪᓗ ᐅᑭᐅᖅᑕᖅᑐᒥ ᒥᑎᖅ ᑲᑐᔾᔨᖃᑎᒌᒃᑯᖏᓐᓂᒡᓗ ᐃᓚᐅᖁᔨᕙᓪᓕᐊᕗᑦ ᒐᕙᒪᒃᑯᓐᓂᒃ, ᑎᒥᒋᔭᐅᔪᓂᒡᓗ ᑕᓱᔾᔨᖃᑎᒌᖕᓂᐊᖁᓪᓗᒋᑦ ᖃᐅᔨᓴᖃᑦᑕᕐᓂᖅ ᐊᕙᑎᓕᕆᑦᓯᐊᕐᓂᕐᒥᒡᓗ ᑕᓯᐅᔭᕐᒥ, ᐆᒃᑑᑎᒋᓗᒋᑦ ᑖᒃᑯᐊ ᑕᓯᐅᔭᐅᑉ ᑲᑐᔾᔨᖃᑎᒌᖏᑦ www.hudsonbayconsortium.com 

 

  • ᓄᓇᕘᒥ ᐃᖃᓗᓕᕆᓂᕐᒥᑦ ᐃᓕᓐᓂᐊᖅᑎᑦᓯᓂᕐᒥᑦ ᑲᑐᔾᔨᖃᑎᒌᖏᑦ: 2005-ᖑᑎᓪᓗᒍ ᑖᒃᑯᐊ ᑮᓇᐅᔾᔭᖅᓴᖃᑦᑕᖏᑦᑐᑦ ᑲᑐᔾᔨᖃᑎᒌᒋᔭᐅᔪᖅ ᓄᓇᕘᖅᑕᖃᑕᐅᓯᒪᔪᑦ ᐃᖃᓗᓕᕆᓂᕐᒥᑦ ᐃᓕᓐᓂᐊᖅᑎᑕᐅ ᖃᑦᑕᕈᓐᓇᖁᓪᓗᒋᑦ ᓴᖅᑭᖅᑎᑕᐅᓚᐅᖅᓯᒪᔪᑦ. www.nftconsortium.org    

 

  • ᓄᓇᕘᒥ ᑕᕆᐅᒥ ᖃᓄᐃᑦᑐᑐᐃᓐᓇᐃᑦ ᐃᒪᕐᒥᐅᑕᐃᑦ ᖃᐅᔨᒋᐊᖅᑕᐅᖃᑦᑕᕐᓂᕆᓂᐊᖅᑕᐃᓄᑦ:
    ᐃᖃᓗᓕᕆᔨᒃᑯᑎᒎᓇ ᓇᑦᓯᓕᕆᔨᒃᑯᑎᒎᓇᓗ ᓄᓇᕘᒥ ᒐᕙᒪᖓᒃᑯᑦ ᐊᕙᑎᓕᕆᔨᒃᑯᖏᑦᑎᒍᑦ,ᓄᓇᕘᒥ ᑕᕆᐅᒥ ᖃᓄᐃᑦᑐᑐᐃᓐᓇᐃᑦ ᐃᒪᕐᒥᐅᑕᐃᑦ ᖃᐅᔨᒋᐊᖅᑕᐅᖃᑦᑕᕐᓂ-ᕆᓂᐊᖅᑕᐃᓄᑦ ᒫᓐᓇ ᐋᖅᑭᒃᓱᖅᑕᐅᕙᓪᓕᐊᔪᖅ ᓄᓇᕘᒥ ᐃᓕᓐᓂᐊᖅᑎᑕᐅᒋᐊᖅᑐᖃᑦᑕᕈᓐᓇᖁᓪᓗᒋᑦ ᐱᖏᐊᕐᓂᖓᓐᓂᒃ ᐃᖃᓗᓕᕆᓂᕐᒥᑦ ᐃᒪᕐᒥᐅᑕᓕᕆᓂᕐᒥᒡᓗ ᖃᐅᔨᒋᐊᖃᑦᑕᕐᓂᕐᒥᑦ. ᓇᓗᓇᐃᒃᑯᑕᖅᑖᖃᑦᑕᕋᔭᖅᑐᑦ ᐃᓄᐃᑦ ᖃᐅᔨᒪᔭᑐᖃᖏᑦ ᐃᓚᖃᓯᐅᔾᔭᐅᕙᓪᓕᐊᓗᑎᒃ ᐅᑭᐅᖅᑕᖅᑐᒦᑦᑐᓂᒃ. www.ncamp.ca    

 

  • ᓄᓇᕘᒥ ᖃᐅᔨᓴᕐᕕᒃ:
    ᓄᓇᕘᒥᐊᖅᑯᑏᑦ ᑭᓱᑐᐃᓐᓇᑦᓯᐊᕐᓂᒃ ᖃᐅᔨᓴᕈᒪᒍᕕᑦ ᑖᒃᑯᐊ ᐱᒋᐊᕐᕕᒋᔪᓐᓇᖅᑕᑎᑦ ᖃᐅᔨᓴᕐᕕᒃᑯᑦ ᓚᐃᓴᓐᔅᓯᑖᖅᑎᑦᓯᔨᐅᔪᑦ, ᖃᐅᔨᓴᐃᑎᑦᓯᖃᑦᑕᓲᖑᓪᓗᑎᒡᓗ ᐋᓐᓂᐊᖃᙱᑦᑐᓕᕆᓂᕐᒥᑦ ᖃᐅᔨᓴᖅᑎᑦᓯᒃᑲᐃᓪᓗᑎᒃ, ᓄᓇᒥᐅᑕᓃᑦᑐᓂᒡᓗ, ᐃᓄᓕᕆᓂᕐᒨᖓᔪᓂᒡᓗ ᖃᐅᔨᓴᕈᑎᖃᓲᖑᓪᓗᑎᒡᓗ, ᓄᓇᕘᒥ ᑭᒡᓕᓯᓂᐊᖅᑎᓄᑦ ᒪᓕᒐᖓᑦᑎᒍᑦ. ᓄᓇᕘᒥ ᖃᐅᔨᓴᕈᑎᕕᓂᕐᓂᒃᑕᐅᖅ ᖃᐅᔨᒋᐊᕐᕕᐅᖃᑦᑕᕈᓐᓇᕐᒥᔪᑦ, ᐃᑲᔪᕈᓐᓇᖅᑐᑦ ᖃᐅᔨᓴᖅᑎᐅᓕᓵᖅᑐᓂᒃ. ᖃᐅᔨᓴᕐᕕᒃ ᓄᓇᕘᒥᐅᑦ ᑐᓴᐅᒪᑎᑕᐅᖏᓐᓇᖃᑦᑕᕆᐊᖃᕐᓂᖏᓐᓂᒃ ᐃᑲᔪᖃᑕᐅᖃᑦᑕᕈᓐᓇᖅᓱᑎᒡᓗ ᐃᓄᐃᑦ ᖃᐅᔨᓴᕐᓂᕐᒥᑦ ᖃᐅᔨᓴᕈᑕᐅᔪᓂᒡᓗ ᐋᔩᖅᑎᒋᔭᐅᑦᓱᑎᒡᓗ ᖃᐅᔨᓴᖃᑎᒌᒐᓱᐊᖅᑎᓄᑦ ᐱᔭᐅᔪᒪᔪᓂᒃ ᐃᓱᒫᓗᑕᐅᔪᓂᒡᓗ ᑭᐅᓇᓱᖃᑦᑕᐃᓐᓇᕐᓂᐊᖅᑐᑦ ᓄᓇᕘᒥᐅᓂᒃ. ᖃᐅᔨᒋᐊᕐᕕᒋᒃᑲᓐᓂᕈᓐᓇᖅᑕᑎᑦ ᖃᐅᔨᓴᕐᕕᒃ ᓄᓇᕘᒥ ᖃᕆᑕᐅᔭᒃᑯᕈᓐᓇᐅᑎᖃᕐᕕᖓᑦᑎᒍᑦ ᓚᐃᓴᓐᔅᓯᑖᕈᑎᕕᓂᒃᑯᑦ ᖃᐅᔨᕚᓪᓕᕈᓐᓇᕐᓂᐊᕋᑯᑦ ᓄᓇᕘᒥ 1996-ᒥ ᖃᐅᔨᓴᒐᐅᓕᕐᓂᑯᕕᓂᕐᓂᒃ.   www.nri.nu.ca  

 

  • ᓄᓇᕘᒥ ᐳᓚᕋᖅᑐᓕᕆᓂᖅ:
    ᑮᓇᐅᔭᓕᐅᕋᑎᒃ ᑲᑐᔾᔨᖃᑎᒌᒋᔭᐅᔪᖅ, ᓄᓇᕘᒥ ᐳᓚᕋᖅᑐᓕᕆᔩᑦ ᐳᓚᕋᖅᑐᓕᕆᓂᕐᒥᑦ ᑕᑯᒋᐊᒃᑲᓐᓂᕈᒪᕗᑦ ᖃᐅᔨᒪᓂᖃᕐᓂᒃᑯᑦ ᐳᓚᕋᖅᑐᓕᕆᓂᕐᒥᑦ ᐊᒻᒪ ᐅᑯᑎᒎᓇ ᑕᓪᓕᒪᑎᒍᑦ: ᑕᑯᒃᓴᐅᑎᑦᓯᒋᐊᒃᑲᓐᓂᖅᖃᐅᔨᓴᕐᓂᖅ, ᐳᓚᕋᖅᑐᓕᕆᓂᖅ, ᐳᓚᕋᖅᑎᓄᓪᓗ ᐱᔨᑦᓯᕋᐅᑏᑦ. ᖃᕆᑕᐅᔭᖅᑎᒍᕈᓐᓇᐅᑎᖓᑦᑎᒍᑦ ᓄᓇᙳᐊᕐᒥᑦ ᑐᓴᒐᒃᓴᐅᑎᒃᓴᖃᐅᖅᓱᓂᓗ ᐳᓚᕋᖅᑐᓕᕆᓂᕐᒨᖓᔪᓂᒃ ᓄᓇᕘᑉ ᑕᕆᐅᖓᑦᑎᒍᑦ. www.nunavuttourism.com  

 

  • ᓄᓇᕘᒥ ᐳᓚᕋᖅᑐᓕᕆᓂᖅ:
    ᓯᕗᓕᖅᑕᐅᔪᑦ ᑮᓇᐅᔭᓄᑦ ᐱᐅᒃᑯᓐᓄᑦ ᐃᑲᔪᒐᐅᓪᓗᑎᒃ ᑕᒃᔅ ᐊᓐᓕᒥᑎᑦ ᑲᓇᑕᒃᑯᓐᓄᓪᓗ, ᐅᓴᓐ ᓄᐊᑦ ᑲᓇᑕ ᓴᖅᑭᔮᖅᑎᑦᓯᒋᐊᒃᑲᓐᓂᖅᑎᑦᓯᓇᓱᐊᖅᐸᒃᑐᑦ ᓱᓇᑐᐃᓐᓇᐃᑦ ᖃᐅᔨᓴᖅᑕᐅᓂᖏᓐᓂᒃ- ᑲᓇᑕᐅᓪᓗ ᑕᕿᐅᖓᓃᑦᑐᓂᒃ ᐊᑐᓗᐊᖅᑕᐃᓕᒪᓂᕐᒥᒡᓗ ᐃᓅᓯᖃᑦᓯᐊᕐᓂᖅᓴᐅᖃᑕᐅᔪᓐᓇᖁᓪᓗᒋᑦ ᓄᓇᖃᖅᑳᖅᑐᑦ ᐊᖑᓇᓱᐊᖅᐸᒃᑐᑦ ᓂᕿᒃᓴᕆᓂᐊᖅᑕᒥᓂᒃ. ᐅᑭᐅᖅᑕᖅᑐᒥᐅᓂᒃ ᐃᓕᑉᐹᓪᓕᕈᒪᒍᕕᑦ ᖃᕆᑕᐅᔭᖅᑎᒎᕈᓐᓇᐅᑎᖓᑦᑎᒍᑦ ᐅᖃᓕᒫᕈᓐᓇᖅᑐᑎᑦ ᐊᑐᐊᒐᓕᐊᖑᓯᒪᔪᑦ ᖃᐅᔨᓴᕐᓂᕐᒥᑦ ᓄᓇᕘᖅᑖᕐᓂᕐᒥᒃ ᐃᖃᓗᒃᓯᐅᕐᓂᐊᕐᓂᕐᒥᒡᓗ ᑮᓇᐅᔭᓕᐅᕈᑎᒃᓴᓂᒃ ᐊᕙᑎᒥᐅᑕᓃᑦᑐᑦ ᐃᓱᒪᒋᖃᓯᐅᑎᓗᒋᑦ ᐅᖅᓱᕐᔪᐊᖅᓯᐅᕐᓂᕐᓗ ᑕᕆᐅᒥ ᒪᓕᒃᑕᐅᔪᒃᓴᓕᐊᖑᓯᒪᔪᑦ, ᐅᑭᐅᖅᑕᖅᑐᒃᑯᓪᓗ ᐊᒡᔭᖅᑐᐃᓂᖅ ᐋᓐᓂᖅᑕᐃᓕᒪᓂᕐᒥᑦ ᒪᓕᒐᐃᑦ ᒪᓕᒐᖏᑦᑎᒍᑦ.    www.pewtrusts.org/en/projects/oceans-north-canada  

 

  • ᐴᓗ ᓈᓕᔾ ᑲᓇᑕ: 
    ᐅᑭᐅᖅᑕᖅᑐᒦᑦᑐᓂᒃ ᐅᖃᐅᓯᐅᒋᐊᒃᑲᓐᓂᕆᐊᖃᖅᑐᓂᒃ ᐊᒻᒪᓗ ᓴᙱᒡᓕᒋᐊᖅᑎᑦᓯᓂᕐᓗ ᑲᓇᑕᐅᑉ ᓄᓇᕐᔪᐊᒥᐅᑕᓄᑦ ᓯᕗᓕᖅᑎᐅᓂᕆᔭᖓᓐᓂᒃ ᐅᑭᐅᖅᑕᖅᑐᒥ ᓱᓇᑐᐃᓐᓇᕐᓂᒃ ᖃᐅᔨᓴᖃᑦᑕᕐᓂᕐᒥᑦ ᓄᑖᓪᓗ ᐊᑐᖅᑕᐅᖃᑦᑕᖅᕈᓐᓇᖅᓯᔪᓄᓪᓗ ᖃᐅᔨᓴᕈᑎᓂᒃ. ᐴᓗ ᓴᖅᑭᔮᖅᑎᑦᓯᒋᐊᒃᑲᓐᓂᖅᑎᑦᓯᕙᖕᒥᔪᖅ ᖃᐅᔨᒪᔭᓂᒃ ᐊᒥᖅᑳᕈᑎᒋᓪᓗᓂᔾᔪᒃ ᐊᓯᖏᓐᓂ ᐅᑭᐅᖅᑕᖅᑐᒥᐅᓄᑦᑕᐅᖅ, ᐃᓚᖃᓯᐅᑎᓪᓗᒍ ᐊᓐᑦᐋᒃᑎᑲ. ᖃᐅᔨᒪᔨᕐᔪᐊᑦ ᑎᑭᑎᑕᐅᔪᒫᖅᑐᑦ ᐃᖃᓗᒃᑑᑦᓯᐊᕐᒧᑦ, ᓄᓇᕘᒥ ᖃᐅᔨᓴᕆᐊᖅᑐᕐᓂᐊᖅᑐᓂᒃ, ᑲᓇᑕᐅᑉ ᐅᑭᐅᖅᑕᖅᑐᕐᒥ ᖁᑦᓯᒃᑐᒥ ᖃᐅᔨᓴᕐᕕᒃ. ᖃᐅᔨᒋᐊᒃᑲᓐᓂᕈᓐᓇᖅᑐᑎᑦ ᑖᒃᑯᐊ ᐱᓕᕆᐊᕆᕙᓪᓕᐊᔭᖏᓐᓂᒃ ᑐᓴᒐᒃᓴᐅᑎᖏᑦᑎᒍᑦ ᐅᑭᐅᖅᑕᖅᑐᒦᑦᑐᓂᒃ ᖃᐅᔨᕚᓪᓕᕈᑎᒋᔪᒪᒍᕕᒋᑦ ᖃᕆᑕᐅᔭᖅᑎᒎᕈᓐᕼᐅᑎᖓᑦᑎᒍᑦ. www.canada.ca/en/polar-knowledge.html  

 

  • ᓴᐳᒻᒥᒃᓰᓂᖅ ᐅᑭᐅᖅᑕᖅᑑᑉ ᑕᕆᐅᖓᓃᑦᑐᓂᒃ:
    ᐱᕙᓪᓕᐊᔪᖅᑕᖃᐅᖅᐸᓪᓕᐊᑎᓪᓗᒍ ᐊᓯᔾᔨᖅᑐᖃᐅᖅᐸᓪᓕᐊᑎᓪᓗᒍᓗ ᓯᓚ ᐱᓗᐊᖅᑐᒥᒃ ᐅᑭᐅᖅᑕᖅᑑᑉ ᑕᕆᐅᖓᓂ, ᐅᒃᑯᐃᖔᓕᕋᔭᖅᑐᓪᓗ ᐅᓗᕆᐊᓇᕈᑕᐅᔪᓐᓇᖅᑐᓪᓗ ᑕᕆᐅᑉ ᓯᒡᔭᐅᓪᓗ ᑭᒡᓕᐊᓃᑦᑐᑦ ᐊᕙᑎᖏᓐᓂ. ᓇᓚᐅᑦᓵᒐᐅᓯᒪᔪᑦ ᑕᒪᒃᑯᐊ ᑲᑎᙵᐅᕐᓂᖅᓴᒃᑯᑦ ᑲᒪᒋᐱᔭᐅᒃᑲᓐᓂᕆᐊᖃᖅᑐᑦ ᑕᒪᒃᑮᖕᓄᑦ ᐊᒃᓱᕈᑕᐅᖃᑦᑕᕐᓂᐊᕐᓂᖏᒡᓗ ᐅᑭᐅᖅᑕᖅᑐᒥ ᐅᖃᐅᓯᐅᒃᑲᓐᓂᕆᐊᖃᖅᑐᑦ. ᐅᑭᐅᖅᑕᖅᑑᑉ ᑲᑎᒪᔨᖏᓐᓄᑦ ᐱᓕᕆᐊᕆᔭᐅᓂᖓ ᐋᖅᑭᒃᑕᐅᓯᒪᔪᖅ, ᑖᒃᑯᐊ ᐱᓇᓱᐊᒐᖃᕈᒪᔪᑦ ᐊᑐᐊᒐᓕᕆᓂᕐᒥᒨᖓᔪᓂᒃ ᐅᖃᐅᓯᐅᒋᐊᖃᖅᑐᒥᒃ ᑐᐊᕕᕐᓇᖏᒃᑲᓗᐊᖅᑐᓂᒃ ᐳᔪᕐᓗᓕᕆᓂᖅ ᓯᐊᒻᒪᐅᑎᓗᐊᖅᑕᐃᓕᒪᖁᓇᒍ ᓴᐳᒻᒥᔭᐅᓯᒪᖁᓪᓗᒍᓗ ᐅᑭᐅᖅᑕᖅᑑᑉ ᑕᕆᐅᖁᑎᖓ ᑕᒪᒃᑮᒡᓗ ᓄᓇᒥ ᑕᕆᐅᒥᓗ ᐱᓕᕆᐊᕆᔭᐅᔪᑦ. ᐃᑲᔫᑎᒃᓴᕚᓪᓕᕐᓂᒃ ᐊᑐᐊᒐᒃᓴᓕᐅᖃᑎᒌᖕᓂᕐᓗ ᐃᑲᔪᖃᑎᒌᖕᓂᒃᑯᑦ ᑕᒪᓐᓇ ᐱᓕᕆᐊᕆᔭᐅᔭᕆᐊᖃᕋᔭᖅᑐᖅ  ᒪᓕᒐᓕᐊᖑᓯᒪᔪᓄᑦ ᐃᓚᖃᓯᐅᔾᔭᐅᓂᐊᕐᓗᑎᒃ. www.pame.is