ᐱᓕᕆᖃᑕᐅᓚᐅᕇᑦ!
ᖃᓄᐃᒻᒪ? ᑖᒃᑯᐊ ᓄᓇᕗᒻᒥ ᑕᕆᐅᓕᕆᔨᑦ ᑲᑎᒪᔨᖏᑦ ᑭᒃᑯᓕᒫᓂᒃ ᐅᔾᓕᕈᓱᖁᔨᔪᑦ ᐃᓚᐅᑎᑦᑎᓇᓱᐊᕐᓂᖏᓐᓂᒃ ᑕᕆᐅᒥᑦ ᐱᓇᐃᓗᑕᕐᓄᑦ. ᓂᕈᐊᕈᓐᓇᖅᑐᓯ ᐃᓚᐅᔪᒪᓗᓯ ᐊᒻᒪᓗ ᑐᓂᓯᓗᓯ ᐊᐱᖅᑯᑎᔅᓯᓐᓂᒃ, ᐅᖃᐅᓯᒃᓴᔅᓯᓐᓂᒃ ᐊᒻᒪᓗ ᐅᖃᐅᔾᔨᒋᐊᕈᑎᔅᓯᓐᓂᒃ ᑕᒪᒃᑯᓄᖓ ᑕᕆᐅᒧᑦ ᐱᓕᕆᐊᖑᓇᓱᐊᖅᑐᓄᑦ, ᐃᑲᔪᕈᓐᓇᖅᑐᓯ ᓴᐳᔾᔭᐅᓇᓱᐊᕐᓂᖓᓂᒃ ᐊᒻᒪᓗ ᐱᔪᒥᓴᐃᔾᔪᑎᓂᒃ ᓄᓇᕘᒥᑦ ᑕᕆᐅᑉ ᐃᓂᖏᓐᓂᒃ.
ᐅᖃᐅᓯᒃᓴᖃᕐᕕᐅᔪᓐᓇᖅᑐᑦ: ᐊᒃᑐᐃᓗᐊᙱᑦᑐᑦ ᐊᐅᓪᓚᖅᑎᑕᐅᔪᑦ ᐊᖅᑯᑎᖏᑦ
ᑲᓇᑕᐅᑉ ᒐᕙᒪᒃᑯᖏᑦ ᑐᓴᕈᒪᖕᒪᑕ ᐊᒃᑐᐃᓗᐊᙱᓐᓂᕐᓴᓂᑦ ᐅᒥᐊᕐᔪᐊᓄᑦ. ᐃᒪᕕᖕᒥ ᓴᐳᔾᔨᓯᒪᓂᕐᒧᑦ ᐸᕐᓇᐅᑎᒃᑯᑦ, ᐅᑭᐅᖅᑕᖅᑐᒥ ᐊᒃᑐᐃᓗᐊᙱᑦᑐᑦ ᐅᒥᐊᕐᔪᐊᒃᑯᑦ ᐊᖅᑯᑎᑦ (Corridors) ᐱᓕᕆᐊᖑᑎᑕᐅᔪᖅ ᐊᐅᓚᑕᐅᖃᑕᐅᕗᖅ ᑲᓇᑕᒥ ᓯᑯᓯᐅᖅᑎᒃᑯᓐᓄᑦ, ᐃᖏᕐᕋᔪᓕᕆᔨᒃᑯᓐᓄᑦ ᑲᓇᑕᒥ, ᐊᒻᒪ ᑲᓇᑕᒥ ᐃᒪᓕᕆᓂᕐᒧᑦ ᐱᔨᑦᑎᕋᐅᑎᓂᒃ. ᐊᖅᑯᑎᓄᑦ ᐱᓕᕆᐊᖑᕙᓪᓕᐊᔪᒪᔪᑦ ᕿᓂᓲᖑᕗᑦ ᒥᒃᖠᒋᐊᖅᑎᑦᑎᓇᓱᒃᖢᑎᒃ ᐊᒃᑐᐃᔾᔪᑕᐅᑐᐃᓐᓇᕆᐊᓕᖕᓂᒃ ᐊᐅᓪᓚᖅᑎᑦᑎᓂᐊᕐᓗᓂ ᐆᒪᔪᓂᒃ, ᐃᒃᐱᒋᔭᐅᑦᑎᐊᕐᓗᑎᒃ ᐃᓕᖅᑯᓯᕆᔭᐅᔪᑦ ᐊᒻᒪ ᐆᒪᔪᑦ ᐊᒃᑐᖅᑕᐅᓴᕋᐃᑦᑐᑦ, ᐱᐅᓯᒋᐊᖅᑎᓪᓗᒋᑦ ᐃᒪᕐᒥᐅᑕᑦ ᑕᒻᒪᕇᒃᑯᑎᓄᑦ ᐊᑦᑕᕐᓇᖅᑕᐃᓕᒪᔾᔪᑎᑦ, ᖃᐅᔨᒪᓗᒋᓪᓗ ᑮᓇᐅᔭᓕᐅᕈᑕᐅᓇᓱᒃᑐᑦ ᐅᑭᐅᖅᑕᖅᑐᒥ. ᑎᑭᑕᐅᓇᓱᓪᓗᐊᑕᖅᑐᑦ ᐊᖅᑯᑎᓄᑦ ᐱᓕᕆᐊᖑᕙᓪᓕᐊᔪᒪᔪᓄᑦ ᑲᑐᔾᔨᖃᑎᒌᒡᓗᑎᒃ ᐋᖅᑭᒃᓯᔪᒪᓪᓗᑎᒃ ᐊᐅᓚᑦᑎᔾᔪᑎᓄᑦ ᐋᖅᑭᒃᓯᒪᓂᕆᓂᐊᖅᑕᖓᓂᒃ ᐃᑲᔪᖅᓱᕐᓗᒋᑦ ᐊᖅᑯᑎᖏᑦ, ᓇᓗᓇᐃᕐᓗᒋᓪᓗ ᓯᕗᓪᓕᐅᑎᔭᕆᐊᓖᑦ ᐱᔨᑦᑎᕋᐅᑎᓄᑦ ᐱᐅᓯᒋᐊᕈᑎᓄᑦ. ᓯᑯᓯᐅᖅᑎᒃᑯᑦ ᐊᒻᒪ ᐃᖏᕐᕋᔪᓕᕆᔨᒃᑯᑦ ᑲᓇᑕᒥ ᓯᕗᓕᖅᑎᒋᔭᐅᖃᑦᑕᖅᓯᒪᕗᑦ ᐃᓄᖕᓂᒃ, ᓄᓇᖃᖅᑳᖅᓯᒪᔪᓂᒃ ᐊᒻᒪ ᐊᓪᓚᖓᔪᓂᒃ ᑲᑐᔾᔨᖃᑎᒌᓂᒃ ᐊᒻᒪ ᒐᕙᒪᒃᑯᓐᓂ, ᑲᓇᑕᒥ ᐊᕕᒃᑐᖅᓯᒪᔪᓂᒃ ᐊᒻᒪ ᓄᓇᕘᒥ ᒐᕙᒪᓂᒃ, ᐊᓯᖏᓐᓂᒡᓗ ᓇᖕᒥᓂᖃᖃᑕᐅᔪᓂᒃ ᓇᓗᓇᐃᖅᓯᓇᓱᒃᖢᑎᒃ ᓯᕗᓪᓕᐅᔾᔭᐅᔪᒪᔪᓂᒃ ᑮᓇᐅᔭᓕᐅᕈᑕᐅᓇᓱᒃᑐᓂᒃ ᐊᒻᒪ ᐊᐅᓚᑦᑎᔾᔪᑎᐅᑐᐃᓐᓇᕆᐊᓕᖕᓂᒃ.
ᑭᐅᔾᔪᑎᓯ ᐊᑐᐃᓐᓇᕈᖅᑎᑕᐅᔪᓐᓇᖅᐳᑦ ᑲᓇᑕᒥ ᒐᕙᒪᒃᑯᓐᓄᑦ ᐅᕝᕙᓘᓐᓃᑦ ᑐᓴᖃᑎᒌᒍᑕᐅᓗᑎᒃ NMC−ᑯᓐᓄᑦ ᐅᕙᑦᑎᓐᓄᑦ ᖃᐅᔨᒋᐊᕐᓗᑎᒃ.
ᖃᖓ: ᐊᐃᕆᓕ 1, 2021-ᔮᓄᐊᕆ 1, 2022